كان هناك بنت تسمى وردة جميله جدا كالورد كانت يتيمة الاب والام. عاشت في منزل خالها. كان عندها امراة خال قاسيه شديد القسوه معها تعاملها بشده. كان عندها من الاولاد اثنين طه وتسنيم.
وفي يوم من الايام .
بين غيوم الألم وشمس الأمل…قصة حب تحدت المرض ووجدت السعادة
ملوك الجدعنة (1)
رحلة عبر الزمن لكشف سر عظيم…سر الحضارة القديمة
مني بقولك اي يابت انتي نضفي الاوضه بتاعت طه. النهرده طه نازل من السفر. واياكي تقولي انك تبقي بنت عمته ولا يعرف انتي فاهمه. بعد ما تخلصي الاوضه جهزي اكل.
وردة بحزن حاضر. خبط الباب..
مني جريت بلهفه ابني ياحبيبي وحشتني اوي. هونت عليك تغيب عني كل دا و بتعيط.
طه حضن مني كان غصب عني والله ياماما الشغل خدني منك بس اهو قدامك ياحبيبتي وكويس ما يهونش عليا اشوف دموعك ياحبيبتي.
نسيم اهو كويس قدامك مش ناقص حاجه زي ما وعدتك يا خالتي وضحك.
مني انتي يابت يا وردة خدي شنطة البيه و وصليها للاوضه واياكي تنقص حاجه. اصلا انا عرفاكي. وبعدها ادخلي المطبخ جهزي الغدا.
طه اي دا ياماما من امته جبتي حد يساعدك.
مني من زمان ياحبيبي. يلا خد شاور وارتاح شويه لحد ما الاكل يجهز.
طه حاضر ياماما عن اذنك. اه صحيح هي تسنيم راحت فين مش موجوده.
مني في الجامعه ياحبيبي توصل علي معاد الغدا النهرده عندها محاضرات كتير.
طه دخل اوضته كانت وردة ترص حاجته في الدولاب. اول ما شافها لحظه بعد اذنك. واخد اللي محتاجه وقبل ما يدخل الحمام ممكن بعد اذنك تصحيني كمان ساعتين ضروري ودخل ياخد شاور.
وردة طلعت جهزت الاكل. واول ما فات ساعتين داخله تصحيه. وقفتها مني.
مني انتي رايحه فين..؟!
ورده طه طلب مني اصحيه دلوقتي.
مني اولا اسمو البيه او الاستاذ طه. انتي فاهمه وما اشوفش وشك في اوضته تاني امشي علي المطبخ شوفي وراكي اي.
وردة بصت لها بكل حزن حاضر.
طه اي دا في اي اهدي يابنتي شويه مش كدا.
تسنيم وحشتني اووي. هو انت اتغيرت كدا ليه.
طه الغربه صعبه بتسرق عمرنا هو انتي فكرك كدا سهله. وسعي بقا كدا شويه خليني اعرف اقوم. الله اي روائح الاكل اللي تجنن دي.
تسنيم دي اكلها وحش.
طه تقصدي.. هي صحيح اسمها اي.؟!
تسنيم وردة. بس بنقول عليها كلنا هنا الشغاله.
طه يابنتي حرام عليكي مش كدا. مش بتقولي اسمها وردة مينفعش نزعلها و نقولها يا شغاله راعي مشاعر غيرك شويه.
تسنيم مشاعر اي يابني دي مش عندها مشاعر خالص.
طه الساعه في ايدك كام دلوقتي.؟!
تسنيم 4 العصر.
طه بعصبيه انا قولتلها صحيني ساعتين. كان عندي مكالمه مهمه اوي في الشغل. دخل المطبخ بغضب مش قولتلك صحيني بعد ساعتين ليه ماصحتنيش كل دا.
