مملكة الجليد كان معروف عنها إنها ضلمة وباردة وأي حد بيدخلها بيخاف ويترعب.
ثور فضل يتمشى هو وفريقه جوه المملكة لحد ما سكان المملكة ظهروا ليهم فجأة ولفوا حواليهم كإنهم كانوا عارفين إنهم جايين ومجهزين ليهم كمين.
عيناي لا ترى الضوء (الجزء الرابع) _للكاتبة هدير محمد
نعيمي وجحيمها (الجزء الخامس) للكاتبة أمل نصر
راكض المتاهة ( الجزء الرابع والأخير)
ثور اتفاجئ هو وفريقه وفضلوا يلفوا حوالين نفسهم وأخدوا وضعية الدفاع عن النفس.
فجأة ظهر ملك الظلام، وثور بص عليه وهو مستغرب شكله المرعب والضخم.
بس ثور كان قلبه جامد ومكانش بيخاف من أي حاجة وكانت شخصيته قوية.
ملك الظلام: إيه اللي خلاك تتجرأ وتخش أراضي مملكة الجليد يا ابن أودين.
ثور: داخل عشان أديلك درس في الأخلاق أعلمك أن دخول مملكة أزغارد مش بالساهل ولازم تتعاقب.
ملك الظلام: إنت جايب العجرفة والثقة دي كلها منين، ده حتى أبوك كان شخص حكيم وبينقي كلامه.
ثور: أنا مش شبه حد ومش همشي بنفس نظام حكم أبويا، لإن نظامه بيخلي أمثالك يعدوا حدودهم وينسوا نفسهم.
بس السبب الرئيسي اللي مخليني جاي لحد هنا هو إني عايز أعرف مين اللي ساعدك عشان تخش أراضي أزغارد؟
أزغارد مش سهل أي حد يخشها وإنت عارف كده كويس وأكيد في حد ساعدك من جوه أراضي المملكة.
ملك الظلام: كويس الملك الجديد طلع بيفهم ودماغه كويسة.
أحب أقولك إن اراضي أزغارد مليانة بالخونة.
ثور اتعصب وقال: ماسمحلكش تهين أراضي المملكة وهقطعلك لسانك اللي إنت هنت بيه مملكتنا دلوقتي حالًا.
ثور استدعى المطرقة، وكان بيستدعيها عن طريق إنه يرفع إيده في السماء والمطرقة بتنجذب لاإده كإنها مغناطيس.
ثور أول ما استدعى المطرقة الجنود الجليديين لفوا حواليه وحاصروه هو وفريق الثيرين السوداء.
ملك الظلام: متتهورش يا ابن أودين عشان جلالة الملك ميزعلش عليك بدري وخد شوية العيال اللي معاك دول وروح لأبوك.
وأهرب ما دام أنا سمحتلك بكده عشان متندمش، إنت لسه عيل صغير ومتفهمش حاجة عن الحرب وجاي هنا دلوقتي عشان تثبت إنك راجل بس للأسف إنت لسه محتاج تتعلم حاجات كتير.
امشي يا ثور أحسنلك ولو إنت مش خايف على نفسك خاف على فريقك اللي هيموت من الرعب ده.
كارل همس في ودن ثور وقال: ملك الظلام عنده حق يلا نمشي من هنا عشان عددهم أكبر مننا ومش هنقدر نعمل معاهم حاجة.
وبعدها كارل قال لملك الظلام: سامحنا على دخولنا مملكتك من غير إذن، وبنتأسف على إزعاجك وهنمشي دلوقتي حالًا.
ثور كان متضايق بس حاسس إن كلام أخوه صح وإنه مينفعش يبقى أناني وينفذ رغباته على حساب فريقه اللى ملوش ذنب فى إي حاجة.
وأخيرًا اقتنع ولف وشه وخلاص قرر إنه هيرجع المملكة.
ملك الظلام حاول يستفزه وهو بيقول: أيوه كده يا حبيب أمك اسمع الكلام وروح لبابا الملك عشان يواسيك شوية.
ملك الظلام كان عارف إنه هيستفز ثور بالطريقة دي لإنه كان عايز يبدأ هو الحرب معاه، وساعتها ملك الظلام هيتحرك براحته وممكن بسبب الخطوة دي يقضي على مملكة أزغارد كلها.
لإنه هيبقى قضى على ملكها وساعتها مفيش حد هيحميها.
واحد من فريق الثيرين السوداء: ثور اتماسك وسيبك من اللي بيقوله إنت عارف إن هو بيستفزك.
ثور ابتسم ولف وشه وضرب ملك الظلام بأقصى قوته بالمطرقة اللي كانت معاه.
ملك الظلام طار بعيد جدًا بسبب قوة ضربة ثور.
والجنود الجليديين بدأوا يهاجموا ثور وفريقه، وثور حس إن حلمه اتحقق وبدأ يقتل الجنود الجليديين اللي كان طول عمره بيكرهم.
ملك الظلام فضل واقف مكانه وهو بيتابع المعركة اللي حصلت بين ثور وفريقه والجنود الجليديين، وكان عمال يبعت جنود من كل مكان بس ثور كان قوي جدًا وقدر يموت كل الجنود دول بمطرقته الرعدية الخارقة اللي كانت بتساعد ثور عشان يطير.
ملك الظلام مكانش لاقي أي حل عشان يقضي على ثور وفريقه غير إنه يطلع حارس مملكة الجليد الخارق.
حارس مملكة الجليد كان عبارة عن وحش حجمه كبير جدًا ومكانش فيه أي قوة تقدر تقف قصاده.
ملك الظلام بدأ يصرخ بصوت غريب، وصوته ده وصل لكهف معين وكسر الجليد اللي كان الوحش جواه، والوحش صحي من النوم وفتح عينيه وجري ناحية ثور وفريقه.
ثور كان مبسوط جدًا وعمال يقتل في الجنود الجليدين ومكانش همه أي حد.
وفجأة ظهر قدامه حارس مملكة الجليد واتصدم لما شافه.
فريق الثيران السوداء فضل يتحايل على ثور إنه ينادي على حارس البوابة عشان يخرجهم من المملكة دي قبل ما يموتوا.
بس ثور مرضيش وقرر يرضي رغباته ويثبت لنفسه إنه أقوى من حارس مملكة الجليد ووقف قدامه بالمطرقة بكل شجاعة.
ثور رفع مطرقته في الهوا وطار بيها بأقصى سرعته وطلع منها رعد ورماه ناحية الوحش، بس حارس المملكة الجليدية جري ناحيته بسرعة كبيرة والإتنين اتخبطوا في بعض وحصل انفجار كبير.
يتبع….
لمشاهدة الجزء الثاني من القصة “اضغط هنا“.
