تومي طلع الطيارة وفضل يدور على أرشميدس بس اتفاجئ بحبل بيتربط حوالين رقبته من ورا وكان أرشميدس بيحاول يقتله.
تومي حاول بكل الطرق إنه يفك نفسه بس معرفش، لإن أرشميدس كان عنده قوة خارقة تشبه قوة تومي بالظبط.
أسيل( الجزء الرابع)……انا مش ممكن اكمل مع واحد بيشك فيا بقولك طلقني
أحببتها أثناء انتقامي (الجزء الثامن عشر) للكاتبة عليا حمدي
نبض قلبي لأجلك (الجزء السادس) للكاتبة لولا نور
تومي فضل يبص حواليه ويدور على حل علشان يقدر يهرب من أرشميدس ولاحظ وجود الحجر الأزرق المنور، وفهم ساعتها إن ده الحجر المسؤول عن صنع الأسلحة المدمرة.
تومي بدأ يستجمع قوته ولف وشه وضرب أرشميدس ومسكه ورماه على الحجر ده.
أرشميدس أول ملمس الحجر طلع منه شعاع أزرق قوي والشعاع ده بدأ يضرب في كل حته الطيارة، وكانت قربت تنفجر.
وفي شعاع منهم جه على أرشميدس وساعتها اختفى فجأة، والحجر فضل يتفاعل لحد ما انفجر ونزل من الطيارة على البحر.
وتومي كان في موقف لا يحسد عليه بسبب إن الطيارة كانت هتنفجر، ده غير إن كان موجود فيها صاروخ موجه ناحية عاصمة أمريكا، فكان لازم تومي يغير اتجاه حركة الطيارة.
في الناحية التانية….
جوين كانت بتحاول تتواصل مع تومي في الطيارة عشان كانت خايفة عليه أوي، وفعلًا قدرت تخترق اتصالات الطيارة دي وعرفت توصله وتتكلم معاه.
جوين: تومي إنت كويس؟
تومي: متقلقيش عليا أنا، خافي على الناس اللي المفروض هيتضرب عليهم صاروخ دلوقتي وهما ملهمش ذنب في أي حاجة.
جوين: متخافش على الناس يا تومي إحنا هنحاول ننقذهم ونفضي المكان، أنا بس عايزاك تنط من الطيارة دلوقتي.
تومي: سامحيني يا جوين بس أنا قلتلك إن جسمي بيتحرك لوحده ومبقدرش اسيطر عليه لما بحس إن في حد محتاج مساعدة.
جوين: أرجوك يا تومي متموتش ونط من الطيارة وإحنا أكيد هنلاقي حل.
تومي: اوعدك إني مش هموت وهعزمك النهاردة كمان على العشا الساعة 7:00.
جوين: بطل كدب أرجوك ونط من الطيارة دلوقتي.
تومي: الساعة 7:00 هكون موجود.
تومي قفل الخط وجوين بدأت تصرخ وعرفت إن تومي قرر يضحي بنفسه عشان خاطر أمريكا.
تومي اكتشف إن زرار الهبوط في الطيارة اتدمر، والطيارة كانت بتجري بأقصى سرعتها، فبص في الخريطة ولقى إن تحته أرض جليدية فقرر ينزل فيها وساعتها محدش هيتضرر.
وفعلًا بدأ يتحرك بالطيارة وهو مبتسم ونزل في الجليد، وبعدها الطيارة اختفت هي و كابتن أمريكا.
بعد فترة الحكومة الأمريكية بدأت تدور في المكان اللي نزلت فيه الطيارة بس ملقوش أي حاجة غير الكرة الزرقاء اللي كانت مع أرشميدس.
وساعتها الحكومة عرفت إن خلاص تومي مات ومبقاش في كابتن أمريكا.
وبعد مدة كبيرة الباحثين وهما بيدوروا في الجليد اكتشفوا طيارة غريبة، ولقوا جواها تومي وهو متجمد.
الباحثين أخدوا تومي وودوه لمنظمة الخوارق، والمنظمة استقبلته وبدأت تعتني بيه.
وتومي فجأة فتح عينه ولقى نفسه في أوضة غريبة وفي راديو شغال جنبه.
ومكانش عارف إنه اتجمد ونام في الجليد مدة كبيرة، فكان مستغرب من المكان اللي حواليه.
وفي واحدة دخلت عليه وقالتله إنه في فترة تعافي وإن الحكومة الأمريكية رافضة إن هو يخرج من الأوضة في الفترة دي.
تومي مكانش مستوعب أي حاجة من اللي حواليه واستغرب لما سمع في الراديو إذاعة لماتش هو كان حاضره قبل كده والمفروض إن الراديو ده مبيعرضش غير الماتشات المباشرة.
عرف ساعتها إن في خدعة في الموضوع وقام من على السرير وقال للبنت تقوله الحقيقة.
في اللحظة دي دخل عليه جنود من الباب وحاولوا يوقفوه بالعافيه بس طبعًا تومي كانت قوته خارقة وضرب الجنود دول كلهم وخرج من الاوضة، واتفاجئ إن الأوضة دي طلعت مزيفة وإنه جوه منظمة غريبة وفي تقنيات حديثة حواليه.
تومي فضل يجري وهو مخضوض لحد ما خرج من المنظمة ولقى نفسه في شارع غريب مليان بعربيات وتقنيات حديثة ولقى كمان إن المباني شكلها جديد وعليها شاشات.
تومي فضل واقف وهو مصدوم، وفجأة جت عربيات كتيرة وقفت قدامه وخرج منها جنود والقائد نزل ووقف قدامه وقاله:
أهلًا يا تومي، أنا عارف إنك مصدوم بس إحنا حاولنا نهيئلك الأمر وحطيناك في أوضه معاصرة للزمن اللي إنت كنت فيه بس الظاهر إن الخدعة منفعتش معاك.
حابب أعرفك إنك دخلت في غيبوبة لمدة 70 سنة ولسه صاحي منها دلوقتي.
تومي فضل يلف حواليه ومكانش مصدق عينه ومنبهر من التكنولوجيا اللي اتطورت، بس كان باين عليه الزعل.
القائد بتاع المنظمة سأله: إيه اللي مضايقك؟
تومي: أنا المفروض كان عندي ميعاد مع بنت جميلة وأنا اتأخرت عليه أوي.
النهاية……
لمشاهدة الجزء الثالث من القصة “اضغط هنا“.
لمشاهدة الجزء الثاني من القصة “اضغط هنا“.
لمشاهدة الجزء الأول من القصة “اضغط هنا“.
