أكرم: الاعتذار يكون للأنسة صبا مش ليا يا سيلين.
صبا: أنا مش عاوزة اعتذار من حد.
حكايات من القرية القديمة
ليلة العمر الذهبية ( الجزء 6)
ليلة العمر الذهبية ( الجزء 3)
أكرم: أنتي هنا شغالة في شركة الهواري، كل اللي عليكي تنفذي التعليمات.
صبا: وأنا تعلماتي من بشمهندس سليم، غير كده مش من حق حد يفرض عليا حاجة.
أكرم: أسمعي يا اسمك أيه، أنا مش بسمح بإن حد يتظلم في أي مكان أكون موجود فيه، ولأخر مرى بقولها سيلين هتعتذر منك أنا مبكررش كلامي، وبحذرك لأول وأخر مرة تعلي صوتك عشان صدقيني رد فعلي مش هيعجبك خالص.
صبا رفعت صبعها في وش أكرم وعينها في عينه وقالت: وأسمع أنت كمان كويس أنا مش بتهدد ولا بقبل إن حاجة من عاوزاها تتفررض عليا، وشركة الهواري دي اللي طالع بيها سابع سما أنا مش عايزاها.
سليم عشان عارف عصبية أكرم ممكن توصله لأيه حاول يهدي الموقف وقال: يا أكرم أنا مقدر زعلك على اللي حصل، بس بشمهندسة صبا من أحسن الموظفين عندنا في الشركة.
أكرم قعد على الكرسي وقال بكل غرور: هو أنتي بتتكلمي كده على أساس أيه، هي الأستاذة متعرفش أنها ماضية على عقد احتكار ولا أيه يا سليم.
وكمل كلام: حاول تفهم البشمهندسة يا سليم أنه هنا في الشركة في قواعد وقوانين ومش هسمح لأي حد يهدم كل القواعد دي.
صبا اتصدمت وبصت لسليم: أنا مش فاهمة حاجة ممكن تفهمني!!
أكرم: أرجعي لبنود العقد، البند العاشر بيقول ممنوع أنك تسيبي الشركة لأي ظرف قبل تلت سنين شغل، واضح أنك مضيتي العقد من قبل ما تقريه، تاني نقطة ودي الأهم إن سيلين غلطت وهتعتذر منك قدامنا كلنا زي ما أهنتك قدامنا.
سيلين قالت وهي خايفة من أكرم: أنا آسفة يابشمهندسة على اللي حصل ومش هيتكرر تاني.
صبا مقدرتش تمسك نفسها وعيطت قدام كل الموجودين في المكتب.
أكرم بغرور: دلوقتي كل حاجة خلصت، وتقدري تتفضلي وتكملي شغلك، ولو مش عاجبك أدفعي الشرط الجزائي، بس ده لو مش عايزه تفضلي معانا ومصره على قرارك.
صبا مسحت دموعها وبصت في عنيه وردت عليه بكل ثقة: هو أنت فاكر يا اسمك أيه باللي بتعمله ده بتلوي دراعي أحب أقولك أنك غلطان مش أنا الشخص اللي يتعمل معاه كده، وبعدها خرجت لمكتبها.
أكرم ضرب بأيده على المكتب لحد ما تعورت: بقى أنا تقولي يا اسمك أيه حتة بت لا راحت ولا جت، أنا اكرم الهواري اللي بتتهز شنابات لمه تسمع اسمه يحصلي كده.
يونس قعد يضحك، وأكرم بصله بعصبية وقال: عارف وقسمًا بالله يا يونس لو مسكتش هزعلك، ولا أقولك انا سيبهالك وخارج.
خرج من المكتب وسمع صوت ضحك عالي، ولما بص قدامه شاف صبا واقفة مع آسر وكأن محصلش حاجة.
أكرم: أي رأيكوا أطلبكوا أتنين لمون بالنعناع يطري القعدة عن كده.
آسر وقف بسرعة: أحنا خلصنا كل الشغل، وفاضل بس البشمهندس سليم يمضي على الورق بالموفقة.
صبا تجاهلته خالص وكأنه مش موجود رغم أنه كان بينهم مسافة صغيرة أوي، ومسكت موبايلها وكلمت أختها: ألو، إزيك يا شمس ممكن يا روحي تعدي عليا في الشركة كمان ساعى نرجع البيت مع بعض.
أكرم أتعصب أكتر: هو أنتي مش شايفة الشغل لسه قدامه ٤ ساعات ويخلص، مفيش خروج غير لمه تخلصي شغلك.
صبا: والله ده شغلي ولو مش عاجبك تقدر ترفدني من حقك.
بعدها صبا بصت لآسر وقالتله: بلغ الباشمهندس إن كده الشغل خلص وأنا ماشية زي ما أتفقنا.
سليم جه على صوتهم العالي وقال: مالكوا يا جماعة في أيه، وليه صوتكوا عالي كدا.
صبا: تقدر تسأل أستاذ أكرم، أنا خلصت الشغل اللي أتطلب مني، ممكن استأذن وأمشي لو سمحت.
سليم: تقدري تتفضلي يابشمهندسة.
في فيلا الهواري…
فريال: مالك يا عمي زعلان كده ليه وقاعد لوحدك بتفكر في أي!!
حسن: مش عاجبني حال محمد أبني سايب أبنه أكرم يعمل كل اللي يريحه، حتى لو على حساب الناس التانية، الولد ده خلاص مبقاش ليه كبير يرجعه من اللي هو فيه.
فريال: هتستنى أي من تربية أحلام يا عمي طبيعي إن أبنها يكون كده!
حسن وقف وضرب بالعصاية على الأرض وهو بيقول: أنا مستحيل أقبل بالمهذلة دي، أنا هروحله وأوقفه عند حده، مش كفاية أني قبلت انهم يعيشوا بعيد عني.
فريال بخبث: محمد وولاده خلاص مش بيسمعوا كلام حد غير أحلام هتروح هناك هتعمل أي، ده من وقت ما مات محمود الله يرحمه وهما حالهم اتشقلب رغم أنها السبب في موته.
تاني يوم الصبح…
حسن طلب من الشغالين يجهزوا السفرة والكل يحصلوا على هناك.
حسن: أيه يا يونس من أخر مرة طلبت منك تتجوز نهى ولحد دلوقتي محددتش معاد للخطوبة.
يونس بص لأمه وكأنه بيعتبها على سكوتها هي وأبوه: أنا مشغول، لمه أكون فاضي نتكلم في الموضوع ده، عن إذنكوا دلوقتي.
فريال: سيبه براحته يا عمي، يونس مستحيل يكسر كلامك، وأهو رد عليك هيخلص اللي وراه ويحدد معاد للخطوبة وأهو تكون خطوبة وكتب كتاب أحسن.
يونس بصلها بعصبية وأخد كل حاجته وقالهم: عن إذنكوا عندي شغل.
حسن: عملت أيه يا جلال سمعت إن الأسهم بتاعتك كل يوم بتنزل، رغم إن أسهم محمد وولاده دايمًا بتعلى.
جلال: أنا مستغرب يا بابا إزاي كل يوم أسهمهم بتزيد وأنا بتقل رغم أني مش مقصر في أي حاجة بخصوص الشغل.
حسن أتريق عليه وقاله: بقى ده سؤال بتسأله، محمد بيعلى بشغله بسبب ولاده، بص كدا لولادك، عدي راجع وش الصبح وكمان مش عاجبه وبقاله ٧ سنين مش عارف يتخرج من الجامعة، ولادك كلهم فاشلين ده حتى يونس اللي كنت مفكره هيكسر أكرم لمه يحقق الحلم اللي كان نفسه فيه ومعرفش بقى أكرم هو اللي ممشيه وبيسمع كلامه، طبعًا ما هو تربيت أحلام لو كان تربيتك كان زمانه زيه زي أخوه الفاشل، إنما ولاد أحلام واحد وكيل نيابة وأكبر أسهم الشركة بتاعته، والتاني معاه دكتوراه في الهندسة، ومحمد أبني ماكنش معاه حتى ياكل ودلوقتي عنده بيت وأملاك باسمه بسبب ولاده وأنتوا كل حاجة تحت أيديكم من أملاك لفلوس لأراضي ومع ذلك مفيش حاجة نافعة.
يتبع…..
لمشاهدة الجزء السابع من القصة “اضغط هنا“.
لمشاهدة الجزء الخامس من القصة “اضغط هنا“.
لمشاهدة الجزء الرابع من القصة “اضغط هنا“.
لمشاهدة الجزء الثالث من القصة “اضغط هنا“.
لمشاهدة الجزء الثاني من القصة “اضغط هنا“.
لمشاهدة الجزء الأول من القصة “اضغط هنا“.
