ندى خبطت علي الباب. وفتح الباب وهنا كانت المفاجأة….
قام بفتح الباب شاب.
دا جواز فترة مؤقته واستحاله أحبها وأنا فهمتها كده ……. جواز مؤقت
أحببتها أثناء انتقامي (الجزء الثامن والعشرون) للكاتبة عليا حمدي
احببتها اثناء انتقامي( الجزء 43)
ندى السلام عليكم ورحمة الله وبركاته. لو سمحت دا منزل الاستاذه ناديه.
الشاب وعليكم السلام ورحمة الله وبركاته. وبكل حزن اه يافندم اؤمريني انا ابنها.
ندى ممكن تندها اتكلم معاها.
الشاب سكت قليلا والدموع في عيناه. امي قد توفيت من ٣ ايام.
ندى بعياط شديد لسه كانت معايا. لاحول ولاقوة الابالله العلي العظيم. كانت اخر امل ليا. البقاء لله ربنا يصبرك.
الشاب ممكن اعرف حضرتك تبقي مين..؟!
انا ندى.
الشاب حضرتك ندى امي كانت بتتكلم عنك كتير وسابتلك امانه معايا طلبت مني اسلمهالك في المسجد لكن حقك عليا الظروف اللي حصلت نستني. دخل الاوضه وطلع وفي ايده الظرف اتفضلي.
ندى شكرا لحضرتك. نزلت من عنده مش عارفه تروح فين ولا تعمل اي. اثبتي ياندى متعيطيش من تاني خليكي قويه. لفت في الشوارع كتير علشان تلاقي شغل ولكنه في كل محل تدخله يقولولها نفس الكلام من تاني لحد ماتعبت. فتحت الظرف لقت فيه ٦٠٠ جنيه ومن هنا بدء مشوار ندى في الكفاح والتعب.
اخدت ال٦٠٠ جنيه بجزء منها مناديل وقفت في الاشارات وفضلت تمسح قزاز العربيات. لحد مابصت اخر اليوم لقيت انها عملت ٥٠ جنيه. بدءت تدور علي مكان تبات فيه لحد مالقت مكتب للعقارات.
ندى السلام عليكم ورحمة الله وبركاته. ممكن اعرف لو متوفر عند حضرتك اوضه للايجار.
الراجل بصلها من فوق لتحت وشاف شكلها مبهدل.وعليكم السلام ورحمة الله وبركاته. وانتي بقا معاكي تدفعي فلوس اوضه للايجار.
ندى وطت راسها في الارض وبإحراج اه معايا انا عايزه اي اوضه علي السطح اقعد فيها تكون مش غاليه.
الراجل صعبت عليه. بصي بقا انا عندي اوضه فوق السطوح بس ايجارها ٣٥٠ جنيه علشان حالتك بس شكلها صعبه.
ندى موافقه. ممكن اروح فيها من دلوقتي الفلوس اهي. كان معاها ٤٥٠ وقتها.
الراجل راح بيها بيت قديم وشكلو وحش اوي وفتحلها اوضه كلها كراكيب مفيش عفش ولا حاجه خالص. دا مفتاح الاوضه وكل اول شهر هعدي عليكي تدفعي الشهر تمام. لو مدفعتيش هتمشي.
ندى حاضر. نامت علي الارض من كتر التعب. الاوضه كلها تراب مفيش حاجه تنام عليها.
من جانب تاني كان مازن بيدور علي ندى كتير كل يوم.
يزيد خبط علي مازن اي يابني محدش بيشوفك ها ملقتهاش برضو.
مازن بكل حزن للاسف لا بقالي دلوقتي اكتر من شهر بدور عليها ومش عارف اوصلها.
ندى خبط الباب مين.
الراجل افتحي عايز اجيار الشهر الجديد.
ندى بحاول اجمع في المبلغ ممكن تستنى عليا لحد بس نص الشهر.
الراجل انا قولتلك من الاول لو مش معاكي كل اول الشهر ومدفعتيش هتمشي.
ندى انا والله بعمل كل حاجه بوسعي بنزل الصبح وارجع اخر اليوم تعبانه. معايا دلوقتي ٥٠ جنيه تاخدها و تستنا عليا في الباقي.
الراجل انا هاخدها دلوقتي بس بصي معاكي لحد بكرا لو مجمعتيش الباقي هتمشي تمام. مشي بعدها مستناش حتي هي ترد عليه.
ندى نزلت تاني يوم واشتغلت كتير اوي وفي الاخر مش معاها غير ٤٠ بس تعب اليوم.
الراجل ها جبتي الفلوس……
