كارل كان خدع ملك الظلام وأقنعه إنه هيخليه يقتل أودين وياخد النعش، بس الخطة الحقيقية ليه كانت إنه يدي الأمان لملك الظلام الأول وبعد كده يقتله قدام الملكة وقدام الملك وساعتها الكل يثق فيه ويحبه ويبقى هو اللي يستحق إنه يكون ملك للملكة أزغارد.
ثور مجرد ما شاف المشهد فهم النواية الحقيقية لكارل وقال: خدعة جميلة يا اخويا بس يا ترى بقى أمك عارفة اللي إنت عملته معايا.
ليلة العمر الذهبية (الجزء 11) للكاتبة حنان حسن
ليلة العمر الذهبية (الجزء 5)
افتكرت ان الطفل بيحتاج رعايه وفلوس كتير……. ان بعد العسر يسر
الملكة أول ما شافت ثور اتصدمت وجريت عليه وحضنته وقالت: ثور حبيبي أخيرًا رجعت.
ثور حضنها وهو باصص على أخوه كارل عشان لو عمل أي حركة غدر يبقى جاهز ليها.
ثور: أه يا حبيبتى رجعت بس اللي وصلي إنك كنتى مانعة رجوعي للمملكة.
الملكة: لا يا ابني مقلتش كده طبعًا.
ثور: أصل كارل نزل الأرض وقالي إن أبويا مات وإن ممنوع رجوعي نهائي، وكمان بعتلي الحارس الناري عشان يقتلني.
الملكة اتصدمت وبصت على كارل وقالت: هو الكلام اللي أنا سمعاه ده بجد يا كارل!
في اللحظة دي دخل فريق الثيران السوداء وحارس البوابة.
حارس البوابة: أيوه يا جلالة الملكة، وكارل استخدم قواه الجليدية عشان يمنعني من الدفاع عن الملك وعن المملكة وهو اللي سمح بدخول ملك الظلام عشان يقتل الملك أودين.
بس للأسف الحظ خانه وقوة ثور رجعتله في الوقت المناسب، وثور رجع بالسلامة للمملكة عشان ينقذها.
الملكة كانت مصدومة من اللي سمعته ومكانتش متوقعة نهائي إن كارل خبيث للدرجة دي.
كارل: إنتوا كلكوا كدابين وكلكوا بتكرهوني وبتحقدوا عليا عشان أنا أحسن منكوا.
وإنتي يا جلالة الملكة طبعًا هتوقفي في صفهم عشان ابنك الحقيقي هو اللي يورث العرش مش واحد من مملكة الجليد اللي إنتو بتكرهوها.
وعلفكرة أنا عملت كده عشان تحبيني زي ما بتحبي ابنك، لكن أنا مكنتش هقتل الملك نهائي ولا عمري فكرت في كده.
الملكة وهي بتصرخ: بس متتكلمش أنا أملي فيك خلاص خاب، أنا عمري ما فضلت ثور عليك وربيتك وسطينا كإنك ابني فعلًا لكن الظاهر إن طبع الخيانة والغدر بيجروا في دمك.
كارل كان وصل لأقصى مرحلة من العصبية وبص للفريق ولأخوه ولأمه ووجه عصايه الملك ناحيتهم وقال: عليا وعلى أعدائي، يا نعيش عيشة فل يا نموت إحنا الكل، وبدأ يخرج شعاع من العصاية ويدمر الأوضة كلها.
ثور شال أمه وجري بيها بعيد عن الأوضة عشان يحميها وأمر فريق الثيران السوداء إنهم يبعدوا أمه عن المكان ده وهو هيتصرف مع كارل.
الملكة كانت خايفة على ثور جدًا ونصحته إنه يجي معاها بس هو استسمحها إنه ينهي الحرب مع كارل عشان الموضوع ميخرجش برا القصر الملكي وتتهز هيبتهم قدام المملكة.
الملكة اضطرت تسمع كلام ابنها وراحت مع الفريق لمكان آمن.
ثور دخل على كارل أوضة العرش وقال: أديني جيتلك لحد عندك عشان أحققلك حلمك اللي كنت بتسعى ليه من زمان.
قاتلني بقى واكسبني واثبت للناس قوتك واوعدك لو كسبتني هسيبلك العرش وكمان مش هتشوف وشي في المملكة تاني.
كارل بضحكة هيستيرية: ومين قالك إني عايز العرش يا مغفل، أنا خلاص مبقتش باقي على أي حاجة وهقضي على كل الممالك.
ثور بخوف: لا يا كارل إنت كده بتدخلنا في حروب إحنا مش قدها.
كارل وهو بيضحك: إيه ده هو ده ثور اللي بيحب الحروب وطايش وعايز يقاتل أي حد قوي وخلاص، عجيب أوي العالم ده حتى إنت اتغيرت؟
ثور: أنا متغيرتش، أنا بس شفت الأمور بالطريقة الصح.
كارل: مش فارق معايا ومش مهتم أنا خلاص قررت.
وفعلًا كارل جاب سلاح نووي كانوا بيستعملوه وقت الحروب وفتح البوابات التسعة وضرب بالسلاح النووي على العوالم التسعة كلهم.
ثور كان عايز ينقذ الموقف بأي طريقة بس في نفس الوقت مكنش هاين عليه يقتل أخوه اللي عاش معاه طول العمر.
ثور: أرجوك يا أخويا ارجع لرشدك ووقف اللي بتعمله ده وصدقني هعتبر إن مفيش أي حاجة حصلت، بس متقلبش عليها وطيها وتخلينا نخش فى حروب مع كل العوالم دي.
كارل وهو بيتريق عليه: متقولش أخويا بس، أنا مش إخوك يا ثور، مش أنا طلعت ابن ملك الظلام.
ثور: بطل عبط إنت بتقول أي حاجة عشان اقتلك صح؟
كارل: براحتك متصدقنيش، ولا أقولك أنا هثبتلك وبدأ كارل يتحول لهيئته الجليدية وثور كان مصدوم ومكنش مصدق عينيه.
ومش مستوعب إزاي أخوه اللي عاش معاه طول العمر ده كله يطلع في الآخر مش أخوه.
ثور وهو بيعيط: تعرف شكلك كده أحسن يا كارل.
إنت فاكر هيفرق معايا، إنت هتفضل طول عمرك أخويا اللي عاش معايا طول عمري وكان جنبي لحظة بلحظة.
أرجوك ارجع زي ما كنت وسيبك من العبط اللي بتعمله ده.
كارل كان الشر والغضب عامينه وفضل موجه السلاح النووي ناحية العوالم التسعة.
ثور أدرك إن أخوه خلاص مش هيرجع عن اللي بيعمله، بس بردوا مقدرش يقتله فقرر إنه يدمر الجسر اللي بيوصله ببقية العوالم.
ثور مسك مطرقته وراح على الجسر وبدأ يكسر فيه.
كارل بخوف: إنت بتعمل إيه! إنت اتجننت؟ إنت كده مش هتشوفها تاني.
ثور: مش مهم، أهم حاجة أنقذ العوالم التسعة، مش هبدي مصلحتي على مصلحة العوالم كلها دي تبقى أنانية.
وفضل يكسر في الجسر بالمطرقة لحد ما كارل ساب السلاح وجري عشان يوقف ثور وميخلهوش يدمر الجسر اللي بيوصله بالعوالم التانية لكن قبل ما يوصله بثانية واحدة ثور كان ضرب الضربة الأخيرة ودمر الجسر وحصل انفجار قوي جدًا.
ونتج عن الانفجار ده ثقب أسود، وثور وكارل كانوا فوق الثقب مباشرةً وكانوا هيقعوا فيه.
في اللحظة دي ظهر شخص مكانوش متوقعين ظهوره دلوقتي نهائي.
الملك أودين جاب حبل طويل ومسك بيه ثور، وثور لحق كارل قبل ما يقع ومسكه.
أودين: امسكوا كويس يا ولادي.
ثور: دايمًا بتيجي في الوقت المناسب يا بابا.
وبعد كده بص لكارل وقال: أنا مسامحك يا أخويا خليك ماسك فيا كويس لحد ما الدعم يجي.
كارل: بس مبقاش ينفع خلاص.
أنا بقيت عدو لمملكة أزغارد وبدأت حروب مع عوالم كتير، وأنا السبب فى كل ده، وأكيد كل الممالك بتكرهني دلوقتي.
ثور: لا متخافش إحنا هنقول أي عذر بس أرجوك عايزين نرجع زي زمان وننسى اللي حصل.
كارل: سامحني يا أخويا بس أنا مش هقدر اعيش معاكوا تاني.
وفي اللحظة دي كارل ساب إيد أخوه ونزل في الثقب الأسود.
ثور صرخ بأعلى صوته وفضل ينادي على كارل بس للأسف كارل كان اختفى.
الحراس دخلوا وأنقذوا ثور، وثور كان مصدوم جدًا ومكنش مستوعب إن أخوه خلاص مات.
بعد فترة المملكة رجعت زي ما كانت والأحوال بدأت تتحسن وجه اليوم اللي ثور هيتوج فيه كملك لأزغارد.
بس للأسف المرة دي ثور مكنش مبسوط زي المرة اللي فاتت وكان فاقد الشغف ومش عايز أي حاجة من الحياة غير إن أخوه يرجعله، وكان حاسس بذنب كبير ومحمل نفسه ذنب موت أخوه.
الملك والملكة لاحظوا حزن ابنهم وقرروا إنهم يحضروله مفاجأة تخليه يخرج من الاكتئاب اللي هو فيه.
بعد فترة من تتويج ثور كملك، الملك والملكة استدعوا ثور وقالوله إنهم محضرينله مفاجأة.
والملك والملكة أخدوا ابنهم وراحوا بيه عند الجسر.
ثور: جايبيني هنا ليه؟
الملك: فك وشك كده يا ابني وكلم أبوك بأدب.
الملكة: عندك حق أصلًا ميستاهلش التعب اللي تعبناه عشانه.
ثور: مش فاهم بردوا إيه المفاجأة اللي إنتوا عاملينهالي.
الملك شاور لثور على جسر واحد اتبنى بين كوكب الأرض ومملكة أزغارد.
ثور وهو مصدوم: إزاي! أنا اللي مدمر الجسور دي كلها بإيدي.
الملك: يا عديم الإحساس أنا ضحيت بالعصاية الملكية بتاعتي عشان ابني بيها الجسر اللي بيوصل لكوكب الأرض.
وطبعًا اخترت كوكب الارض عشان عرفت إن قلبك متعلق بواحدة من هناك.
ثور الفرحة رجعتله تاني، وشكر أمه وأبوه على المفاجأه الجميلة دي ومصبرش لحظة واحدة ونزل على كوكب الأرض.
أول ما نزل اتفاجئ إن جين كانت قاعدة مستنياه طول الفترة دي عند مركز الجسر.
بس لما نزل جين كانت نايمة فابتسم وخبط عليها وقال: السلام عليكم اظهر يا مختفي.
النهاية……
لمشاهدة الجزء الثالث من القصة “اضغط هنا“.
لمشاهدة الجزء الثاني من القصة “اضغط هنا“.
لمشاهدة الجزء الأول من القصة “اضغط هنا“.
