في بيت نهاد…
نهاد كانت لسه مش مستوعبة الصدمة اللي أخدتها امبارح من جوزها خليل، ومعرفتش تنام طول الليل وقضته كله وهي بتعيد شريط حياتها اللي ضيعته معاه، وعمرها ومستقبلها اللي ضحت بيهم عشانه وعشان ولادهم وبيتهم وفي الآخر راح اتجوز عليها.
نعيمي وجحيمها (الجزء الخامس) للكاتبة أمل نصر
بين أشجار غابات الأمازون (الجزء الثاني)
أحببتها أثناء انتقامي (الجزء العاشر) للكاتبة عليا حمدي
وسألت نفسها ليه حصل ده كله دي كانت حياتهم عادية ومفيهاش مشاكل، وكانت مشاكلهم عادية وبسيطة زي أي إتنين متزوجين.
وفجأة نهاد شالت الغطا من عليها وعدلت نفسها وهي بتقول:
بس خلاص يا بت يا نهاد معدش ينفع الندم على اللي فات، اللي حصل حصل ودلوقتي لازم تفوقي لنفسك وتعرفي إنتي هتعملي إيه في الأيام الجاية وإزاي هتاخدي حقك من خليل.
وكملت كلمها وقالت: مش لازم حد يعرف حاجة عن الموضوع ده لحد ما أخد بتاري من خليل.
وحياة ولادي لهتندم يا خليل على اللي عملته فيا، شكلك مكنتش تعرف نهاد كويس بس هتعرفها من اليوم ده.
قامت نهاد من على السرير وراحت الحمام عشان تاخد شاور تفوق بيه وتبدأ تفكر هي هتعمل إيه عشان تنتقم من خليل.
وبعد ما خلصت الشاور لبست هدومها، ونزلت من بيتها وركبت عربيتها، واتحركت بيها وهي ناوية تروح على مكان معين..
وصلت عند البنك وركنت عربيتها ودخلت على موظف الحسابات عشان تاخد رقم وتستنى دورها.
لما جه دورها دخلت على موظف البنك اللي هيخلصلها كل اللي عاوزاه.
نهاد: لو سمحت عايزة أعرف الحساب ده فيه كام وأتسحب منه كام؟
الموظف ابتسملها وأخد الورقة منها وفضل يدور في الكمبيوتر اللي قدامه عن الحساب وبياناته، وبعدها قال:
بصي يا فندم الحساب ده مشترك بينك وبين الأستاذ خليل، وكان فيه مليون ونص من فترة، بس الأستاذ خليل سحب 300 ألف جنيه من شهر، ومن إسبوع سحب بردوا 50 ألف جنيه، يبقى كده أتسحب 350 ألف جنيه من الرصيد، تمام كده يا فندم.
نهاد في سرها: بقى كده يا خليل بتاخد فلوسي وفلوس ولادي عشان تصرفها على الست هانم اللي اتجوزتها، أنا كنت بوفر الفلوس دي مني ومن ولادي عشان الشقة اللي كنا بنحلم بيها، بس خلاص إنت مبقاش همك حاجة غير إنك تعيش حياتك مع السنيورة.
نهاد فضلت شوية مصدومة من كل اللي خليل عمله، واستغربت إزاي طاوعه قلبه أنه يصرف فلوس ولاده بالسهولة دي.
وسرحت وهي بتفتكر إزاي هي كانت دايمًا بتوفر في البيت وبتدبر أمورها وهو من الناحية التانية بيسحب في الفلوس وبيتبسط بيها هو والست هانم اللي معاه.
الموظف: إنتي سمعاني يا فندم؟
نهاد فاقت من صدمتها على صوت الموظف وقالتله: أيوه أيوه، خلاص طيب ممكن لو سمحت أفك الوديعة وأسحبها ونقفل الحساب خالص؟
الموظف: براحتك يا فندم اللي إنتي عاوزاه نعمله، اتفضلي في الريسبشن لحد ما أخلص العملية دي وانادي على حضرتك؟
وفعلًا نهاد سحبت الفلوس كلها من حساب خليل وحولتها على حسابها الخاص، وبعد كده ركبت عربيتها وراحت عند الكوافيرة اللي متعودة تروحلها وظبطت شعرها وعملت مناكير وباديكير وحاجات كتير وبقت جميلة أوي.
ركبت عربيتها وروحت البيت وأول ما وصلت دخلت أوضتها وبصت في المراية على نفسها، وبدأت تفكر في الخطوة الأهم اللي ناوية عليها بعد كده، واللي هتكون لخليل ضربة حقيقية…
يتبع…..
لمشاهدة الجزء الرابع من القصة “اضغط هنا“.
لمشاهدة الجزء الثاني من القصة “اضغط هنا“.
لمشاهدة الجزء الأول من القصة “اضغط هنا“.
