اساليني كده يا اروى اكله جوزي المفضله ايه هقول لك ما اعرفش.
بيحب ايه هقول لك ما اعرفش.
نعيمي وجحيمها (الجزء الثالث) للكاتبة أمل نصر
مطرقة الرعد ( الجزء 2) للكاتب عمار عبد البديع
أحببتها أثناء انتقامي (الجزء الأول) للكاتبة عليا حمدي
بيكره ايه هقول لك ما اعرفش.
الوانه المفضله ما اعرفهاش.
ايه اكلته المفضل برضو ما اعرفش.
الدبله اللي في ايدي دي انا اللي اخترتها لوحدي وانا اللي نقلتها الايد الشمال لان جوزي اللي قدامكم ده جوزي على الورق بس وعمره ما قرب مني ولا لمسني وبيعاملني كاني جاريه عندو.
جوزي اللي قدامكم ده انا من ساعه ما اتجوزته ما شفتوش غير شهر واحد وفضل ست شهور ولا انا بشوفه ولا هو بيشوفنى فاهمه يعني ايه جوزي يسيبني ست شهور لوحدي.
اقولك انا يعني ايه يعني انا بالنسبه له مجرد وسيله هم خدوها لاسبابهم جوزي علشان ينتقم من بابايا وبابايا علشان ينفذ وعده كنت مجرد لعبه بيحركوها مكان ما هما عايزين.
ما كانش ليا قيمه عند حد فيهم.
يا ترى تعرفوا ايه انتو عن حياتي؟
حياتي اللي انتم ما تعرفوش عنها اي حاجه وبتقولوا لي اعملي وسوى!
تعرفوا ايه عني عشان تتكلموا عن سعادتي؟
سعاده ايه انا واحده اتسابت يوم فرحها واترمت في البيت زي الكلاب.
عارفين يعني ايه يوم فرحها يعني اليوم الاسعد في حياتها.
جوزها رماها ورا الباب بفستان فرحها وقال لها بكرهك!
انا مجرد واحده عايشه لوحدها بقالها خمس شهور مفيش حد معبرها كانها واحده منبوذه محدش عايزها!
انا مجرد واحده اتكسرت بدل المره 1000 واتوجعت بدل المره 100 وقلت اصبر لعل وعسى ربنا يصلح حالنا فيما بعد ويجبر بخاطرى.
انا مجرد واحده اتكسرت واتهانت كرامتها وتهانت انوثتها وبقت شبه الورده الدبلانه!
وبعد كده دخله الطرحه من على وشها اللي كانت مداريه بيها الكدمه بتاعه القلم اللي ادم ضربه لي وقالت بصوت كله وجع: انا مجرد واحده اتضربت وخدت اقوى قلم خدته في حياتها واول قلم بسبب جوزها وعنفه.
عرفت ليه بقى يا اروى بسالك عن جوزك!؟
يارا من كتر العصبيه واعصابها اللي مشدوده طول الوقت ما كانتش قادره تقف على رجليها فوقعت على الارض وجلست على ركبتها وقالت بصوت كله الم وانكسار: انا ليه بيحصلي كل ده كل اللي انا فيه ده لمجرد ان كانت احلامي بسيطه انا ما كنتش عايزه حياه فيها رفاهيه كتير ولا عربيه ولا فلوس ولا منصب ولا اي حاجه من الحاجات اللي البنات بتتمناها انا احلامي كانت بسيطه جدا كنت عايزه بس شخص يخاف عليا اعيش مع شخص يحبني يبيع نفسه ويشتريني كان نفسي ابقى عايشه مطمنه مش واحده كل احساسها في اليوم مليان وجع وخوف وقلق انا واحده كانت بتخاف من جوزها اكثر ما كانت بتحس بالامان معاه كنت ببقى خايفه جدا لما كان بره البيت وسابني مده ست شهور لوحدي وخفت اكتر لما رجع عارفه ليه؟!
لاني كنت ببقى مرعوبه ان هو يسيبني ثاني وما يرجعش تخيلي انا عايشه ازاي طول اليوم وانا مرعوبه وما فيش حاجه في دماغي غير الخوف والقلق بقت واحده ما عندهاش اي ثقه في اي حد مبقاش عندي ثقه في جوزي ان هو هيفضل جنبي كنت عايشه كل لحظه على اعصابي.
كان نفسي كل يوم اضحك وابقى مع جوزي واحده طبيعيه عايشه حياه سعيده لكن بالعكس انا كنت كل يوم بعيط.
كان نفسي لما اسمع صوت غريب في البيت يبقى جنبي طمني مش لما اسمع صوت احس ان اخر يوم في عمري.
كان نفسي يخاف عليا ويحترمني مش يمد ايده عليا ويضربني كان نفسي يمسح دموعي بدل ما يزودها لي.
يارا صوتت بصوت عالي جدا وكل وجع: كان نفسي اعيش والاقي حد جنبي انا كنت ساعه ما امثل اني زعلانه بلاقيكي جنبي وبلاقي بابا وماما وانتم الثلاثه فاتحين حضنكم ليا لكن الايام اللي فاتت لما كنت بحس باي وجع ما كنتش بلاقي اي حضن حنين اترمي فيه ولما كنت بفتكر الحضن بتاعكوا بتوجع اكتر.
كان نفسي بس في حضني يطمني اترمي فيه هل ده كتير عليا ردوا!؟
لما كنت بتعب بلاقي حد يداويني طول الليل ويسال عليا ويطبطب عليا.
لكن انا دلوقتي بترمي في البيت بالثلاث ايام وانا مغمى عليا ومحدش بيسال فيا وبقوم وانا دايخه وتعبانه وبقوم اعالج نفسي.
كانت ماما بتجري ورايا علشان اكل رغم انى كلت قبل كده ثلاث مرات لكن دلوقتي مكنتش باكل بالايام وما كانش حد جنبي ولا حد بيسال فيا ولا بيقول لي اكلتي ولا لا ولا حد مهتم اصلا.
كان نفسي اتجوز واحد يبقى امامي في صلاتي ويقعد جنبي ونقرا قران سوا انام على كتفي واحس بالامان معاه ونقعد نهزر ونفكر في اسامي ولادنا ونحكي لبعض على احلامنا.
كان نفسي في راجل يبقى ظهر وسند شخص رومانسي يحبني واحبه نقعد نهزر ونتخانق على اتفه الاسباب نحكي لبعض عن احلامنا وطموحاتنا نفتكر ذكريات الطفوله سوا نتفرج على افلام ديزني ونعمل اي حاجه هبله وعبيطه وما نتكسفش من بعض يجيبلي ورد ويعمل لي مفاجات كثير ويخرجني ويجيب لي شيكولاته.
كان نفسي اعيش مع واحد يعاملني كاني بنته مش يحرمني من كل حاجه وكمان يعاملني بقسوه ويحرمني من ابسط حقوقي.
يارا بدات تهدى شويه وتوطي صوتها وبعد كده قالت بصوت هادي جدا ويشبه الهمس لكن مليان وجع وكسره: لكن للاسف كل ده ما تحققش وللاسف كمان جوزي طلع شخص بيحاول ينتقم من ابويا فيا لا والمفاجاه الكبيره ان ابويا هو اللي مسلمني ليه.
