قبل تلت سنين حصل… ما تيجوا نرجع ونشوف
أحلام: دخلت الأوضة على سيلا وهي نايمة، فضلت تلمس شعرها وتقولها، يلا يا حبيبتي كلهم فاقو الصبح بدري، يلا عشان متتأخريش على جامعتك.
اكتشاف السر القديم… رحلة المغامرة في المنزل المهجور
عيناي لا ترى الضوء (الجزء الثالث)_للكاتبة هدير محمد
واحة السلام: قصة الثأر والتسامح في صعيد مصر
سيلا بعد ما فتحت عينيها: صباح الورد يا أحلى ماما في الدنيا.
أحلام وطت وباست راسها وردت عليها: ربنا يحميكي ليا يابنتي صباح الياسمين، يلا اجهزي بسرعة عشان جدك حسن طلب من الكل ينزلوا بسرعة لأنه في اجتماع.
سيلا: هو جدو مش بيزهق كل شوية اجتماع هو أحنا عايشين فين بالظبط أووف.
أحلام: مايصحش كدا يا بنتي، بابا محمد لو سمع أنك بتتكلمي على جدو بالطريقة دي هيزعل أوي.
سيلا: ماما هو أكرم رجع من السفر ولا لسه؟!
أحلام: أه رجع بليل كنتي نمتي، وصحي الصبح بدري وبدأ يتدرب.
سيلا فجأة قامت بسرعة من السرير: ماما بقالك ساعة بتتكلمي كنتي قوليلي وعرفيني أهو دلوقتي هيتعصب عليا.
أحلام وهي بتضحك: أكرم بيتعمله ألف حساب غيرو بقى مش مهم.
سيلا: أبدًا يا ماما أنتي الكل في الكل.
أحلام حضنت سيلا وقالتلها: أنتي كبرتي خلاص وبقيتي أحلى عروسة، من وأنتي عشر سنين كنت بحلم باليوم اللي هشوفك فيه مع عريسك، بس يا بنتي لازم تخفي خروج وحفلات أكرم لو عرف مش هيسكت.
سيلا: يا ماما أنتي لسه بتقولي أنه كبرت، أنا مش صغيرة، أبيه أكرم مكبرها زيادة عن اللزوم عندك أهو يونس أبن أونكل مكرم، مش بيعمل كده مع رحاب وسلمى بالعكس بيخرجهم وينبسطو سوا إنما أبيه أكرم كل حاجة لا لا أنا زهقت بصراحة من تحكماته دي.
أحلام بعصبية: بصي يا بنتي مش معنى أنه أخوكي بيخاف عليكي زيادة يكون بيتحكم فيكي، عندك سليم رغم أنه راجل بس بيحترمه وبيعملوا ألف حساب، بقى أنتي البنت مش هيعرف يكون حازم معاكي، وعندك أروى بنت عمتك بتحترمه وبتسمع كلامه، أخوكي كدا ومش هيتغير وياريت تغيري من طريقة لبسك دي.
أحلام خرجت من الأوضة وهي متعصبة، وبعدها خبطت على باب أوضة سليم ودخلت.
أحلام: صباح الخير يا نور عيني.
سليم: صباح النور يا ماما.
أحلام قعدت قصاده…
سليم: بيسرح شعره وواقف قدام المرايا، مالك يا ماما فيكي أي كده مش على بعضك.
أحلام: أبدًا يا بني أنا بخير.
سليم: متأكدة يا ماما شكلك مش طبيعي وحاسس أنك عايزة تقولي حاجة.
أحلام: أبدًا يا بني مفيش، كل الحكاية بصراحة خايفة جدك وأكرم يتخانقوا زي ما أنت عارف هما الأتنين مش بيطيقو كلام بعض.
سليم: يا ماما بقى خايفة من جدو على أكرم؟؟!
أحلام: يا بني أكرم عصبي والمعاملة معاه صعبة، وجدك كمان زيه، كل مرة بحاول اتمالك أعصابي لحد ما الاجتماع يخلص بخاف يشبطوا في بعض، ومرات عمك ما بتصدق.
سليم ضحك وقالها: بقى أنتي يا ماما أحلام تخافي منها بردوا، وأنتي ولادك أحسن ولاد في العيلة، أحنا لا يمكن نسمحلها بكده أو أنها تزعلك ياحبيبتي.
أحلام سرحت بخيالها زمان وافتكرت هي شافت وعاشت معاهم أيه وإنها مرت بأصعب أيام حياتها بسبب مرات أخو جوزها وأبوه الجبار اللي مش بيرحم، كل اللي كان بيحصلها كان بيكسر قلبها ويزرع جواها الحزن.
سليم: ماما روحتي فين؟! مالك يا حبيبتي ملامحك وشكلك اتغير فجأة كده ليه؟!
أحلام: مفيش يا بني بس افتكرت حاجة كده، المهم عندي تكلم أكرم وتحاول تهديه.
سليم: من عنيا يا ماما وأنا ونازل دلوقتي هعدي عليه واتكلم معاه.
أحلام: ربنا يكرمك يا حبيبي ويراضيك زي ما دايما بترضيني كده.
