بس يا خسارة يا حسن أنت طلعت جن، ده أنا قلت أنت العوض اللي ربنا بعتهولي في الدنيا دي وحبيتك من قلبي، وقلت خلاص بعد ما المواضيع دي تخلص هنتجوز أنا وأنت ونعيش حياة طبيعية بقى.
حسن وهو زعلان: يعني أنتِ لو ما كنتيش عرفتي أني جن كان زمانك لسه بتحبيني.
ليلة العمر الذهبية (الجزء 4)
ليلة العمر الذهبية (الجزء7)
أحببتها أثناء انتقامي (الجزء السادس عشر) للكاتبة عليا حمدي
داليا: أيوه عشان الشياطين دول هم أساس الشر في الدنيا.
حسن وهو متعصب: ما تقوليش كده بس لحسن الشياطين تزعل، الإنسان هو أكبر شر موجود على الأرض.
داليا: بس ما تنكرش إن مرازي كان جن قذر وأناني.
حسن: عادي الجن فيه الطيب وفيه الوحش، زي البشر ما فيهم ناس طيبين وناس وحشين.
وبعدين ما تقوليش على البشر طيبين، ولو مش مصدقة كلامي شوفي كام واحد مات بالسحر وكام واحد رزقه وقف بسبب السحر، وشوفي كام عمل موجود في المقابر وشوفي الحقد والغل اللي موجود في قلوب الناس وما حدش بقى طايق التاني.
ده غير إن الإنسان هو اللي بيسخر الجن عشان يأذي البشر وبتجيبوا اللوم علينا أحنا في الأخر، وخليتونا أحنا الأشرار وأحنا الوحشين في روايتكوا مع إن أنتوا اللي استدعتونا عشان نأذي بشر تاني ومش عاجبينكوا بردوا.
داليا: بص منكرش إن كلامك صح، بس مرازي كان كل اللي شاغله أنه يرضي شهوته على حساب رعبي وخوفي وشرفي.
ده غير إن أنت كمان ما تتخيرش عنه لأنك بتقول أهو أنك بتعشقني واللي يثبت أنك أناني أنك أتجوزتني أنا وهند في ليلة واحدة.
حسن: أرجوكي ما تظلمنيش يا داليا، أنا أتجوزتك أنتِ وهند لغرض معين وعشان أحميكي.
داليا: تحميني إزاي يعني هو أنت كنت تعرفني قبل كده.
حسن: أيوه طبعًا كنت أعرفك أمال عرفت التفاصيل دي كلها عنك إزاي.
داليا: أنا مش فاهمة حاجة ممكن توضحلي أكتر.
حسن: أنا عارفك من يوم الحادثة بتاعت الكوخ.
داليا: شفت بقى أنك جن قذر، يا ترى كنت أنهي واحد من المغتصبين.
حسن: ظلمتيني تاني، أهو اليوم ده لما أتعرضتوا للأغتصاب أنتِ وأخواتك كنت ساعتها متجسد في واحد من أصحاب الغيط اللي جنبكوا، ولما سمعت الصراخ وحسيت بالجن بيغتصبكوا.
جريت عليكوا بسرعة بس للأسف ساعتها كنت أتأخرت وشيماء وهند اتعرضوا للاغتصاب خلاص، وكنت أنتِ كمان هتتعرضي للاغتصاب بس هما كانوا مستنينك تصحي، ولما حسوا بوجودي جنبهم وأني بقرب منهم هربوا بسرعة.
وساعتها شفتك وصعبتي عليا أوي، وكنت عايز أحميكي فتحولت ساعتها لسبيكة دهب عشان تاخديني معاكي وأبقى متابعك وأقدر أشوفك طول الوقت.
وساعتها أختك خدتني ودفنتني تحت المرتبة بتاعتك وكنت بشوفك كل يوم وأنتِ بتكبري وبتحلوي فحبيتك وما قدرتش أبعد عنك وقررت أني أعيش عشان أحميكي من أي أذى يقرب منك.
داليا: أه فهمت يعني لما أختي وهند أتحولوا لعواجيز وجالهم شلل كان المفروض أتحول معاهم ساعتها بس ما تحولتش عشان أنت بتحميني صح؟
حسن كمل وقال: أيوه وكان نفسي أظهر في حياتك وأكلمك عني بس كنت خايف ترفضيني.
وبعد سنتين الدكتور هاني ظهر في حياتكوا وكنت عارف هو عايز يعمل أيه كويس بس ما تدخلتش عشان مايكونش فيه خطر عليكي ساعتها، وفضلت متابعك من بعيد ومش بعمل أي حاجة عشان ماكنتيش في خطر.
ولما هربتي من بيت هاني فرحت أوي بشجاعتك، وفضلت متابع الأمور من بعيد ومن غير ما تدخل.
داليا: طب دلوقتي في حاجة أنا عايزة أعرفها؟ الوسيط لما هددني بالعرسان وقالي أنه هيقتلهم يا ترى العرسان دول مصيرهم أيه دلوقتي.
حسن: لما الوسيط ظهرلك وهددك بالعرسان رحت ساعتها وحررت العرسان من أيده بنفسي عشان ما يساومكيش بيهم تاني.
وعارف أنك استغربتي لما لقيتي الوسيط ما ظهرش بعد المدة اللي كان محددها خلصت.
وده كان بسبب أني حررت العرسان من أيده وما بقاش عنده أي كارت يساومك بيه، فقرر ساعتها يرسم خطة جديدة ويجيبك أنتِ وهند لبيت العمدة ويعمل عملية التبادل فيه.
بس أنا ساعتها بوظت كل مخططاته واتجسدت في شكل أبن العمدة وعملت كأني ما أعرفكوش عشان ما تكشفش.
يتبع…..
لمشاهدة الجزء 13 من القصة “اضغط هنا“.
لمشاهدة الجزء 11 من القصة “اضغط هنا“.
لمشاهدة الجزء 10 من القصة “اضغط هنا“.
لمشاهدة الجزء 9 من القصة “اضغط هنا“.
لمشاهدة الجزء 8 من القصة “اضغط هنا“.
لمشاهدة الجزء 7 من القصة “اضغط هنا“.
لمشاهدة الجزء 6 من القصة “اضغط هنا“.
لمشاهدة الجزء 5 من القصة “اضغط هنا“.
لمشاهدة الجزء 4 من القصة “اضغط هنا“.
لمشاهدة الجزء 3 من القصة “اضغط هنا“.
لمشاهدة الجزء 2 من القصة “اضغط هنا“.
لمشاهدة الجزء 1 من القصة “اضغط هنا“.
