بعد مرور شهر…
علي انا مش قادر اصدق يازين انه انا ومي هنتجوز متعرفش انا مبسوط ازاي.
ليلة العمر الذهبية (الجزء13) للكاتبة حنان حسن
احببتها اثناء انتقامي( الجزء44)
أحببتها أثناء انتقامي (الجزء السادس) للكاتبة عليا حمدي
زين عارف وحاسس بيك يوم ماتجوزت اسيل كنت نفس احساسك بس الفرق بيني وبينك انك مبين فرحتك وانا كنت مداري فرحتي.
علي هو انت لحد دلوقتي مصرحتهاش بحبك ليها.
زين لا طبعا اخاف اخصرها هي لحد دلوقتي فكراه الاتفاق لسه مابنا هو انا صحيح زمان قولت انه اتلغا بس هي بتعاملني زي اتفقنا بالظبط.
علي بس انت اكيد مش مرتاح كدا.
زين اكيد طبعا انا لو بس متاكد من انها بتحبني زي مابحبها هصارحها علي طول.
علي ربنا يسعدك ياصحبي ويقربلك البعيد.
في الجانب الاخر..
اسيل واخيرا بقا شوفتك احلي عروسه ياميمو. انا مبسوطه بيكي اوي يا صاحبت عمري.
مي انا مش مصدقه انه انا وعلي هنتجوز دا احنا كنا مش بنقعد خمس دقايق مع بعض من غير خناق. غريبه اوي الدنيا دي ياصاحبتي.
اسيل عقبالي بقا لمه يحس بيا الحيطه اللي متجوزاه.
مي يابنتي حاولي تلمحي ليه اكيد هيفهم.
اسيل فكك بس خلينا فيكي النهرده.
اتجوزت مي وعلي.
وفي يوم كان زين واسيل سهرنين بيتفرجو علي فيلم…
زين بقولك علي اي يا اسيل ممكن اسألك سؤال.
اسيل اتفضل اسأل.
زين هو ادهم ابن عمك بتشوفيه لمه بتروحي عند باباكي.
اسيل مش دايما صادف اكتر من مره كنت رايحه اشوف بابا وشوفته هناك كان بيطمن عليه.
زين بعصبيه وليه مكنتيش بتحكيلي انك شوفيته.
اسيل باستغراب احكيلك اي بالظبط انه بشوف ابن عمي في بيتنا.
زين بصوت عالي اه تحكيلي مش ابن عمك دا اللي كان بيحبك زمان. مش بعيد تكوني انتي كمان بتحبيه وبتحني ليه.
اسيل بعياط انت بتقول اي. انت ازاي تفكر فيا بالطريقه دي.
زين مش انتي وفقتي تتجوزيني علشانه.
اسيل انا فعلا اتجوزتك ووافقت علشان تسيبه في حالو وكنت خايفه عليه علشان ابن عمي من لحمي ودمي. مش معنى كدا انه اعمل كدا علشان بحبه. انا بجد مصدومه فيك ازاي تفكر فيا كدا.
زين بتحبيه…؟!
اسيل انت شكلك مش طبيعي. انت ازاي بتسألني سؤال زي دا.
زين جاوبي علي سؤالي.
اسيل بدموع كالمطر مصدومه من الكلام اللي بيقولو زين. طلقني يازين.
زين لمه شافها كدا هدي شويه. اول واخر مره تنطقي الكلمه دي.
أسيل انا مش ممكن اكمل مع واحد بيشك فيا بقولك طلقني.
زين اتعصب قولت الكلمه دي ماتتقالش اتفضلي علي اوضتك يلاا.
اسيل طلعت علي الاوضه حضنت المخده وفضلت تعيط لحد ماغلبها النوم ونامت.
زين طلع فوق يطمن عليها. شافها نايمه. صعبت عليه نزل بسرعه.
وفي صباح اليوم التالي….
اسيل اي الريحه الحلوه دي لسه بتفتح عينها. الاوضه كلها ورد ورد وجنبها علي السرير شيكولاته كتير اوي من اللي بتحبها. لسه بتبص علي السقف في بالونات الهيليوم ومربوط فيها صور ل زين واسيل طول فترة جوازهم اللي فاتت وصورهم وهما في دهب والساحل الشمالي ولمه سافرو باريس. مكتوب عليهم.
(انا اسف مكنش قصدي ازعلك سامحيني)
زين عمل كل دا هي نايمه مقدرش ينام وهي زعلانه منه. بس برضو مش قادر يشيل ادهم من دماغه.
اسيل لمه شافت كل دا كانت مبسوطه اووي. نسيت كل حاجه حصلت امبارح زين قدر يخطف قلبها من تاني. لبست ونزلت بسرعه عند مي.
مي مين البارد دا اللي بيزور حد الساعه ٨ الصبح.
اسيل بتخبط جامد يابنتي افتحي كل دا نوم.
مي هو انتي عارفه الساعه كام دلوقتي ولا البعيده مش بتشوف. وبعدين ياختي مالك كدا طايره من الفرح خير.
اسيل يلا نحضر الفطار وهحكيلك كل حاجه.
مي تمام يلا.
وهما بيجهزو الفطار حكت اسيل كل اللي حصل معاها ل مي.
