في الوقت ده كان في ناس ماشيين في الصحراء ووقفت عربيتهم فجأة بسبب حاجة تقيلة كانت قدامها.
الناس نزلوا من العربية واتفاجئوا بمطرقة شكلها غريب وحجمها كبير.
نعيمي وجحيمها (الجزء الثامن) للكاتبة أمل نصر
احببتها اثناء انتقامي (الجزء 40)
أحببتها أثناء انتقامي (الجزء الثامن) للكاتبة عليا حمدي
واحد من اللي كانوا في العربية حاول يحرك المطرقة عشان يرجعوا يكملوا طريقهم بس اكتشف إنها تقيلة جدًا ومعرفش حتى يحركها سنتي واحد.
الناس اللي كانوا في العربية بلغوا عن المطرقة دي.
وفعلًا منظمة الخوارق وصلت بسرعة وشافوا المطرقة وعرفوا إن هي مش مطرقة عادية وحطوها في سجل الخوارق وعملوا على المنطقة اللي موجود فيها المطرقة حظر نهائي وبنوا مبنى حواليها عشان محدش يشوفها من المدنيين.
بس طبعًا الإعلام عرف الخبر بسرعة ونشره والمطرقة بقت على كل لسان والموضوع اتشهر.
في مملكة أزغارد….
كارل كان مبسوط جدًا إن أخوه اتنفى وإن الأضواء دلوقتي هتكون ناحيته وهيعرف ياخد حكم المملكة.
بس افتكر إنه لما كان في المملكة الجليدية حس بقوة غريبة جواه والفضول خده وكان عايز يكتشف إيه سبب القوة اللي ظهرت جواه فجأة دي، وإزاي وهو في المملكة طلع تلج من إيديه زي جنود المملكة الجليدية.
كارل راح على الأوضة اللي النعش موجود فيها وقرر إنه يلمس النعش عشان يشوف لو قوته الغريبة دي ظهرت تاني يبقى كده في سر هو مش عارفه.
وفعلًا راح لمس النعش وأول ما لمسوا شكله اتحول تمامًا وبقى شبه الجنود الجليدين.
كارل اتخض وساب النعش بسرعة وشكله رجع زي ما كان، ولف وشه واتفاجئ إن أبوه أودين واقف وراه.
أودين: ما كنتش متوقع إنك هتكتشف السر بالسرعة دي.
كارل: هو إيه اللي بيحصل أنا ليه اتحولت بالطريقة دي؟
أودين: في حاجات يا ابني مكانش ينفع تعرفها.
كارل: ياريت تقولي دلوقتي حالًا أنا ليه اتحولت بالطريقة دي، وإيه السر اللي إنت مخبيه عليا.
أودين بدأ يعيط وقال: قبل ما أقولك على السر ده عايزك تعرف إن إنت ابني وهفضل أحبك طول عمري.
كارل: إنجز من غير تقديمات.
أودين: إنت مش ابني الحقيقي إنت ابن ملك الظلام.
كارل اتصدم ومبقاش قادر يصلب طوله ووقع على الأرض وقال: إنت بتقول إيه إنت أكيد كبرت وخرفت.
أودين: عشان كده يا ابني مكنتش عايز أقولك على الحقيقة من زمان عشان عارف إنك مش هتتقبلها.
لما كان في حرب قوية بيني وبين ملك الظلام قدرت اسيطر على عرش ملك الظلام ودخلت أوضته الملكية وكنا خلاص أسرنا نص مملكة الجليد وقدرنا نكسبهم.
وشفتك ساعتها كنت طفل رضيع ومش فاهم أي حاجة في الدنيا وكنت مرمي جنب الجثث ومفيش حد سائل فيك.
قررت ساعتها إني أخدك واربيك، وفعلًا ربيتك واعتبرتك ابني زيك زي ثور بالظبط.
كارل مقدرش يقبل الحقيقة وقال وهو مصدوم: لا مستحيل إنت أكيد اتجننت.
وبعد كده بدأ يسترجع ذكرياته وعرف إن أودين على حق لما افتكر إن القوة الغريبة اللي ظهرتله ظهرت بس في الوقت اللي نزل فيه مملكة الجليد.
كارل: بس إنت ما أخدتنيش معاك بسبب إنك اعتبرتني ابنك أكيد في سبب تاني.
أودين سكت وحس بالذنب ومكنش لاقي حاجة يقولها.
كارل: إنجز قول إيه السبب اللي خلاك تاخدني معاك.
أودين: الصراحة يا ابني أنا خدتك معايا وقلت إن إنت ممكن تكون السبب في إنهاء الحرب وتوحيد المملكتين.
كارل اتعصب جدًا، ومشاعره كانت متلغبطة وكان عاوز يقتل الملك.
كارل: إنت شخص أناني زيك زي ابنك الحقير.
أه عشان كده بقى إنت طول عمرك بتفضل ثور عليا وبتعامله أحسن مني.
طبعًا ما إنت لازم تعمل كده ما هو ابنك الوحيد وأكيد مش هينفع تعامل الوحش اللي من مملكة الجليد بنفس الطريقة.
كارل فضل يزعق بس فجأة أودين أغمى عليه، وكارل اتخض ونادى على الحراس وهما جم شالوه على أوضة الاسعافات.
ولما كشفوا على أودين لقوا إنه دخل في غيبوبة ومش هيفوق منها دلوقتي.
كارل شاف أمه واللي هي في الحقيقة مش أمه وبدأ يعاتبها، والملكة بدأت تبررله وتقوله إن هي بتحبه بجد.
بس كارل مقتنعش بكلامها وكان باين عليه إنه مش ناوي على خير.
على كوكب الأرض…
جين خدت ثور ووديته مطعم نضيف وبدأت تعرفه على كوكب الأرض، وثور وهو في المطعم أكل حوالي أربع فرخات وكان لسه جعان، وجين والعم ماكس كانوا مستغربين من إن إنسان قدر ياكل الكمية دي كلها.
ثور كان مبسوط جدًا بالأكل وكان كل شوية يطلب تاني لحد ما أخيرًا ظهر قدامه على التلفزيون خبر المطرقة.
ثور اتنفض من مكانه بسرعة وهو فرحان إنه أخيرًا عرف مكان المطرقة بتاعته، حس إن روحه رجعتله من جديد وبدأ يسأل على مكانها زي المجنون.
وجين لما شافت لهفته على المطرقة اتأكدت إنه مش مجنون وإن أكيد المطرقة دي وراها سر.
ثور بدأ يتمشى في الشارع وكان بيدور على حصان يركبه، وكان مستغرب العربيات اللي شايفها بتتحرك قدامه عشان عمره ما شاف حاجة زيها في عالمهم.
جين مشيت وراه وسألته: إنت بتدور على إيه؟
ثور: على حصان عشان أوصل لمكان المطرقة.
جين بعد ما ضحكت: تعالى يا ثور أنا هوصلك بس اوعدني لما نرجع هتعرفني كل حاجة عن العالم بتاعك.
ثور: بس كده؟ اوعدك لو وصلتيني هقولك على كل حاجة.
جين فرحت وراحت جابت العربية بتاعتها وخدت ثور ومشيوا على مكان المطرقة.
في نفس الوقت على مملكة أزغارد….
فريق الثيران السوداء حس بالخوف على ثور وكانوا عايزين يوصلوله بأي طريقة، وبعد كلام بينهم كتير قرروا إنهم يروحوا لملك أزغارد ويستسمحوه ويطلبوا منه إنه يرجع ثور ويعفو عنه.
الفريق دخل على قاعة العرش واتصدموا أكبر صدمة في حياتهم، لما ملاقوش الملك أودين موجود، وكان كارل قاعد على العرش مكانه.
فريق الثيران السوداء استغرب وسألوا كارل: إنت بتعمل إيه على العرش وفين الملك.
كارل: الملك واخد أجازة وبيريح شوية ومش عايز حد يزعجه، ومبقاش في حد يتولى أمور العرش غيري.
وبصلهم بابتسامة خبيثة وقال: في عندكوا مانع ولا حاجة.
واحد من فريق الثيران السوداء كان هيخرج عن شعوره، لإن كلهم عارفين إن كارل ميستحقش العرش وإنه شخص مش كويس وغيور وحقود.
كارل كان متابع تعابير وشهم وعارف إنهم متضايقين، فحب يضايقهم أكتر وقال: هو مش إنتوا المفروض واقفين قدام الملك!
واحد من فريق الثيران السوداء: تقصد إيه بكلامك؟
كارل بخبث: يعني تركعوا وإنتوا واقفين قدامي.
واحد من الفريق كان هينقض عليه يضربه بس القائدة وقفته ونفذت رغبات كارل.
على كوكب الأرض…
جين وثور راحوا لمكان المطرقة، وكانت جين لسه هتحط خطة عشان يخشوا بيها عند المطرقة من غير ما حد ياخد باله بس اتفاجأت إن ثور بيتعامل بهمجية وسابها ومشي وراح ناحية حراس مبنى المطرقة.
الحراس اتفاجئوا بثور داخل عليهم فحاولوا يوقفوه، بس طبعًا قوة ثور كانت أكبر من قوة البشر فقدر يخلص عليهم كلهم في ثواني.
واللي كان قاعد على كاميرات المبنى لاحظ ثور وهو داخل فاتصل على القائد وحذره من وجود دخيل.
الإنذار ضرب في المبنى كله والجنود بدأوا يظهروا من كل مكان زي النمل، بس ده طبعًا ده مأثرش على ثور خالص وكان بيتخلص من أي حد يشوفه.
ثور مشي ناحية المطرقة بكل ثقه ومكنش فيه أي حد همه، وقائد المبنى لاحظ إن ثور قوي جدًا ومفيش حد يقدر عليه، فرن على القناص وأمره إنه يروح فوق المبنى ويستنى لما ثور يوصل للمطرقة.
وفعلًا القناص طلع فوق السطح واستنى ظهور الدخيل عشان يقتله.
يتبع….
لمشاهدة الجزء الثالث من القصة “اضغط هنا“.
لمشاهدة الجزء الأول من القصة “اضغط هنا“.
