علي ابن الاستاذه اماني طلع هو كمان عنده توحد.
نزلت لجوزها ياسر بتقول له يا ياسر انت ازاي تسيب ابنك كده وهو عنده توحد مش كفايه ما بتسالش عليه طول الوقت سايبه كمان وما تعرفش ان هو ما نامش.
نعيمي وجحيمها (الجزء الثاني) للكاتبة أمل نصر
احببتها اثناء انتقامي (الجزء 41)
أحببتها أثناء انتقامي (الجزء الثامن) للكاتبة عليا حمدي
قررت الاستاذه اماني اليوم دا تفسح علي.
وفعلا اليوم دا كان احد موكليها عنده سيرك وكان المكتب كسبان قضيته.
فالموكل وزع تيكت كتير على المحامين بتوعها واداها هي كمان تكتات للسيرك بتاعه.
ويجمع القدر برده نديم ورام الله خدوا التيكيتات وراحوا السيرك.
اتقابلوا هناك وساعتها كان اول مره نديم يشوف علي.
رام الله بصت ل علي وعرفت ان هو عنده توحد .
وبعد كده بصت ل نديم استاذه اماني استغربت من نظراتهم .
وقالت لهم طيب انا هسبكم لحد ما انتو ما تيجوا.
دخلت الاستاذه اماني ورام الله بدأت تبص لنديم.
بيقول لها في حاجه يا رام الله؟
قالت له هو ممكن عشان كده استاذه اماني شغلتك؟
قال لها عشان كده ازاي يعني ؟
قالت له عشان هو كمان عنده توحد زيك.
نديم متضايق شويه واتوتر ورام الله خدت بالها.
قالت له انا اسفه والله يا نديم هو بس كان مجرد سؤال في دماغي.
اعتبرني ما قلتلكش حاجه زي كده .
قال لها على فكره انا اذكى منك انا مفيش حاجه غلط.
قالت له عندك حق انا اسفه يا نديم .
وخدته ودخلت السيرك.
نديم دخل السيرك وكان مبسوط شويه لكن اول ما شاف البلياتشو اتضايق.
عشان هو ما بيحبش البلياتشو وبيحس ان هو شرير بسبب فيلم الجوكر.
رام الله قالت له على فكره هو مش شرير هو بس في فيلم الجوكر كده لكن البلياتشو جميل وبيضحك الناس.
قال لها ممكن انا ممكن احبه عشان خاطرك.
ضحكت وقالت لنديم انها كانت مبسوطه باليوم ونديم قال لها وانا كمان اتبسطت جدا.
والاثنين روحوا ونديم راح قعد مع جميل.
نديم مش عارف هو بيفكر في ايه وعمال يقول لي جميل ان هو كان مبسوط مع رام الله.
وقال له مش عارف انا بحبها ولا لا؟
بس انا ببقى مبسوط وانا معاها زي ما ببقى مبسوط وانا بحل القضايا.
وقال لي جميل ان عز قبل كده قال له ان الصاروخ دي عمرها ما هتبص لواحد زيي وان هي احلى منه.
بس نديم يرد ويقول له ان هو قرأ في الكتاب قبل كده ان الحب هو التقاء روحين وان الارواح لا تتنافس في الذكاء ولا الجمال وان كل الارواح جميله.
ثاني يوم نديم يلبس عشان يروح الشغل لكن ساعتها هو كان متفق مع استاذه اماني ان هي تقابله وتوصله.
وكانت عايزه تتعرف على جميل صاحبه.
نديم فضل مستني الاستاذه اماني لكن هي اتاخرت ساعه كامله عن ميعادها.
ولما وصلت قال لها انتى اتاخرت ليه؟
قالت له علشان الناس المهمه بس هي اللي بتيجي متاخر.
قال لها الناس المهمه بتتاخر 10 دقائق بس اكثر من نص ساعه بيبقى عدم احترام.
