اتخضيت واللي خلاني اتخض أكتر أني لقيت ثعبان على المخدة عمال يتحرك.
استغربت وما كنتش فاهمة إزاي الثعبان ظهر والعريس لسه موجود.
نعيمي وجحيمها (الجزء الثالث) للكاتبة أمل نصر
ليلة العمر الذهبية (الجزء 11) للكاتبة حنان حسن
نبض قلبي لأجلك لولا نور (الجزء الأول)
بتفاجئ أن الثعبان ده بيتحول لإنسان وبلاقيه قاعد وباصصلي ببتسامة مرعبة.
اتخضيت وجسمي كله بدأ يترعش وما كنتش قادرة انطق بكلمة، وبدأت ارجع لورا وسندت ضهري على الحيطة.
الشخص الغريب: إزيك يا داليا عاملة أيه.
ما كنتش قادرة انطق بأي حرف ولا أي كلمة ولساني كان واقف، ولقيت الشخص بيقرب مني ببطء والرعب عمال يزيد في قلبي.
بدأت احرك لساني بالعافية وسألته: أنت مين؟
الشخص الغريب: أنا الوسيط.
ما فهمتش يعني أيه اللي بيقوله بس سألته: هو أنت اللي قتلت العريس.
ابتسم الوسيط وقالي: أولا العريس مش ميت وبردوا العرسان اللي فاتوا ما فيش ولا واحد فيهم مات.
ولو ما سمعتيش كلامي العرسان هيموتوا كلهم وأنتي هتبقي السبب في موتهم وكل أصابع الاتهام هتتوجه عليكي أنتي وأختك وصاحبتك.
ما كنتش فاهمة كلامه وسألته: أيه علاقتي بموت العرسان وأنت عايز مني أيه بالظبط.
ضحك الوسيط وقال: بصي أنا هطلب منك كام طلب لو ما نفذتهمش أنا هقتل العرسان اللي عندي كلهم وهتلبسي أنتي وأختك وصاحبتك وحبل المشنقة هيتلف حوالين رقبتكم.
وأصابع الاتهام كلها هتتوجه ناحيتك؛ لأن كلهم ماتوا في الشقة بتاعتك وأنا معايا كل دليل يدينك ويوديكي في داهية.
فأحسنلك اسمعي كلامي ونفذي طلباتي بالحرف.
كنت مرعوبة جدًا واضطريت اشوف هو عايز أيه وانفذهوله.
لأن فعلًا ممكن يتقبض عليا واتعدم.
سألته: طب قولي أنت عايز أيه وأنا هنفذهولك.
الوسيط: قبل ما أقولك أنا عايز أيه هفهمك القصة كاملة من أولها.
بدأ الوسيط يحكي قصته الغريبة وقال: الموضوع بدأ لما أبو الدكتور هاني اتجوز على أم هاني واحدة تانية واللي هي صافيناز البنت الجميلة الوسيمة اللي جسمها رشيق وعودها مرسوم ومتكاملة الجمال زي ما أنتي شوفتي.
أم هاني طبعًا غارت جدًا واتضايقت وحاولت تطلقهم بأي طريقة لكن ما عرفتش.
فضلت نار الغيرة تلعب في قلبها لحد ما قررت تشتري الجمال والصحة والأنوثة بالفلوس زي ما كانت بتشتري كل حاجة بالفلوس وزي ما اشترت جوزها ابو هاني قبل كده بالفلوس.
فضلت تحاول كتير وتعمل عمليات تجميل وتجيب أكل صحي ووصفات بس بردوا ما نفعتش في الأخر.
عدى فترة كبيرة وحاولت تنسى جوازة جوزها من صافيناز اللي سيطرت على عقله وخدته منها تمامًا.
لكن بردوا ما قدرتش تتحمل ونار الغيرة فضلت تلعب جواها وقررت أن هي لازم تفوز على صافيناز وترجع جوزها ليها.
أم هاني قررت تلجأ للسحر وترجع شبابها بالطريقة المحرمة.
