وفي اللحظة دي الحارس الناري رجع يتابع أحداث كوكب الأرض تاني واتفاجئ إن الفريق وجين بيبعدوا عن ثور عشان عينيه اتحولت وبقى لونها أزرق وفي خيمة رعدية بتلف حواليه، وابتدت قوته ترجعله.
الكل كان فرحان من رجوع قوة الملك المستقبلي لمملكة أزغارد.
عازف بنيران قلبي (الجزء الثالث)
عيناي لا ترى الضوء (الجزء الثاني عشر) للكاتبة هدير محمد
عيناي لا ترى الضوء (الجزء الرابع) _للكاتبة هدير محمد
وفريق الثيران السوداء بدأ يهتف بأعلى صوته ويقول: يعيش ملك الرعد يعيش ملك الرعد، وثور ساعتها رفع إيده وفي لحظة المطرقة طارت وجتله، ومسكها وطار.
كارل سمع من فوق صوت ضحك فريق الثيران السوداء وسمع صوت رعد فاستغرب ورجع يبص تاني على كوكب الأرض عن طريق الحارس الناري.
بس مجرد ما الحارس الناري لف وشه اتفاجئ بضربة قوية من مطرقة الرعد طيرته لمسافة بعيدة جدًا، ويخبط في مباني كبيرة ويدمرها.
وثور ساعتها حس إن في خطر على البشر فمسك الحارس الناري وطار بيه بعيد عنهم وعن فريقه وعن جين.
الحارس الناري بدأ يطلع شعاع من عينيه ومن إيده ويوجهه ناحية ثور.
المعركة كانت قوية جدًا بس الأفضلية كانت لثور اللي كان متعصب جدًا من أخوه ومن الحارس الناري لإنهم آذوا أعز الناس على قلبه.
ثور لما لقى إن المعركة هتطول بعد عن الحارس الناري وفضل يطير لفوق لحد ما وصل للسحاب.
الحارس الناري ضحك وقال: إيه خوفت ليه يا ابن أودين، متوريني قوتك اللي كنت مستني إنها ترجعلك.
ثور ابتسم باستهزاء وبعد كدا رفع إيده وبدأ يستدعي القوة الرعدية للمطرقة بتاعته، ولما جمع مقدار كبير من الرعد عينيه وجسمه بدأوا يتحولوا للون الأزرق وبقى متحاوط بالرعد من كل ناحية.
وبعدها طار بأقصى سرعته ناحية الحارس الناري، والحارس الناري في اللحظة دي أطلق شعاع قوي جدًا على ثور.
بس ثور صد الشعاع بالمطرقة بتاعته وفضل يتقدم ناحية الحارس الناري لحد ما وجه ضربة قوية لراس الحارس الناري، وحصل انفجار قوى.
الكل كان باصص في السماء ومستنين اختفاء الدخان عشان يشوفوا نتيجة التصادم.
وكالعادة بعد أي تصادم ثور هو اللي بيكسب، والحارس الناري وقع من السماء على الأرض ومات.
في اللحظة دي ثور كان طاير وشايف الحارس الناري وهو بيقع على الأرض وبيتدمر وكل قطعة منه بتروح في اتجاه غير التانية.
فريق الثيران السوداء بدأ يهتف بصوت عالي وكانوا مبسوطين جدًا بانتصار ثور وبصين عليه بفخر، وفرحوا إن الراجل الطيب القوي الشجاع ده هو اللي هيكون الملك بتاعهم.
كارل في اللحظة دي الشياطين كلها ركبته وخلاص قرر يسودها على كله وراح على البوابة وفتحها ودخل ملك الجليد وجنوده وقال: جه الوقت اللي هتنفذوا فيه اللي أمرتكوا بيه، اقتلوا أودين وخدوا النعش وأنا ورايا مهمة تانية هعملها.
ابتسم ملك الجليد وهو بيقول: أوامرك يا جلالة الملك، وخد فريقه وراح على أوضة الملك أودين.
على الأرض…
ثور مجرد ما نزل جين جريت عليه وحضنته حضن قوي وقالت: عاش يا بطل أنقذت حياتنا ورجعتلك قوتك، أنا فخورة بيك أوي.
ثور: أنا اللي فخور بيكي وبشكرك لإنك كنتي السبب في رجوع قوتي، وكمان إنتي اللي أنقذتيني وعيشتينى معاكي رغم إنك مكنتيش مجبرة تعملي كده.
جين اتكسفت وقالت: طب هتعمل إيه دلوقتي.
ثور وهو زعلان: أنا آسف بس مضطر اطلع العالم بتاعنا عشان مملكتنا في خطر وأنا لازم أنقذها من شر كارل.
جين بزعل: يعني خلاص كده هتطلع ومش هشوفك تاني؟
ثور: لا اوعدك إني هرجعلك مجرد ما مهمتي تخلص.
جين: اتمنى توفي بوعدك ليا.
العم ماكس: أيوه ياريت ترجع عشان فى رهان مبيني أنا وجين ولو إنت مرجعتش يبقى أنا كده اللي هكسب الرهان.
ثور ابتسم وقال: يبقى أنا هرجع عشان هي تكسب وإنت تخسر الرهان.
فريق الثيران السوداء: آسفين على قطع لحظاتكوا السعيدة دي بس في مملكة فوق هتتدمر فينفع ننجز؟
ثور: أنا آسف بس مضطر أمشي، اشوفكوا قريب يلا سلام.
وبعد الوداع ده طار ثور هو وفريقه وراحوا على مركز البوابة ورجعوا العالم بتاعهم.
جين: اتمنى ترجعلي بالسلامة وتنتصر على أعدائك وتقدر تكون سبب في انتشار الخير وإنقاذ الناس.
في مملكة أزغارد….
ثور وفريقه أول ما وصلوا اتفاجئوا بحارس البوابة وهو متجمد، وثور حرره وسأله: مين اللب حبسك وجمدك كده؟
حارس البوابة: بسرعة اجري الحق الملك.
ثور: في إيه بس فهمني؟
حارس البوابة وهو بينهج: مفيش وقت، ملك الجليد هيقتل أبوك وهياخد النعش وكارل هو اللي أمره بكده.
ثور وهو بيجز على سنانه قاله: الحقير ده إزاي يتجرأ يعمل كده.
وجري بسرعة على أوضة العرش.
في الوقت ده كان ملك الظلام وصل لأوضة الملك وكانت الملكة جوه الأوضة هي والملك اللي كان في غيبوبة.
الحراس بدأوا يحاربوا ملك الظلام بس طبعًا مكانوش قده ولا قادرين يقفوا قصاده، وملك الظلام قضى عليهم في ثواني.
ملك الظلام كان مبسوط جدًا، وكسر باب أوضة الملك ودخل بكل جبروت وثقة.
ملك الظلام أول ما دخل لقى الملكة واقفة قدام الملك وبتحاول تحمي جوزها.
ملك الظلام: الرجالة اللي في المملكة مش عارفين يحموا ملكهم واللي واقف قصادي دلوقتي واحدة ست، معقول؟
الملكة: أنا لا يمكن اسمح لإيدك القذرة دي إنها تقرب من جلالة الملك.
ملك الظلام بصلها بقرف ومد إيده باستهزاء وجمد الملكة، وضحك ضحكة عالية وراح على الملك وهو نايم ومبيتحركش ورفع إيده وصنع سيف من التلج ونزل بيه على الملك.
بس قبل ما الخنجر يلمس الملك فجاء ظهر شعاع وخفى ملك الظلام.
الملكة بصت وراها ولقت كارل كان ماسك عصاية أودين وقتل بيها ملك الظلام.
كارل حرر أمه وجري عليها وقال: أمي إنتي كويسة؟
الملكة: تسلم إيدك يا ابني فعلًا إنت اللي تستاهل إنك تكون وريث العرش حتى لو مكنتش الابن الحقيقي للملك.
وفي اللحظة دي دخل ثور…
