غالية مكنتش مبسوطة وفضلت باصة عليهم وهما بيدوا الفطير والعصير بتاعهم للراجل اللي هدومه متقطعة وقاعد على الأرض بعيد عن العربيات والناس.
الراجل هز راسه ليهم وضحك.
أحببتها أثناء انتقامي (الجزء الحادي عشر) للكاتبة عليا حمدي
احببتها اثناء انتقامي (الجزء 41)
أحببتها أثناء انتقامي (الجزء الثاني عشر) للكاتبة عليا حمدي
غالية قالت وهي بتتريق عليهم: يا سلام إنتوا اديتوه الفطير وكمان العصير، يعني ياكل وبعدها يشرب حاجة مسكرة.
نسمة ردت عليها وهي بتحذرها: حافظي على كلامك يا غالية عشان هو بيفهم رغم إنه يبان مش فاهم.
غالية باستهزاء: على كده إنت بتفهم يا حاج!!
الرجل حرك حواجبه وهز راسه وهو مبتسم ابتسامة مش مفهومة، والتلت بنات فضلوا يضحكوا، وكريمة قالتله وهي بتهزر: إنت هتعاكسنا ولا إيه يا حاج ده أنا قلت إنك غلبان.
الراجل رد عليها وهو مبتسم: أنا حلو واسمي حلو وابني كمان هسميه حلو.
غالية سألته: مين فينا اللي هتجوز الأول يا عمو أنا ولا كريمة ولا نسمة.
الراجل حرك شفايفه بطريقة كلها هزار وقعد يبصلهم وفضل يضحك وبعد كده قال: هتتجوزوا إنتوا التلاته.
غالية صرخت في وشه وهي بتقول: هو ده اللي قدرت تقوله طب حتى أعمل بالأكل اللي خدته وقولنا حاجة تريح قلبنا مش إنت من الناس المبروكة بردوا!!
خبطتها نسمة عشان تسكتها ومتحرجش الراجل، بس هي ما اهتمتش بيها، وفجأة الراجل جاوب عليها والأكل في بقه: واحدة فيكوا هتتجوز غفير والتانية أمير والتالته وزير.
ضحكوا التلاتة مرة واحدة ولفتله كريمة وهي بتتريق: وزير وأمير ليه هو إحنا في قصة من بتاعت التلفزيون ولا إيه!!
هز راسه وقالها: أنا بتكلم عن الحقيقة اللي هتحصل.
رفعت غالية إديها وهي بتهزر وقالتله: أكيد أنا اللي هتجوز الأمير صح؟
هز راسه وهو بينفي كلامها وقالها: إنتي هتتجوزي الغفير وشاور على نسمة وقال وهي هتتجوز الأمير.
غالية استخفت بكلامه وقالتله: طب كنت أصدقك لو قلت إن كريمة هي اللي هتتجوز الأمير بس نسمة إزاي!
وبعدها حست إن الراجل الغلبان أحرجها بكلامه وقالت للبنات يلا نروح اتأخرنا، وإحنا أكيد مش هنصدقه.
نسمة ضحكت عشان تداري الحرج اللي حست بيه من كلام غالية وقالتلها: خلاص يا غالية هو الكلام بجد يعني!
كريمة وهي بتضحك: هو بصراحة ضحكني لما قال وزير شكله عارف قيمتي.
الراجل قال كلام في سره وبعدها بص على البنات وهما ماشيين وقال هي هتتجوز أمير وإنتي هتتجوزي غفير.
بعد ما نسمة رجعت بيتها دخلت الأول شقة باباها عشان تتطمن على أخواتها ومرات أبوها اللي بدأت تحكيلها عن جوزها اللي ضربها عشان كانت بتدافع عن بنتها وورتها العلامة اللي على جسمها.
سمية: شفتي يا نسمة شفتي اللي في جسمي ده، أنا بدعي ربنا يهدي أبوكي، ويفهم إن أنا خلاص كبرت ومبقيتش قادرة استحمل… خلصت كلامها ده وإنهارت من العياط.
طبطبت نسمة على كتفها وحاولت تهون عليها شوية وهي بتقول: معلش يا طنط سمية ربنا يجعلك مخرج، وأبويا ده ربنا يهديه.
سمية: أبوكي مش بيتغير يا نسمة، بقاله زمن الزمن على الحال ده، تفتكري بقى هيتغير بعد العمر ده كله.
نسمة سكتت ومكنتش قادرة تجادلها عشان عارفة إن معاها حق في كل الكلام اللي قالته.
كملت سمية كلامها وقالت: كويس إن أمك ربنا رحمها من زمان قبل ما تشوف العذاب ده.
نسمة بلعت ريقها لما مرات أبوها سمية فكرتها بالعقدة اللي في حياتها، وقالت وهي بتديها الفلوس: خدي أدي صفية فلوس الدرس وإنتي شيلي الباقي بعيد عن أبويا.
رفضت سمية إنها تاخد منها الفلوس وقالتلها: لا مش هاخد منك حاجة، ده يبقى حرام عليا.
عارضتها نسمع وقالتلها: هتاخديهم يعني هتاخذيهم.
نسمة بعد ما خرجت من شقة أبوها واديت سمية الفلوس اللي كانت محتاجها هي وبنتها طلعت شقة جدتها في الدور العالي.
وأول ما قربت من الباب لقيت أبوها واقف قدامه وساند عليه وهو ماسك السجارة بإيده وقالها: أهلًا يا هانم أخيرًا عرفتي إن ليكي بيت والمفروض ترجعي.
وبعدها بص على الكيس اللي فيه الفستان الجديد والحاجات اللي اشترتها نسمة مع صحابها وقالها: يا ترى فاضل فلوس من المرتب ولا صرفتيه كله يا بنت فاتن.
يتبع…..
لمشاهدة الجزء الثالث من القصة “اضغط هنا“.
لمشاهدة الجزء الأول من القصة “اضغط هنا“.
