مرات العمدة: الدكاترة هيجوا يا اختي ويكشفوا عليها دلوقتي وهنشوف مين الصادق ومين الكداب.
الدكاترة وصلوا وبدأوا يكشفوا على هند وملقوش أي لدغة ولا أي سم في جسمها وهند كانت سليمة وكان شكلي وحش أوي قدامهم والكل خد عني فكرة إن أنا بغير وكدابة.
أحببتها أثناء انتقامي (الجزء الثاني عشر) للكاتبة عليا حمدي
حكايات من القرية القديمة
قسوة الاب الجزء الرابع
مرات العمدة: وأنا اللي كنت فاكراكي تقيلة يا اختي ولقيتك بتقولي لجوزك روح بات عند ضرتي قلت البت واثقة في نفسها بس طلعتي على مافيش خالص.
حسن: عيب يا ماما ما تتكلميش معاها كده، وبعدين أنا مصدق داليا وعارف إن هي بتقول الحقيقة، وبصلي بعينيه الجميلة وغمزلي.
فرحت إن حسن جبر بخاطري، بس بردوا أمه وهند فضلوا بيعاملوني وحش.
بعد الموقف ده ومرازي بقى يظهرلي طول اليوم في شكل تعبان، شوية ألاقيه نازل من جنب أمي وشوية نازل من جنب أبويا وشوية من جنب أختي دعاء، وكنت عارفة أنه بيعمل كده عشان يخوفني ويهددني، والصراحة أنا كنت مرعوبة وكل مرة كنت بشوفه كنت بقعد أتلفت حواليا وأشوف أذى حد ولا لا.
فاض بيا الكيل وما قدرتش استحمل أكتر من كده وقررت أني أروح لأختي شيماء وأخليها تدور معايا على حل.
قعدت مع شيماء وحكيتلها مشكلتي وقلتلها إن مرازي مش راضي يسيبني في حالي وعمال يهددني أنه هيقتل أعز الناس ليا، وقلتلها أني خايفة عليهم، وغير أني خايفة على نفسي وتعبت من الحكاية دي بقى.
شيماء: بس أنا لحد دلوقتي مستغربة إزاي هند العضة ما قصرتش فيها، أكيد في سبب.
داليا: مش عارفة والله، أحنا لازم نسأل هند.
شيماء: لا هند مين يا عبيطة أنتِ، هند لو عارفة حاجة مش هتقولنا أصلًا، هو ما فيش غيرك حل واحد.
داليا: قولي أرجوكي أنا عايزة أخلص من القصة المقرفة دي.
شيماء: مش المثل بيقول اللي بيحضر الجن هو اللي بيصرفه.
أحنا لازم نروح للساحر اللي حضرلك مرازي، وأظن هو الوحيد اللي هيقدر يبعده عنك.
داليا: بجد أنتِ عايزاني أروح للساحر ده تاني وأطلب منه يبعد عني مرازي؟
شيماء: أيوه هو ده الحل الوحيد دلوقتي للأسف، ومضطرين نعمل كده في سرع وقت.
قررنا إن أحنا نروح واستغلينا فرصة إن العمدة وأبنه مش موجودين في البيت وخرجنا من غير ما نعرف حد، ولبسنا لبس أسود وغطينا وشنا وروحنا للساحر.
دخلت للساحر وكنت حاسة أني بعمل ذنب كبير أوي، بس اضطريت إني أعمل كده عشان أخرج من المصيبة اللي أنا فيها.
بدأت أحكي للساحر حكايتي من أول ما كنا في الكوخ لحد اللحظة اللي موجودين فيها دلوقتي، وبعد ما خلصت الحكاية الساحر سألني: يعني مرازي فعلًا لما قال التعويذة استثنى منها حد معين؟
داليا: مش فاكرة الصراحة، ومش فاهمة هو كان قصده أيه.
الساحر: طب قولي كده الترنيمة أو الطلاسم اللي كان بيقولها.
داليا: مش فاكرة قوي بس هو كان بيقول كلام شبيه بسلطت عليك سمي وشري ولا يمنعني منك سوى أنياب الكوبرا الزرقاء.
الساحر: وهند صاحبتكوا اللي كانت معاكوا في الكوخ، وأتلدغت مش قريب وما حصلهاش أي حاجة من اللدغة اللي أتلغدتها من التعبان ما جتش معاكوا دلوقتي ليه؟
أتعصبت عليه وزهقت من الأسئلة الكتير اللي عمال يسألها وقلتله: لو هتساعدنا أننا نخلص من ميرازي قول وأخلص لكن كل شوية هتسألني أسئلة وتدخلنا في حوارات أحنا ملناش فيها هنمشي ونسيبك.
الساحر: براحتك بس أنا الوحيد اللي معايا الحل وطالما أنا اللي حضرت مرازي يبقى أنا اللي هعرف أصرفه.
داليا: حلوة قوي الثقة اللي عندك دي، خلصنا من القصة دي بقى وقولنا هنعمل أيه؟
الساحر سكت شوية وهو سرحان في حاجة معينة، وبعد كده بدأ يقول طلاسم وتعاويز وعمل سحر.
الساحر خلص تعاويذه اللي كان بيقولها وقال: أنا عندي ليكوا خبرين واحد حلو وواحد وحش يا ترى تحبوا تسمعوا أنهي؟
كنت هتعصب على الساحر وخلاص كنت زهقت منه، ولسه هتكلم لقيت شيماء سكتتني وقالت: قول الخبر الوحش الأول.
الساحر: الجن مرازي زي ما أحنا عارفين عاوز أختك وبيحبها أوي، وده هيخليه ما يبعدش عنها خالص غير لما يتأكد أنها هتلبي رغباته وتسمع كلامه.
وغير إن مرازي ده جن كافر فمافيش أي حاجة هتقدر توقفه ولا حتى أنا أقدر عليه.
داليا: أمال فين يا أخويا الثقة اللي كانت عندك من شوية، وعمال تقولي اللي بيحضر الجن بيعرف يصرفه وأديك أهو زي كيس الجوافة ومش عارف تخلصنا منه.
