شيماء اقترحت علينا أننا نروح نبات في أي شاليه على البحر ونقعد فيه كام يوم لحد ما نلاقي حاجة تقضي الغرض.
فعلًا وقفنا تاكسي وقولناله يودينا على اقرب شاليه ويكون حاجة رخيصة.
نعيمي وجحيمها (الجزء العاشر) للكاتبة أمل نصر
احببتها اثناس انتقامى (الجزء 36)
أحببتها أثناء انتقامي (الجزء الثالث والعشرون) للكاتبة عليا حمدي
الراجل السواق بصلنا بصة غريبة وفيها سنة استحقار.
وقال وهو بيلقح بالكلام: بنات سرير يعني.
اتصدمت من اللي قاله وما كنتش عارفة أرد أو اعمل أيه، وكنا قاعدين أنا وشيماء وهند متضايقين جدًا من اللي قاله، وكنا عماليين نلوم شيماء على اللي عملته واللي قالته للراجل.
فضلنا نتخانق شوية ونزعق لبعض والراجل السواق سمعنا.
الراجل السواق بدأ يتدخل في الكلام وهو عارف إن أحنا محتاجين مكان نبات فيه وإن أحنا مش بنات سرير ولا حاجة.
السواق: خلاص اهدوا يا حلوين ما تتخانقوش عرفت إن أنتم بنات محترمين.
داليا: وأنت مالك بتتدخل ليه يا حشري أنت ما حدش طلب رأيك.
السواق: خلاص يا عروسة قولنا ما تزقيش أنا بس كنت فاهم غلط الأول.
داليا: ماشي خليك في حالك بقى.
السواق: براحتكم بس أنا كان عندي مكان مناسب أوي ليكوا وإيجاره هادي عليكوا.
شيماء فرحت وقالتلنا نسمعه لعلنا نستفاد منه بأي حاجة واللي يجي منه أحسن منه.
شيماء سألت الراجل: حضرتك اسمك أيه؟
السواق: اسمى محمد يا عروسة وتحت أمرك في أي حاجة تعوزيها.
بدأت شيماء تتكلم مع محمد ومحمد اقترح علينا في الأخر اقتراح كويس جدًا.
محمد: في شقة كويسة ومفروشة وسعرها حلو انصحكم بيها.
شيماء: كويس فين الشقة دي؟
محمد: بصوا يا حلوين ما تفهمونيش غلط والله بس أنا عايز أساعدكم فعلًا.
الشقة دي بتاعت أمي.
استغربنا وكنا فاكرينه بيستغلنا بس قعد يبرر لنا وقال تعالوا شوفوا لو ما عجبكوش الموضوع امشوا.
فعلًا رحنا معاه وقابلنا والدته ووريتنا الشقة وعجبتنا وكانت إيجارها رخيص كمان وغير أن والدته كانت ست محترمة.
غلطتها الوحيدة بس أن هي جابت محمد.
الحمد لله الحال اتيسر شوية وفضلنا قاعدين في الشقة دي مدة حلوة، وكنا مبسوطين وما فيش أي مشاكل.
بعد فترة للأسف الفلوس بدأت تخلص مننا وكنا مش عارفين نعمل أيه، وبنفكر هنشتغل إزاي ونجيب فلوس منين.
بدأنا ندردش مع بعض ونشوف حل في المشكلة اللي أحنا فيها.
وبعد كده قولنا أن لازم في حد مننا يتجوز علشان يقدر يخلي باله من الباقي ويصرف عليه.
وفعلًا قررنا أن في واحدة فينا لازم تتجوز، وكلهم نصحوني أنا بالجواز علشان أنا الوحيدة اللي معايا بطاقة وكمان شكلي حلو فهيبقى متاح قدامي فرص كتير.
اتكلمنا مع أم محمد في الموضوع وفعلًا فادتنا وقالتلنا على عريس كويس ومتدين بس المشكلة أن أنا هبقى الزوجة التانية، بس هو هيديني مهر وشبكة وهيديني كل حقوقي، وبشرط أني ما اعرفش حد ويكون الموضوع في السر.
لأنه عايز يتجوز عشان مراته مريضة فعايز يبقى الموضوع سر وفي نفس الوقت يبقى بيعصم نفسه من الحرام وبردوا ما يجرحش مراته الأولى.
اضطريت اوافق بسبب الحالة اللي أحنا فيها واتجوزته.
في ليلة الدخلة دخلت أنا والعريس البيت وبعد كده بدأ يغازلني، وأنا دخلت الأوضة علشان أغير هدومي، وأول ما طلعت لقيته مختفي ومحطوط مكانه ثعبان أسود والثعبان الأسود بيتحول لسبيكة الذهب.
حكيت الموضوع لأختي شيماء واستغربت هي كمان واقترحت عليا اتجوز تاني وأشوف الموضوع هيتكرر ولا لا.
