رام الله كانت متفقه مع نديم ان هي تتجوزه عشان تجدد الاقامه بتاعتها في مصر وفعلا نديم موافق وعمل كده.
بعد ما اتجوزوا المأذون مشي نديم كان قاعد متوتر مش عارف يعمل ايه.
أحببتها أثناء انتقامي (الجزء السادس) للكاتبة عليا حمدي
احببتها اثناء انتقامي( الجزء34)
رواية لأنني عرجاء
رام الله قربت منه وقالت له متشكره ليك جدا على الموقف اللي انت عملته ده يا نديم انا عمري ما هنسهولك .
نديم قال لها عادي دي اقل حاجه اعملها.
بعد شويه نديم قاعد عمال يحرك نفسه ووتر رام الله.
رام الله بتقول له مالك في ايه ؟
قال لها مزنوق عايز اخش الحمام
قالت له طب ما تخش الحمام هو موجود في اخر الطرقه اهو .
قال لها انا ما بخشش حمام غير حمام بيتي وحمام مكتبه عم جميل.
فقالت طب يلا نروح بيتك وفعلا راحت البيت هي ونديم ونديم دخل جري على الحمام.
رام الله عادي تتفرج على شقه نديم وكانت منبهره بيها وبنضافتها.
فكرته زي اي شاب لما بيقعد لوحده الشقه بتاعته بتبقى معفنه.
لكن الموضوع حصل بالعكس وشقه نديم كانت في قمه النظافه عشان نديم شخص منظم.
وهي بتقلب في الفاظات في فاظه وقعت اتكسرت.
نديم خرج من الحمام على صوتها.
وكان متضايق جدا لان الفازه دي من ضمن حاجات والدته.
رام الله تاسفت له وقالت له ما تقلقش هجيب لك واحده جديده.
قال لها انا مش عايز جديده انا كنت عايز دي زي ما هي.
رام الله قعدت تتاسف له وبعد كده نديم دخل اوضته وقعد لوحده.
رام الله اتضايقت وقعدت تحاول تواسيه من بره الباب وقالت له انا اسفه والله ما كانش قصدي اكسرها لك.
ممكن تساعدني في موضوع ثاني؟
قال لها قولي عايزه ايه؟
قالت له انا مش هقدر اجي المكتب بكره.
قال لها لا لازم تيجي علشان استاذه اماني ما تفكرش ان متساهل معاكم.
قالت له بس انا لازم اجدد اقامتي ومش هعرف اجي.
قال لها لا لازم تيجي.
قالت له طب انا عندي فكره حلوه!
نديم فتح الباب وقال لها خطه يعني وغمز بعينيه .
راحت رام الله غمزه هي كمان وقالت له خطه.
ثاني يوم الصبح يا نديم راح المكتب والكل كان موجود ما عدا رام الله.
رام الله دخلت عليهم فجاه .
نديم قال لها اتاخرت ليه ؟
قالت له انا اسفه.
قال لها لا ما فيش اسف دي قله ادب اتفضلي وما تجيش لحد اما استاذه اماني تيجي.
وطلع وقفل الباب في وشها كل اللي في المكتب مستغربين ان هو عمل كده مع رام الله؟
ولكن في الحقيقه دي كانت خطه بيني وبينه رام الله عشان تمشي وتروح تعمل الاقامه بتاعتها.
نديم دخل المكتب وقال لهم حد قرأ القضيه الجديده؟
ندى قالت له انا.
سال هل في حد تاني ما قراهاش؟
كل اللي في المكتب رفعوا ايديهم.
نديم اضايق وقال لهم ما يصحش كده احنا مش جايين نلعب هنا.
خالد استسمحوا قال له معلش طيب خليهم يقراوا ساعه القضيه وبعد كده نرجع نكمل تاني.
نديم وافق وقام اداهم بريك.
بعد شويه راح نديم لعم جميل وقال له انا مش عارف اعمل ايه في مشاكلي دي.
عم جميل بيقول له يا ابني انت طول عمرك مش عارف تعمل ايه في مشاكلك ما انا دايما اللي بحلها لك.
وبعدين تعالى هنا انت ازاي تتجوز من غير ما تقول لي.
نديم قال له انا متجوز كده وكده.
قال له يا سلام حلوه كده وكده دي ما فيش حاجه اسمها كده وكده يا اما تبقى متجوز يا اما مش متجوز.
قال له لا انا بس بعمل كده عشان اساعد رام الله ان هي تجدد إقامتها.
جميل قال له بقى ايه المشكله الثانيه؟
نديم قال له مش عارف ازاي اتعامل مع اللي في المكتب عندي وانا خايف اخون ثقه الاستاذه اماني.
قال له خلاص لازم تعرفهم انك عندك وشين وش طيب ووش وحش وان هم لو شافوا الوش الوحش مش هيعجبهم.
وفعلا تاني يوم نديم راح المكتب واول ما قعد قال لهم الكلام اللي عم جميل قالهولو .
وقال لهم لازم تعرفوا ان انا حازم.
راح عز المستفز استظرف وقال له طيب يا استاذ حازم عملت ايه في القضيه الجديده.
راحت ميس اماني دخلت عليهم فجاه وكلهم اتخضوا.
