“أبطال القصة”
ثور: هو ابن الملك أودين، شاب قوي وعنده قوة خارقة اسمها قوة الرعد، وبيعيش في أزغارد وهي المملكة اللى أبوه بيحكمها.
عازف بنيران قلبي (الجزء الأول)
راكض المتاهة ( الجزء الرابع والأخير)
وحيده بلا مأوى
جين: بنت جميلة، وعالمة من كوكب الأرض، اكتشفت بوابة بتوصل لعالم تاني وبتحاول تثبت للعالم الحقيقة دي بس محدش مصدقها.
“الشخصيات الثانوية”
كارل: أخو ثور الصغير، وهو شاب خبيث وكداب، وبيغير من أخوه ثور.
أودين: هو ملك أزغارد، وهو ملك حكيم وبيحب الخير وبيسعى دايمًا للسلام.
في عالم مليان بالقوة الخارقة والسحر والمباني العجيبة المصنوعة من الدهب كان بيعيش الملك أودين وبيحمي المملكة من أي ضرر، وبياخد دايمًا قرارات حكيمة عشان يمنع الحرب.
كان الملك أودين بيحكم العوالم التسعة بكل عدل، وكان في تمن عوالم منهم بيحترموه وبيطيعوا أوامره وولائهم كان ليه هو وبس، لكن كان في عالم وحيد هو اللي كان دايمًا بيعصي الملك أودين وهي مملكة الجليد.
ملك الجليد كان مشهور بلقب “ملك الظلام”.
كان هو الوحيد اللي بيعصي الملك أودين وعايز يسيطر على العرش وياخده منه.
وحصلت حروب طويلة بين أمير الظلام والملك أودين بس كان أغلب الانتصارات للملك أودين.
أمير الظلام فضل يعمل مكائد عشان يقتل أودين ويسيطر على العرش لكن بسبب حكمة الملك أودين ودهائه كان كل مرة بيقدر يحمي نفسه ويحمي مملكته من جبروت أمير الظلام وجحوده.
وبعد حروب كتيرة دامت لعقود الملك أودين قرر إنه ياخد مركز الطاقة اللي بيمد مملكة الجليد بالقوة.
وفعلًا عمل خطة علشان يسرق النعش واللي هو يعتبر مركز الطاقة الأساسي لمملكة الجليد.
ونجحت الخطة وقدر الملك أودين إنه يستحوذ على النعش ويقضي على المملكة الجليدية تمامًا وياخد منهم قوتهم.
المملكة الجليدية بقت من غير حماية ولا وقوة، وبقت تحت رحمة الملك أودين.
ومن ساعتها ومبقاش في أي ضرر أو خوف على مملكة أزغارد وانتشر السلام وانتهت الحرب.
الملك أودين كان لازم يشوف وريث عشان يورث حكمه، فقرر يتجوز من أحلى بنات مملكة أزغارد .
وفعلًا اتجوز الأميرة اريانا وخلف منها أول طفل ليه وهو ثور.
كل الممالك رحبت بالابن الجديد لأودين، وثور عاش معزز مكرم في مملكة أزغارد، وبعد مدة بقى عنده أخ شقيق اسمه كارل.
ثور وكارل كبروا في المملكة وبقى عندهم فريق مكون من صحابهم اسمه فريق الثيران السوداء.
في الناحية التانية على كوكب الأرض…
كان في بنت اسمها جين، وكانت مهوسة بالعلم وبتدرس في مجال الأرصاد الجوية.
وفي يوم من الأيام اكتشفت عاصفة غريبة وبعد دراسات طويلة في نوع العاصفة اكتشفت حاجة مش عادية.
كان في مكان واحد بس اللي العاصفة دي بتظهر فيه، وكانت العاصفة ملونة بألوان قوس قزح، وكانت جين بتروح دايمًا تستكشف العاصفة دي وتراقبها من بعيد.
كانت بتستعمل جهاز معين هي اللي صنعته عشان تشوف بيه الأشعة تحت الحمراء، والغريبة إن كل ما العاصفة دي بتظهر كانت بتشوف في الجهاز أشخاص بيعدوا جوه العاصفة.
كانت فاكرة في الأول إن هي بتتوهم بس بعد دراسات طويلة وقراءة كتب خيالية لعلماء كان بيتقال عليهم مجانين اكتشفت إن الموضوع حقيقي وإن العاصفة دي عبارة عن بوابة بتنقل لعوالم تانية.
جين كان ليها عم اسمه ماكس، وكانت بتحاول تقنعه دايمًا بنظريتها والحاجات العجيبة اللي اكتشفتها، بس العم ماكس كان بيحبطها وبيقولها إن كل ده مجرد تخاريف وأكيد هي بتتوهم.
بس طبعًا جين مستسلمتش لإن هي عارفة ومتأكدة إن اللي بتشوفه حقيقي.
في عالم أزغارد….
ثور وأخوه كارل لما كانوا صغيرين كان دايمًا أبوهم الملك بيحكيلهم عن قصصه والممالك اللي حكمها والممالك اللي عاصيته وهو في الآخر قدر يوقفها عند حدها.
وكان بيعلمهم دايمًا إزاي يكونوا حكام عقلانيين وحكيمين.
وكان في مطرقة خارقة اسمها مطرقة الرعد.
المطرقة دي كانت هي اللي بتختار صاحبها على حسب قوة قلبه وطيبته وحبه لأزغارد، وكانت بتروح للشخص اللي يستحقها.
كان حجمها كبير ومصنوعة من معدن نادر، ومكانش أي حد ينفع يشيلها غير صاحبها اللي هي بتختاره.
كان أي حد غير صاحب المطرقة بيحاول إنه يشيلها مكانش بيقدر يرفعها ولو سنتي واحد.
وده خلى شعب مملكة أزغارد يحترموا ويمجدوا ويطيعوا الشخص اللي المطرقة بتختاره.
بعد فترة تأهيل لثور وأخوه كارل للحكم جه وقت اختبار المطرقة.
الملك دخل ولاده الإتنين أوضة وكان فيها مطرقة الرعد وساعتها كان شرط نجاح الاختبار إن المطرقة تختار واحد فيهم.
وبدات مراسم الاختبار.
