في الناحية التانية..
آدم قعد مع نفسه شوية، وبعد كده دخل الحمام وأخد دش ولبس طقم مكون من بنطلون قطن بني، وتيشرت لونه جملي، وظبط شعره، ونزل، وكان في نيته إنه يخرج من الفيلا ويروح يقعد قدام البحر عشان يشم شوية هوا نضيف، ويحاول يصفي ذهنه.
ليلة العمر الذهبية (الجزء 11) للكاتبة حنان حسن
حق رحيم (الجزء الثاني) للكاتب عمار عبد البديع
احببتها اثناء انتقامي( الجزء 45)
آدم نزل تحت بس سمع صوت يارا وهي بتدندن مع أغاني ماهر زين وبتقول: مهما قابلنا صعب ما نحس بفرحة غير وياكم، كل دقيقة حلوة بيكوا بتجمعنا، ايه في الدنيا يساوي لحظة معاكوا، طول ما انتم جنبنا ايه هيهمنا، كان نفسنا من زمان فعلًا نفرح من قلبنا، لو تبعدنا السنين خليكوا قريبين، ده احنا ما صدقنا لقينا أخيرًا ناس تشبهلنا، فيكم مننا.
آدم سمع صوت يارا وكان قلبه بيرفرف من جمال صوتها وحس ان الكلام خارج من قلبها ودخل في قلبه وعقله مع بعضـ، ولقى نفسه هيقع في فخها تاني فقرر انه يطلع بسرعة قبل ما الموضوع يكبر.
بس قبل ما يخرج افتكر اللي حصل لما خرج من غير ما يقولها فقرر إن هو ميزعلهاش تاني ودخل بهدوء للمطبخ عشان يقولها، بس لقى يارا ايدها مليانة دقيق وعمالة ترقص وتدندن مع الأغنية وخصلات شعرها بتلعب على ودنها، وشفايفها اللي شبه الكريز عمالة تغني بصوت ناعم ورقيق جدًا، فسيطرت على قلبه وقال بصوت خفيف: احم احم.
يارا انتفضت بسرعة لإنها مش متعودة ان آدم يقرب منها بالطريقة دي، وبتلقائية حطت ايد على بقها والايد التانية على صدرها عشان تكتم صراخها من الخضة.
بس للاسف ايدها الأولانية كان فيها دقيقة، والايد التانية كان فيها عجينة.
فوشها والبادي اتبهدلوا من غير ما تاخد بالها.
وقالت بدلع: حرام عليك خضتني.
آدم بص على يارا وعلى خدودها اللي مليانة عجينة لحد شفايفها اللي كان لونها وردي طبيعي بس اتلونت بالأبيض من العجينة، وبص على مكان ايدها على قلبها ولقى بردوا عجين، وكان شكلها مضحك أوي، فحاول يمسك الضحكة ويبين إنه جاد وقالها: أنا كنت جاي بس اعرفك ان أنا خارج شوية وجاي.
يارا قربت منه بتلقائية ومن غير ما تاخد بالها قالتله: لا أرجوك يا آدم ما تمشيش، وبصتله نظرة شك.
آدم لما يارا بصتله كده حس بوجع شديد في قلبه وضغط على ايدها من غير ما ياخد باله وقالها: متقلقيش يا يارا شوية وجاي، ايه المشكلة.
وحاول يغطي على الموضوع ويغيره وبدأ يسألها: بتعملي ايه؟
يارا قالت بصوت كله فرحة وحماس: بعمل كب كيك بالفراولة والشيكولاته.
وفي اللحظة دي آدم رجع بالذاكرة بتاعته بسرعة، وافتكر موقف بينه وبين أمه.
فلاش باك.
آدم بعد ما خلص التمارين الرياضة بتاعته رجع للبيت، وأول ما دخل بدأ ينادي على أمه بصوت عالي.
زينب: ايه يا حبيبي أنا في المطبخ تعالى.
آدم بعد ما رمى الشنطة بتاعته على الأرض راح باس زينب من خدها وراسها، وقال: يا حجوجة يا أحلى قشطة في الدنيا، صباح الفل على عيونك.
زينب بصوت كله حنية وحب: صباح النور يا حبيب قلبي كده بردوا يا واد، كل يوم ترجعلي الوقت ده وانت هلكان وريحتك كلها عرق كده.
آدم: ما انتي عارفة يا حبيبتي إن أنا كل يوم بصلي الفجر وبطلع اجري الساعتين اللي بعد الفجر، لإن بيبقى فيهم بركة، ده غير ان مبيبقاش في ناس في الشارع، وانتي عارفة طبعًا مبحبش الزحمة، بس بعد كده برجع اقعد مع أحلى ست في الدنيا، ما انتي عارفة يا ماما هو انتي هتغيري الروتين بتاعي ولا ايه.
زينب: يا حبيب قلبي أنا مقلتش حاجة، بس أنا بردوا خايفة عليك وعلى صحتك انت بتقوم بعد الفجر هلكان وبتنزل تصلي وبعد كده تطلع تجري من غير ما تفطر ولا بتحط أي حاجة في بقك، وأنا عايزاك تبقى طول اليوم فايق لإن بيبقى عندك مذاكرة وكلية وجسمك مش هيتحمل كل ده.
آدم وهو بيحضنها: حبيبتي متخافيش عليا أنا هطلع دلوقتي أنام وبعدين ابقى اشوف دراستي، بس انتي عارفة يا أمي إني من وأنا صغير متعود على كده، وجسمي اتأقلم خلاص، وبعدين أنا بعمل اللي ربنا قاله والنبي صلى الله عليه وسلم قاله ( بورك لامتي في بكورها) وبعدين متقلقيش ابنك راجل وبيستحمل أي حاجة.
يتبع……
لمشاهده الجزء الخامس والعشرون من الرواية “اضغط هنا”
لمشاهده الجزء الثالث والعشرون من الرواية “اضغط هنا”
لمشاهدة الجزء الثاني والعشرون من الرواية “اضغط هنا“.
لمشاهدة الجزء الواحد والعشرون من الرواية “اضغط هنا“.
لمشاهدة الجزء العشرون من الرواية “اضغط هنا“.
لمشاهدة الجزء التاسع عشر من الرواية “اضغط هنا“.
لمشاهدة الجزء الثامن عشر من الرواية “اضغط هنا“.
لمشاهدة الجزء السابع عشر من الرواية “اضغط هنا“.
لمشاهدة الجزء السادس عشر من الرواية “اضغط هنا“.
لمشاهدة الجزء الخامس عشر من الرواية “اضغط هنا“.
لمشاهدة الجزء الرابع عشر من الرواية “اضغط هنا“.
لمشاهدة الجزء الثالث عشر من الرواية “اضغط هنا“.
لمشاهدة الجزء الثاني عشر من الرواية “اضغط هنا“.
لمشاهدة الجزء الحادي عشر من الرواية “اضغط هنا“.
لمشاهدة الجزء العاشر من الرواية “اضغط هنا“.
لمشاهدة الجزء التاسع من الرواية “اضغط هنا“.
لمشاهدة الجزء الثامن من الرواية “اضغط هنا“.
لمشاهدة الجزء السابع من الرواية “اضغط هنا“.
لمشاهدة الجزء السادس من الرواية “اضغط هنا“.
لمشاهدة الجزء الخامس من الرواية “اضغط هنا“.
لمشاهدة الجزء الرابع من الرواية “اضغط هنا“.
لمشاهدة الجزء الثالث من الرواية “اضغط هنا“.
لمشاهدة الجزء الثاني من الرواية “اضغط هنا“.
لمشاهدة الجزء الأول من الرواية “اضغط هنا“.
