اتأسف هاني لابن عمته أحمد وباسم بيه على اللي حصل وقال: معلش يا أحمد اعذرها أصل نهاد مش بتحب تتكلم في الموضوع ده خالص ولا عايزة حد يكلمها فيه، والكلام في الموضوع ده بيعصبها ومش بس معاك مع كل الناس.
باسم الباجوري بص شوية على هاني وشوية على أحمد باستغراب لأنه مفهمش أي حاجة ولا إيه الموضوع، وهي ليه اتعصبت كده بس حس إن في حاجة في حياتها الشخصية مش عايزة حد يتكلم فيها وعصبتها.
أحببتها أثناء انتقامي (الجزء الثالث والعشرون) للكاتبة عليا حمدي
نعيمي وجحيمها (الجزء الأول) للكاتبة أمل نصر
حكايات من القرية القديمة
اتحرج باسم من الموقف وعلطول وقف واستأذن هاني بيه عشان يمشي وقاله إن لسه وراهم حاجات كتير، بس الحقيقة هو كان مكسوف من الموقف اللي عمله جوز اخته قدامه.
باسم قال لأحمد: يا أخي إيه اللي عملته جوه ده إنت مش بتميز في حد يتكلم مع واحدة بالطريقة دي، وبعدين شفتها متعصبة ومش عايزة تتكلم في الموضوع خلاص اقفله وكفاية كده، لكن إنت إيه زي القطر مفيش حد يقدر يوقفك خالص، احرجتني قدامها وقدام الناس أنا بردوا في الآخر غريب ما بينكوا.
أحمد: أصل إنت مش فاهم يا باسم إيه اللي حصل مع نهاد بنت خالي، عشان كده أنا مضايق بسببها والله أنا عايز مصلحتها، اللي حص……
قطع كلامه باسم وقال: أنا لا عايز اعرف إيه اللي حصل معاها ولا في إيه، أصلًا هي متهمنيش بس أنا اتكسفت لإنها مش عايزاك تفتح الموضوع قدامي لكن إنت مبتفهمش ووصلتها في الآخر إنها تمشي من القاعدة، يا أخي الواجب إنك متفتحش أي موضوع عائلي قدامي.
باسم وهو بيقول الكلام ده كان عمال يفكر في نهاد اللي دخلت عقله واتربعت فيه، وكان عايز يعرف أخبارها وكل صغيرة وكبيرة عنها وعن حياتها.
أمر باسم مدير أعماله وحارسه الخاص مؤمن الهواري إنه يجيبله ملف كامل عن نهاد وإيه اللي حصل في حياتها، وفي خلال فترة قليلة كان عرف إنها اطلقت من جوزها عشان اتجوز عليها.
باسم كان في عقده في حياته من الستات، وكان شايف إن كل الستات خاينين ومفيش واحدة لها أمان، وإن الستات السبب في كل حاجة بتحصل للراجل، وده طبعًا كان بسبب علاقاته الكتير عشان كده مدهاش أي مبرر للي حصل بالعكس من جواه اتهم نهاد إنها السبب في اللي حصل في حياتها.
وده العادي بالنسبة لباسم لإنه شايف إن أي ست هي اللي بتوصل الراجل إنه يخونها ويعرف غيرها.
باسم كان من جواه معجب أوي بنهاد، بس للأسف حياة باسم شبه حياة شهريار، الست بس للمتعه وبعد كده يرميها، ومعرفش واحدة قبل كده حبته بجد وأخلصتله في حبها وكمان داق طعم الخيانة من أعز الناس ليه.
باسم كلم نفسه وقال: أكيد نهاد دي زيها زي غيرها من الستات هي اللي طفشت جوزها وكرهته في عيشته وخليته يبص لغيرها مش ملاك يعني كل الستات واحد أهم حاجة مصلحتهم.
قفل باسم ملف نهاد ومشي بعربيته بسرعة، عشان أهله في الصعيد هيوصلوا القاهرة بكره عشان الخطوبة بالليل في النادي.
وكمان كان لسه عنده استعدادات كتير عشان يرحب بكل المعازيم اللي من العيلة واللي برة العيلة اللي جايين عشان يحضروا خطوبة أخته رانيا، وكمان أبوه الحج عمر الباجوري جاي وده حوار تاني أهم من الفرح.
الباجوري بيه الكبير بيحب كل حاجة تكون مظبوطة، وده كان موتر باسم أكتر من الفرح نفسه.
باسم عدى على النادي قبل ما يروح بيته عشان يتأكد إن تجهيزات الفرح كلها تمام.
في بيت هاني الدالي…
هاني ومراته سلوى كانوا بيحاولوا يقنعوا نهاد إنها تروح معاهم الفرح لإنها كانت مترددة وخايفة.
يتبع….
لمشاهدة الجزء الخامس من القصة “اضغط هنا“.
لمشاهدة الجزء الرابع من القصة “اضغط هنا“.
لمشاهدة الجزء الثالث من القصة “اضغط هنا“.
لمشاهدة الجزء الثاني من القصة “اضغط هنا“.
لمشاهدة الجزء الأول من القصة “اضغط هنا“.
