بعد ما أكرم سمع كلام محمد خرج من البيت وهو متعصب.
أكرم وهو ماشي متعصب: أيه فتحي، مش تبصي قدامك وأنتي ماشية.
عيناي لا ترى الضوء (الجزء السابع) _للكاتبة هدير محمد
احببتها اثناء انتقامي( الجزء34)
عازف بنيران قلبي (الجزء الثالث)
فريال: أنا بردوا اللي أفتح، هو اللي أنت مش واخد بالك منه أنك أنت اللي خبط فيا مش العكس.
أكرم: شوفي بقى أنا مش فاضي ولا عندي وقت لشغل الكيد بتاعك ده، ونصيحة مني أبعدي عني عشان أنا لو حطيتك في دماغي صدقيني والله ما هرحمك.
رحاب جريت بسرعة عليه: أكرم أكرم استنى وصلني في طريقك.
أكرم سمع صوتها وعمل نفسه مش واخد باله، وخرج بسرعة من البيت وركب عربيته كأنه بيحاول يهرب من عدو ليه، وصل للنيل ركن العربية ونزل منها، فضل يفكر في اللي حصله قبل تلت سنين.
في يوم كان راجع هو وأبن عمه يونس للبيت والدنيا كانت بتمطر عليهم.
يونس: بقولك أيه يا أكرم أنت مش هينفع تسوق والجو بالشكل ده، أيه رأيك نبات في أي فندق والصبح نكمل طريقنا.
أكرم بص ليونس ووقف العربية ونزل منها: أنزل يلا كمل أنت سواقة وهنبدل بعض، أنا عندي محكمة الصبح في قضية مهمة ومش هينفع اتأخر ولا هلحق أقول لحد من صحابي يستلمها مكاني.
يونس نزل من العربية وهو مضايق وقال: بقى في حد يسوق في الجو ده الصبر من عندك بقى ياربي.
أكرم فجأة قال ليونس: استنى أقف، أقف بسرعة.
يونس اتخض: في أيه يا بني.
أكرم: في بنت هناك بتجري، وفي شباب بتجري وراها.
يونس: أنت عبيط يا بني أنت مش شايف معاهم أسلحة بيضة إزاي، وأحنا بطولنا مش هنقدر نقفلهم.
يونس كمل في طريقه لكن أكرم مقدرش وضميره أنبه ومقدرش يستحمل أنه يشوف بنت في مشكلة زي دي وميقفش.
أكرم: لا بص بقى أنا مش قادر حرام نسيبها في المشكلة دي.
يونس: أنا عارف إن أنت مش هتجيبها البر خالص، نهايتنا هتكون على أيدك في يوم.
أول ما وصلوا للمكان ضربوا كل الرجالة وأنقذو البنت…
يونس طلب البوليس ليهم، والإسعاف لأكرم.
يونس: أنا قولتلك بلاش عملت فيها رشدي أباظة.
أكرم: بلاش رغي كتير يا بني وألحقني بسرعة هو أنت مش دكتور ولا مكنيكي.
يونس: والله أنا مش عارف يا بني أعملك أي، حتى وأنت في الوضع ده بردوا زي ما أنت، مستحيل تتغير.
البنت: ألف سلامة عليك أنا آسفة كل اللي حصل لحضرتك ده كان بسببي.
أبو البنت: والله يا بني أنا مهما أشكرك مش هعرف أوفيك حقك.
أكرم: متقولش كدا يا حج ربنا يباركلك فيها.
يونس بص لأبو البنت بقرف وقاله: بالله عليك يا حج بلاش تسمحلها أنها تخرج في الأوقات اللي زي دي لوحدها.
