نهاد: خلاص خلصت العشا يا حبيبي تعالا.
خليل : الله على الروائح الجميلة شكلك عاملة حاجات حلوة أوي وخد خليل نهاد في حضنه وراح للسفره عشان العشاء.
ليلة العمر الذهبية (الجزء7)
ليلة العمر الذهبية (الجزء 12) للكاتبة حنان حسن
الفصل الثاني( الأفعى والعقرب)
خليل : قبل ما أنسى يا حبيبتي صح أنا عايز اقولك على حاجه الأسبوع الجاي رايح إسكندريه في رحلة عمل يمكن أتأخر عليكم شوية.
نهاد: ربنا يقويك يا حبيبي بس هتتأخر يعني هتقعد قد إيه!! أنا ما بعرفش أعيش من غيرك.
خليل : معرفش والله بس الشركه هتفتح فرع جديد في إسكندرية ويمكن الموضوع ده ياخذ ليه أسبوعين أو أكتر حسب الظروف… بس أنا هبقى معاكم دايما على التليفون واتابعكم وأعرفكم إمتى أنا هرجع من السفر.
نهاد: ياه أسبوعين أو أكتر، كتير ده عليا يا خليل أنا ما أقدرش اتحمل كل الوقت ده.
خليل: معلش بقى ظروف الشغل كده هعمل إيه، وبعدين أنا بشقى وبتعب ده كله عشان مين مش عشانكم!؟ عشان أوفر لكم حياة جميلة وأجيب لكم كل إلي نفسكم فيه وكمان نشتري الشقه الحلوه إللي نفسنا فيها.
نهاد: بنبرة حزن لكن أمجد معاه مسابقة الأسبوع الجاي وكان حابب أنك تكون حاضر فيها وتشجعه هيزعل كتير.
خليل : معلش الظروف جت كده أنت موجوده معاهم وربنا يخليكي ليهم دايما وتشجعيهم وتقويهم، ربنا يخليك لينا يا نهاد أنا مش عارف من غيرك كنت عملت إيه في الحياة أنت اللي بتهوني عليا كل حاجة وحشة في الدنيا .
نهاد : بس أنت لو كنت سمعت كلامي ما بعتش الشقه القديمة كانت كويسة مكناش أحتجنا لكل الزنقة دي عشان خاطر نجمع فلوس شقة جديدة.
خليل: كانت ضيقة جدا وكمان المنطقة كانت مش حلوة ومش حيوية وبعيدة عن الشركة كان لازم نبعها عشان نشتري مكان أفضل.. وأهو إللي حصل بقى هنعمل إيه.
نهاد : قدر الله وما شاء فعل خلاص خلاص يلا نتعشى سوا وسيبنا من المواضيع دي كلها.
خليل: أنا آسف يا حبيبتي أنا عارف إني مقصر معاكي ومع الأولاد بس هي فترة وتعدي إن شاء الله وأعوضكم وإن شاء الله الجاي جميل وأهم حاجه اننا بخير ومع بعض دايما.
نهاد: ربنا يخليك لينا يا حبيبي ويقويك ويعينك أنا عارفه انك بتعمل كل ده عشانا ومقدرة ده والله، بس الأولاد ابتدوا يتضايقوا من غيابك المستمر.
خليل : وأنا بعمل كل ده عشان مين مش عشانهم! عشان يعيشوا في أفضل مكان ويتمتعوا بكل اللي عايزينه وبعدين دورك تعرفيهم ده.
نهاد : ربنا العالم يا حبيبي إن أنا دايما بقول لهم الكلام ده، بس من وراهم أنا بحس نفسي إللي هم بيحسوا بيه إن إحنا محتاجين لك أكتر من الفلوس.
خليل: كفاية بقى كلام في الموضوع ده أخد أكبر من حجمه، خلينا إحنا مع بعض في الليلة الهادية والأولاد نايمين نعيش لحظات حلوة.
نهاد: ما تزعلش يا حبيبي بس إحنا كلنا بنحبك والله ما نقدرش نعيش من غيرك أنا والأولاد.
خليل: الحمد لله أنا خلصت أنا رايح الأوضة هستناكي ماشي البسي حاجه حلوة وتعالى .
نهاد : بصت لخليل بصة كسوف و ابتسامة فرح وكأنها عايزة تحضنه وراحت غرفتها وتزينت عشان تقضي ليلة رومانسية مع خليل.
وعاشت نهاد ليلى مع خليل كباقي الليالي الرومانسيه اللي فاتت وكانت بتعبر عن حبهم الكبير لبعض ومتخيلتش إن في كارثه كان بيدبر ليها الزمن عشان تهد الحب الكبير ده.
واستمرت الحياة بين نهاد وخليل على على النغمة الجميلة دي لحد ما جه ميعاد سفر خليل للإسكندرية في رحلته اللي زعم إنها للعمل … وودعته نهاد والأولاد بكل حب واتمنوا ليه التوفيق في العمل وإنه يرجع ليهم سالم ……
يتبع ……….
لمشاهدة الجزء الثاني من القصة “اضغط هنا“.
