الكل كان قاعد مستني نتيجة التصادم والدخان يختفي عشان يعرفوا مين اللي فاز بالضربة القاضية.
وفعلًا فريق الثيران السوداء أول ما شافوا ثور وهو خارج من الدخان بكل شجاعة وثقة وعلى وشه الابتسامة المعتادة بتاعته صرخوا بفرحة وفضلوا يحيوا ثور.
عيناي لا ترى الضوء (الجزء الرابع عشر)_للكاتبة هدير محمد
المحامي العبقري (الجزء الرابع)
عيناي لا ترى الضوء (الجزء الخامس)_للكاتبة هدير محمد
بس كارل بان على وشه ملامح الحقد والغل واتأكد إن عمره ما هيوصل لمستوى أخوه.
أما بالنسبة لملك الظلام فكان متعصب جدًا وبدأ يخرج الجليد من كل ناحية، والأرض بدأت تتشقق تحت كل الموجودين.
في اللحظة دي اقتحم المكان ملك أزغارد أودين، ودخوله كان قوي جدًا لدرجة إنه كسر كل الجليد اللي ملك الظلام صنعه.
أودين: إيه اللي بيحصل هنا.
ملك الظلام: ابنك أخلى باتفاقية السلام وبدأ حرب معانا هو مش قدها.
أودين: إنت عارف كويس إن ده مجرد طفل طايش وإحنا مش هناخد قرارات بسبب صبيانيته.
ملك الظلام: اللي إنت بتقول عليه طفل كان هيقضي على المملكة كلها دلوقتي وده يعتبر إعلان حرب وأنا قبلت بيه.
أودين ساعتها عرف إن ابنه بوظ الدنيا وأخل بتوازن العوالم التسعة.
بس ساعتها مكانش ينفع يبين ضعفه قدام ملك الظلام، وقال: اللي تقدر عليه اعمله وإنت عارف كويس مين اللي هيكسب الحرب.
وضرب الأرض بالعصاية وفجأة البوابة اتفتحت وسحبتهم لمملكة أزغارد.
الملك أودين سحب ابنه وفريقه معاه ووصلوا في لمح البصر إلى أوضة العرش.
ثور: جدع يا بابا إنك أخدت القرار ده، إحنا لازم نقضي على مملكة الجليد ونتخلص منها للأبد عشان ميكونش فيه أي تهديد أو خطر علينا.
أودين كان وصل لأعلى مراحل الغضب وقال وهو بيصرخ: أنا إزاي سمحت لطفل زيك يمسك مطرقة الرعد، إنت حتى ما ينفعش تمسك سكينة، إزاي غرورك يسمحلك إنك تبدأ حرب إنت مش قدها ومش عارف عواقبها وبتورط ناس ملهمش ذنب بسبب طيشك.
إنت طفل أناني ومتستاهلش تبقى واحد من مملكة أزغارد.
ثور بعصبية: وإنت راجل عجوز جبان وبتخاف تاخد أي قرار بحجة إنك عايز تحمي المملكة، بس في الحقيقة إنت جبان وبتخاف من الحروب.
أودين فهم إن ابنه وصل لأعلى مراحل الطيش، وحس إنه اتكسر والأمل اللي كان حاطه في ابنه البكر اختفى.
أودين بص بزعل لثور وهو بيقول: إنت متستاهلش القوة اللي معاك دي.
وبعدها كمل كلامه وقال: حكمت عليك أنا ملك أزغارد بتجريدك من قواك ونفيك من المملكة نهائيًا.
وشاور بعصايته على ثور وفجأة ثور قوته الرعدية بدأت تتاخد منه ومبقاش قادر يشيل المطرقة، وبقى زيه زي أي شخص عادي.
وأطلق عليه الملك شعاع من العصاية بتاعته وبعدها ثور اختفى تمامًا.
وبعد كده مسك المطرقة وقال تعويذة غريبة، وبعدها قال: روحي للي يستاهلك ورماها في كوكب الأرض مع ثور.
ثور عقابه كان عبارة عن نفيه من المملكة لكوكب الأرض.
وحس ثور ساعتها إن حياته كلها انتهت، وكان مصدوم من رد فعل أبوه القوي ومكانش مستوعب إنه خلاص كده اتنفى من المملكة تمامًا.
