في اللحظه دي على كوكب الأرض…
جين كانت واقفه كالعادة في مكان العاصفة اللي كانت عارفة إن هي عبارة عن بوابة لعوالم تانية.
أحببتها أثناء انتقامي (الجزء الثالث والعشرون) للكاتبة عليا حمدي
المحامي العبقري (الجزء الاول)
عيناي لا ترى الضوء (الجزء السادس) _للكاتبة هدير محمد
ولما شافت العاصفه بدأت تشتد والألوان الغريبة ظهرت إني عرفت إن في عملية نقل بتحصل دلوقتى.
ركبت العربية ومن حسن حظها إن كان معاها عمها ماكس وده خلاها تتشجع أكثر إن هي تروح ناحية العاصفة.
وجريت بأقصى سرعتها بالعربية لحد ما وصلت لمركز الإعصار واتفاجأت إن هي خبطت شخص، والشخص ده مغمى عليه.
جين نزلت من العربية وهي مخضوضة وجريت على ثور.
وطبعًا مكانتش عارفة إن هو من عالم تاني وكانت فاكراه شخص واقف في المكان ده وهي خبطته بالصدفة.
العم ماكس نزل معاها عشان يتطمن على ثور، وفضلوا يفوقوا فيه هما الإتنين.
جين قالت وهي مرعوبة: يا رب إيه المصايب اللي بتتحدف عليا دي وإيه الواد القمور اللي أنا خبطته ده وليه هو قالع بالطريقة دي في الشارع؟؟
العم ماكس جاب هدوم من العربية ولبسها لثور وهو مغمى عليه، وبعد كده شاله وحطه جوه العربية وبعد عن مركز الإعصار اللي كانوا فيه.
جين: طب إيه يا عم ماكس هنعمل إيه في الواد الحليوة اللي ورا ده، أنا عندي فكره ممكن تجوزهوني.
العم ماكس: بس يا بت بطلي عبط، أنا بس عايز أعرف هو كان بيعمل إيه في مركز الإعصار.
جين: صدقني يا عم ماكس أنا حاسة إن الإعصار ده مش مجرد إعصار عادي وإن هو بوابة لعوالم تانيه.
العم ماكس: يا بنتي هو إنت مش هتبطلي التخاريف والعبط اللي بتقوليه ده؟
جين: ما تقولش تخاريف بس، وصدقني هثبتلك مع الوقت إن كلامي صح.
قطع كلامهم ثور وهو بيخبط في سقف العربية بعد ما قام مخضوض.
ثور: اااااه مين اللي حاطط الحديدة دي هنا.
جين بصيتله باستغراب هي والعم ماكس وقالوا في نفس واحد: إنت كويس.
ثور مردش عليهم، وفجأة نط من العربية وهي بتجري وكان الموضوع بالنسباله عادي، وبص في السماء وقال: أرجوك يا بابا تسامحني، العقاب ده كبير عليا وأنا معملتش ذنب كبير للدرجة دي عشان تعمل فيا كده.
جين والعم ماكس وقفوا وهما مصدومين من اللي ثور عمله وافتكروه مجنون لإنه نط من العربية بطريقة غريبة وكان باصص في السما وعمال يكلم نفسه.
العم ماكس نزل من العربية وراح وقف قدام ثور وقاله: إنت بتعمل إيه إنت كويس؟؟
ثور: أنا لازم أرجع أزغارد دلوقتى حالًا، متعرفش وسيلة أروح بيها؟
العم ماكس: يبنى إنت مجنون؟
أزغارد إيه ووسيلة إيه؟
ثور: إيه مفيش بوابات هنا؟
العم ماكس اتأكد ساعتها إن ثور مجنون وسابه ومشى.
جين بعد العم ماكس ركب العربية: إنت بتعمل إيه هتسيبه كدا؟
العم ماكس: أه ده طلع مجنون وعمال يقول بوابة وكلام اهبل من اللي إنتي بتقوليه.
جين بصت للعم ماكس وهي مصدومة، وحست إن أخيرًا حلمها هيتحقق وكلامها طلع صح، ونزلت جريت بسرعة ناحية ثور وقالتله: إنت بتدور على إيه؟
ثور: بدور على مطرقة الرعد، وعايز أبويا يعفو عني ويرجعني المملكة.
جين حست هي كمان إن ثور مجنون لإن مخها مقدرش يستوعب كل الحاجات دي مرة واحدة.
جين بعد ما فكرت شوية قالت: طب هتفق معاك اتفاق، أنا هساعدك إنك تلاقي المطرقة بتاعتك وإنت هتحكيلي قصتك وتقولي إنت جيت منين وتجاوبني على أي سؤال اسألهولك.
ثور: موافق.
وفعلًا ثور ركب العربية وجين خدته بيتها.
جين أول ما روحت البيت بدأت تدور على لبس مناسب لثور بس المشكلة إن ثور كان حجمه كبير وعضلاته بارزة ومكنتش لاقية أي حاجة على مقاسه فنزلت اشتريتله هدوم ورجعت.
