نهاد زوجة مصرية كل أحلامها في الحياة أنها تعيش حياة زوجية مستقرة وتحقق أحلام أولادها وتشوفهم في أحسن حال..
لكن تأتي الرياح بما لا تشتهي السفن اللي حصل في الحكاية هيفاجيء الجميع وكان زي الصاعقة على قلب بطلتنا نهاد…
احببتها اثناء انتقامي( الجزء 43)
نبض قلبي لأجلك (الجزء الثالث) للكاتبة لولا نور
عازف بنيران قلبي (الجزء الخامس) للكاتبة سيلا وليد
اللي حبت خليل بكل صدق و اديته الثقة العمياء، لحد ما خلع خليل ثوب الوفاء والحب ولبس ثوب الغدر والخيانة .
في البداية تعالوا معايا أحكي لكم إزاي خليل ونهاد عرفوا بعض! وازاي حبوا بعض….
داخل واحدة من الجامعات الموجودة في القاهرة تقابل نهاد خليل وكان خليل بيدرس في كلية الحقوق ونهاد كانت بتدرس في كلية الآداب قسم اللغة الفرنسية.
وفي يوم راحت نهاد للمكتبه عشان مطلوب منها أبحاث خاصة بدراستها وكان بطلنا خليل قاعد يقرأ كتاب باللغة الفرنسية عن القانون.
خليل كان طالب دحيح ومتفوق في كليته ويشاء القدر إن نهاد كانت محتاجه نفس الكتاب في أبحاثها.
سمعها خليل وهي بتسأل على الكتاب، راح ناحيتها وقالها اتفضلي الكتاب، ممكن أنت تستخدميه الأول وبعدين أنا أخده منك، شكلك محتاجاه ضروري.
لفت نهاد عشان تاخد منه الكتاب وهنا بدأت قصة الحب بينهم من أول نظرة..
كانت المكتبة هي المكان اللي بيجمعهم دايما و بيتقابل فيه خليل ونهاد وبيتكلموا مع بعض.
بعد مرور الوقت خليل اتعلق بنهاد وكان بيتعمد يروح المكتبة عشان يشوفها لحد ما اتحول التعلق ده لحب بيربطه بيها.
بقا خليل في الوقت ده مش قادر يتخلى عن فكرة إنه يرتبط بنهاد.. وفي يوم من الأيام، وبعد الحب الصامت اللي استمر سنتين قرر خليل إنه يعترف بحبه لنهاد ويطلب منها إنه يتجوزها بعد التخرج.
فرحت نهاد أووي لإن هي كان عندها نفس الإحساس بس كانت مستنيه خطوه منه ووعدته انها هتستناه يتخرج ويقف على رجله ويتزوجوا.
واستنته نهاد كتير لحد ما قدر خليل أنه ينجح في شغله ويبقى محامي كبير في شركة مشهورة.
ونتج عن الحب الكبير ده انهم جابوا أحلى طفليين هما أمجد وتالين.
بداية القصة لما كانت نهاد بتسكن في واحد من منازل الأحياء المصرية القديمة بعد ما انفصلت عن زوجها خليل.
وفي آخر يوم من شهور العدة بعد الطلاق كانت نهاد قاعدة في غرفتها حزينة بتسمع صوت العصافير وبتبص على الأشجار اللي سابتها أوراقها وفصلت تتأملها بحسرة عشان كانت شايفة إن الأشجار دي بتعبر عن حياتها اللي وصلت ليها بعد 15 سنه زواج.
والأحلام السعيدة اللي كانت بتتخيلها، وكانت بتكلم نفسها وتقول ايه اللي انا عملته عشان يحصل معايا ده كله!!
