مازن فتح باب الشقه اتفضلي ياندى.
ندى الله اي الجمال دا. الشقه كبيره والوانها هاديه والعفش انبهرت بكل دا كل حاجه راقيه جدا.
البطل المُنتظر (الجزء 4 والأخير) للكاتب عمار عبد البديع
عيناي لا ترى الضوء ( الجزء الثاني)_للكاتبة هدير محمد
نعيمي وجحيمها (الجزء الأول) للكاتبة أمل نصر
مازن قعد في الرسبشن ياندى ممكن لحظه من فضلك.
بصي هنا كل حاجه ملك ليكي اعملي اللي يريحك وبالنسبه للتعليم فأنتي هتكملي تعليمك انتي قبل كدا قولتيلي انك مش محتاجه شفقه وعطف من حد علشان تعملي دا لازم تكملي دراستك وتنجحي فيها. انا هنزل اجبلك كل اللي يلزمك وشوفلك المدرسين اللي هيدرسولك المواد مش عايز كسل.
ها اي اسماء الكتب اللي محتجاها.
ندى اللي تشوفو اي حاجه.
مازن ضحك اي يابنتي هو انا اللي همتحن مكانك. خلاص انا هشوفلك.
مازن دخل مكتبه ممكن جميع كتب تالته ثانوي الي بيكون عليها طلب زياده. اخدهم ومشي دخل محل للموبايلات. السلام عليكم.
الراجل وعليكم السلام.
مازن عايز احسن موبايل ويكون اصدار السنادي.
الراجل دا حسن حاجه في السوق.
مازن اخده وحط رقمه عليه ومشي.
في الوقت دا ندى…
بتتفرج علي الشقه حلوه اوي واتفرجت علي الحاجات اللي جبهالها مازن مش معقوله كدا الحاجات تجنن ذوقه حلو اوي. بصت لقت اوضه كلها كتب وفيها ركن للقراءه. دا كمان طلع بيحب القراءه. دا حتي التلاجه فيها اكل كتير اووي. دخلت تتوضا وتصلي فتحت الدولاب لقت سجادة صلاه واسدال معقوله منساش دا كمان.
ندى الحمدلله يارب يفضل كدا معايا معملته كويسه.
فجأه خبط الباب.
مازن اتفضلي دول. وشوفي تحبي مين يدرسلك المواد. اه وقلل ما انسي اتفضلي دا خليه معاكي حطيت رقمي لو اي حاجه محتجاها في اي وقت رني عليا.
ندى بس دا شكلو غالي اووي.
مازن لا ابدا مش غالي. ها مقولتيش تحبي تدرسي عند مين.
ندى مش محتاجه حد انا هذاكر لوحدي وهدخل علي الانترنت وادرس من الموبايل.
مازن تمام يلا بقا تصبحي علي خير. نزل وطلع عربيته لقا يزيد واقف قدام باب الفيلا.
يزيد يابني بقالي ساعتين واقف هنا انت فين.
مازن تعالي يلا ادخل. انا مبسوط اوي النهرده يايزيد مش قادر اوصفلك فرحتي ازاي. بس خايف تروح مني تاني
يزيد كل دا علشان لاقتها. يزيد بتريقه طيب متوقف حرس تحت العماره وضحك.
مازن ما انا عملت كدا فعلا.
يزيد بقولك اي صاحبك محمد الحديدي دخل المناقصه قصادنا وشكلو كدا هيكسبها بيوزع فلوس كتيره هنعمل اي ؟!
مازن ادفع فلوس اكتر وحط فوقيها شركته خلينا بقا نشوفو هيعمل اي وقتها.
يزيد الصبح دخل بسرعه علي مازن. كسبنا المناقصه ياصاحبي وشكل صاحبك هيطق دلوقتي.
مازن يلا بقا علشان يبقي يتحداني تاني. اصرف شهر مكافأة للموظفين.
في شركة الحديدي…
اسلام بصوت عالي ازاي ترسا المناقصه عليه وانتو كنتو فين.
مدير اعماله يافندم هو قدم فلوس اكتر مننا وعروض.
اسلام اطلع برا مش عايز اشوف حد النهرده.
اسلام الو..
بسام تحت امرك يااسلام باشا.
اسلام عايز اعرف كل حاجه تخص مازن شغلو وبرا شغلو يومين وتكون تحركات مازن كلها عندي. وعايز اقابل السكرتيره بتاعته.
بسام تحت امرك يااسلام باشا اعتبره حصل.
وفي صباح اليوم التالي شركة الحديدي…
خبط الباب عند اسلام. سكرتيره مازن برا يافندم.
اسلام دخلها.
مروه هو حضرتك طلبتني ليه.
اسلام عايزك تشتغلي معايا واوعدك اللي هتخديه مني فلوس اكتر من مرتبك ١٠ اضعاف. بس بشرط عايزك تكوني عيني اللي بشوف بيها كل حاجه عند مازن في الشركه مفيش مناقصه ولا ورقه الا واعرف عنها كل حاجه.
مروه هو حضرتك فاكر مازن باشا سهل ولا تعرف توصل لي حاجه دا مهندس كبير وشاطر جدا في شغله وكل حاجه بحساب وبعدين انا مقدرش اجبلك ورق منه دا عينه في وسط راسه وبيعرف كل حاجه لو ورقه نقصة اروح فيها انا.
اسلام انا عارف كل دا انتي بس هتجيبيلي نسخه من كل الورق علشان اعلي عليه بس.
مروه طيب ولو مازن عرف..؟!
اسلام من الحتادي اطمني هجيبك واشغلك معايا يعني مش هتخسري حاجه.
مروه تمام مع حضرتك.
اسلام ها اي الشغل الجديد اللي هيدخله مازن اليومين دول.
مروه داخل شغل كبير اوي هيصمم سلسلة فنادق كبيره اوي فروع جديده هنا في مصر.
اسلام هما اختاروه هو بالذات ليه.؟!
مروه لانه اشتغلهم قبل كدا في الامارات وعمل نجاح كبير.
اسلام ابتسم ممم تمام اوي كدا خودي دوي. كانت فلوس كتيره اووي.
عند ندى ياربي تعبت من المذاكره وعندي صداع اريح شويه وارجع اكمل مذاكرتي. فتحت التلاجه ولقت فيها شيكولاته كتير وايس كريم. بصت فيهم بفرحه .والله مازن دا مش طلع عندو ذوق في البس بس دا طلع كمان بيفهم.
مازن بيرن علي ندى يطمن عليها.
ندى يانهار ابيض ميكونش سمعني. الوو
مازن صباح الخير.
ندى صباح النور.
مازن طمنيني اكلتي وعملتي اي امبارح بتزاكري ولا نمتي.
ندى الحمدلله اكلت بذاكر وقولت ارتاح شويه وارجع اكمل تاني.
مازن انا عارف انه ضغط عليكي لكن استحملي كلها ٥ شهور وتخلصي وتحققي كل أحلامك. لو محتاجه اي حاجه كلميني.
ندى بإذن الله. عندي كل حاجه شكرا خالص.
يزيد دخل الاوضه ومازن ماسك الموبايل ومبسوط. اي ياعم السعاده دي كلها. بقولك الشغل بالنسبه للتصميم فالمهندسين خلصو. اما بقا الشغل التاني فالراجل مستنين معاد تسليم الشحنه.
مازن انت اتجننت يابني قولتلك ماتتكلمش عنه هنا انت عايز تحبسنا.
يزيد حقك عليا مأخدتش بالي. انا بس متحمس للشغل.وبعدين مفيش حد في الشركه غير انا وانت.
مازن حتي لو انا وانت بس مينفعش.
ندى ارجع بقا للمذاكره من تاني مينفعش افكر في كتير. انا لازم احقق ذاتي وحقق احلامي مينفعش افضل طول عمري معتمده عليه. انا لمه بيساعدني بدايق من نفسي بحس انه انا عاله عليه.
ورجعت من تاني ندى للمذاكره.
مازن مروه جمعي كل التصاميم من المهندسين وهتيهم ورايا علي المكتب علشان اشوفهم واعرضهم علي العملا ولو في تعديل نبدء نشتغل عليه.
مروه تحت امرك يافندم حالا هتكون عندك. بعد ما جمعت التصاميم صورتهم وبعتتهم واتساب ل اسلام بعدها علي طول دخلتهم ل مازن المكتب.
اسلام اول ماشافهم ابتسم اهو كدا اشتغل العب يا استاذ مازن لمه نشوف هتعمل اي. يا طارق خود الورق دا ينطبع في اسرع وقت ويتبعت بسعر اقل بكتير من اللي هيحددو مازن ل الشركه تعمل كدا قبل ما يبعت بسرعه ومش عايز ولا غلطه انت فاهم.
طارق حاضر يافندم علم وسينفذ.
يزيد بقولك اي يامازن ماتيجي نخرج ونروح نتغدا في البيت عندي اي رايك وندردش شويه بقالنا كتير مقعدناش.
مازن تمام يلا. راحو لبيت يزيد وفتحو الباب.
يزيد ياحسنه حضري الغدا بسرعه.
حسنه حاضر يافندم.
يزيد يابني انا مش عارف ليه متجبش شغاله تخدمك وتنضفلك البيت وتأكلك اكل نضيف بدل الاكل الجاهز اللي بتاكله كل يوم.
مازن لا ياعم اجيب واحده معرفش تعمل اي في البيت لمه اكون في الشغل. ولا اتكلم مع حد تبع الشغل بتاعنا الاقيها بتتنصت عليا. لا انا كدا كويس اوي.
يزيد طيب هقولك علي حاجه حلوه اوي.
مازن هاا صدعني.
يزيد اي رايك نسافر زي زمان ناخدلنا يومين اجازه من الشغل ونرتاح شويه في اي مكان يكون هادي كدا نريح اعصابنا من زحمة الشغل.
مازن اه ياريت الواحد محتاج كدا فعلا. نظبط الدنيا ونسافر. يلا بقا اسيبك انا هروح انام تصبح علي خير.
يزيد يابني ماتقعد ولا انت جاي تاكل وتمشي.ضحك.
مازن يابني سيبني تعبان ومحتاج ارتاح شويه من زحمة الشغل.
الساعه الثامنه صباحا في شركة مازن…
الموظفين ازاي تروح من تحت ايدنا صفقه مهمه زي دي.
مازن هو في اي يا يزيد الصوت عالي كدا ليه؟!
يزيد اصلي مشروع سلسله الفنادق فسخو معانا العقد.
مازن دفعهم الشرط الجزائي. ازاي يعملو كدا معانا.
يزيد ماهو اصلي مفيش شرط جزائي. لانه اتعاملنا معاهم كتير فمكنتش اتوقع انه يفسخو العقد.
مازن ازاي متكتبش شرط جزائي تمام. بس لو كان اسلام الحديدي اللي عمل كدا فحسابه هيكون معايا تقيل اووي.
كل يوم الحال عند مازن في الشركه بيسوء وكل صفقه يدخلها يسرقها منه اسلام.
