زينب سامحيني ياحبيبتي مقدرتش احمي ندى. انتي عارفه انه مليش مكان ولا حته اروحها غير عند ممدوح سبت بنتك ومعرفش عنها حاجه سامحيني ياختي. زمان انا وانتي هربنا بالجواز من هم ابونا الظالم ووقعنا في هم جوازتنا يعلم ربنا انه بنتك اغلي عندي من نور عيوني دي حته مني وبنت اختي اللي مليش غيرها احنا مش من حقنا نفرح ياحبيبتي ولانتهنا شكلنا. قرت الفاتحه ومشيت
روحت البيت زينب…
مي الفصل الثاني
عازف بنيران قلبي (الجزء السادس) للكاتبة سيلا وليد
نبض قلبي لأجلك (الجزء الثالث) للكاتبة لولا نور
ممدوح اي ياست هانم كنتي فين.
زينب كنت بزور اختي واطلب منها تسامحني بعد ماضيعت بنتها ومعرفش عنها حاجه.
ممدوح شدها من شعرها جامد بصي ياوليه انتي لو رجلك تاني مرا عتبت الباب من غير اذن مني وقتها هخليكي جنب اختك علي طول وتاخدو بحس بعض انتي فاهمه.
زينب ببكاء شديد حاضر. بعد مامشي حسبي الله ونعم الوكيل فيك ياممدوح.
مازن صحي الساعه ٧ الصبح جهز الفطار في المطبخ. خلص خبط علي الباب مردتش ندى. اي دا هي هتعملها فيا من تاني انا مش قادر تعبت هرجع ادور من تاني. فتح الباب لقاها نايمه نوم عميق. حط الاكل وطلع. شكلها مرهق وتعبانه خليها تصحي براحتها. لبس ونزل علي شغلو. اول ماوصل الشركه الموظفين وقفو.
مازن بكل هدوء اعمليلي فنجان قهوه ودخليه ورايا المكتب يامروه.
يزيد ياهلاا بالي غايب عننا وحشتني.
مازن اي يابني هو انا كنت فين براح شويه.
يزيد ياعم مبسوط بيك بقالك شهر غايب ومشوفتكش وحشتنا. ها وصلتها الشقه.
مازن ابتسم طيب هاتلي بقا الشغل اللي واقف علي امضتي. لسه لمه خبط عليها الصبح كانت نايمه صعبت عليا لمه اخلص هبقا اوصلها هناك.
مازن انشغل حتي الساعه ٥ مساء.
اول ماوصل البيت نده كتير محدش رد قلق. دخل الاوضه لقاها لسه نايمه. معقوله حد ينام كدا.
اما في الجانب الاخر…
الاب بقولك اي قومي شوفيلي معاكي قرشين مش معايا فلوس.
سعاد نعم ياحبيبي هو انا متجوزاك علشان اصرف عليك.
الاب بقولك اي لمي نفسك اللي قبلك كانت بتنزل تجيب القرش وتدهولي.
سعاد اه قولتلي علشان كدا عمرها خلص بدري بدري. وربنا رحمها من وشك.
الاب انتي بتقولي اي يا وليه لمي نفسك. ضربها وهي تصرخ. شد السلسله الدهب اللي كانت ليساها من بكرا لو منزلتيش وجبتيلي فلوس انتي حره ونزل مع اصحابه…
سعاد والنبي لو ماعرفتكش مين سعاد وحسبتك علي مدة ايدك دي عليا ودهبي مبقاش انا.
في بيت مازن.
مازن اي دا. مسك موبايله بسرعه. الوو يادكتور تعلالي بسرعه.
الدكتور بعد ماكشف عليها.
مازن مالها يادكتور طمني عليها.
الدكتور واضح انها مكلتش من مده كبيره انا كتبتلها علي شوية فيتامين وهتاخد المحلول دا دلوقتي. وتتعملها كمدات علشان السخونيه وهتبقي كويسه. بس اهم حاجه تاكل كويس.
مازن عمل زي ماطلب منه الدكتور. قعد جنبها طول اليل.
ندى انا مش هسيبه ياماما انا هنتقم منه ماما وحشتيني اوي. هو السبب في موتك ياماما.
مازن استنتج من كلامها انها تقصد باباها. فضل جنبها لحد ماتعب ونام علي الكرسي.
ندى صحيت الصبح مازن نايم جنبها. استاذ مازن حضرتك نايم كدا حصل اي.؟!
مازن امبارح كانت حرارتك عاليه جدا. والدكتور قال انه يتعمل كمدات علشان تنزل.
ندى تعبتك معايا انا اسفه.
مازن متقوليش كدا. راح وجهز فطار علي الصنيه. دخل الاوضه عند ندى بصي بقا عايزك تخلصي الاكل دا كلو انتي سامعه.
ندى اكلت الاكل كلو كانت جعانه جدا.
مازن دخل اخد الصنيه وندى محرجه منه. بقولك اي انا زي اخوكي الكبير فامفيش داعي تتحرجي من كل حاجه اعملها معاكي وانتي اختي الصغيره.
ندى بفرح شديد بجد شكرا لكل الحاجات الحلوه اللي بتعملها معايا.
مازن ضحك اخوكي الكبير بقي ممكن تقوليلي كنتي فين حضرتك الايام اللي فاتت دي كلها وبتعملي اي..؟!
ندى حكت اللي حصل معاها بالتفصيل حتي بدأت بالدموع.
مازن غير الموضوع بقولك اي يلا بينا نتفرج علي فيلم ولا حاجه بدل قعدتك كدا.
طلعو في الصاله وفتح مازن شاشة التلفزيون.
كان شغال برنامج ديني بيتكلم عن ازاي ربنا لمه يحط الانسان في مصاعب وضغط ويصبر يكافأ الانسان دا ازاي نتيجة الرضا ويغير حياته للاحسن.
ندى نفس كلام ماما ليا معقوله في يوم اوصل لكل احلامي واكون مبسوطه وسعيده وانتقم من اللي ظلمني.
مازن سمع كلامها معلقش عليه خالص.
ندى لاحظت انه صوتها عالي احرجت. ممكن ادخل انام عن اذنك. ياربي زمانه بيفكر فيا وحش انا اي خلاني اقول كدا بس.
مازن دخل اوضته ونام.
رن الموبايل الصبح …
مازن الو
يزيد بقولك اي الست نضفت الشقه.
مازن تمام كدا انا النهرده مش هنزل الشركه.
يزيد اي يابني تاني برضو.
مازن هنزل ابص علي الشقه. واشتري لبس لندى واشوف لو في حاجه ناقصه هناك.
مازن نزل الشغل واشترى لبس كتير لندى. وبعد ماركب العربيه. يانهار ابيض نسيت نزل من تاني ودخل مكتبه. السلام عليكم.
الراجل وعليكم السلام ورحمة الله وبركاته. اتفضل يافندم اؤمر.
مازن كنت محتاج جميع الكتب والملازم ل تالته ثانوي.
الراجل علمي ولا ادبي يافندم.
مازن ازاي انسى حاجه مهمه زي دي. كان لازم اسالها. بعتذرلك مش عارف هسال وارجعلك تاني. بعدها دخل سوبر ماركت اشترا كل حاجه هناك. ومشي علي الشقه. رص الهدوم في الدولاب. وحط الاكل في التلاجه. وفجأه بيبص قدامه ينهار ابيض اي دا.
مازن الو يازفت انت يابني مش بتفهم.
يزيد في اي يابني بتشتم.
مازن انا مش قولتلك ابعت حد ينضف الشقه.
يزيد بعت والله الست هي هببت اي متنضفش.
مازن البار معقوله تدخل تلاقي بار قدامها هتفكر ازاي.؟!
يزيد انتي قولتلي ابعت حد ينضف وبعتلك تكنس وتمسح انما مالها هي والبار.
مازن انت هتشلني يابني اقفل.
مازن شال كل القزايز ونضف مكنهم ورماهم وبص في الشقه. اهو كدا تمام مش ناقص حاجه. طلع عربيته ووصل البيت اول مافتح الباب..
ندى بتلعب مع رول.
مازن معقوله رول بيلعب مع حد غيري طيب دا ازاي.؟! شافو جري عليه وندى ابتسمت. يلا جهزي نفسك هتروحي الشقه.
ندى طلعت مع مازن واول ما وصل العماره طلعو الاسانسير الشقه الدور ١٥.
مازن قوليلي هو انتي علمي ولا ادبي ياندى.
ندى بكل حزن كنت علمي علوم.
