يارا بعد ما ضحكت ضحكه كبيره: يا بنتي افهمي ادم طلع بيحبني فعلا وطلع احسن شخص اقدر اكمل معاه حياتي.
طبعا هتفتكريني مجنونه لكن انا هفهمك ايه ايه اللي حصل.
احببتها اثناء انتقامي (الجزء 41)
ليلة العمر الذهبية (الجزء7)
عيناي لا ترى الضوء (الجزء الحادي عشر) للكاتبة هدير محمد
ادم كان عايزني افكر ان هو بعد عني وخلى اهلي يبعدوا عني.
وكان عايزني افكر ان هم اتخلوا عني كلهم وانا بقيت لوحدي.
بس انا النهارده اكتشفت كل حاجه.
ادم عمل كده علشان اتخطى الصدمه اللي انا كنت فيها وكان عايزني اتخطها لوحدي لان لو كنت شايفه اهلي قدامي او كنت فاكراهم كان عمري ما تخطيت الصدمه وكان زماني فضلت على حالي وكنت هفضل مكتئبه.
وادم بيحبني يا مريم واللي اثبتلي كده انه بيغير عليا حتى لو اتكلمت بس على راجل ثاني قدامه.
واللي يخليه يغير بالطريقه الكبيره دي ده معناه انه بيعشقني مش بيحبني بس.
وادم مش قاسي زي ما كنت فاكره لما من شويه قلت له اني بتوجع وكمان انا ما قلتلوش ده هو حس اني بتوجع فشل ايده وظهر على وشه ملامح اني صعبت عليه.
وهو بيحاول يبان قاسي وقلبه جامد قدامي وهو فعلا كده ومتاكده من كده لكن هو معايا بيحاول يبقى حنين ومش بيحاول هو فعلا بيبقى حنين من تلقاء نفسه.
واللي اثبت لي برده انه مش عايز يؤذيني لما ابعد عني الست شهور وكان فاكر انه بالطريقه دي هيبعد نفسه عني ومش هياذيني.
وعمره ما مد ايده عليا غير مره واحده لما شتمت فيها امه.
مريم باستغراب: يا بنتي جننتيني معاكي يعني انت عايزه ايه في الاخر.
يارا: انا عايز اعيش مع ادم حياه سعيده واكمل معاه بقيه حياتي لاني بحبه ومش هقدر احب غيره ومش هقدر ابطل احبه.
بس مش هينفع ارجع دلوقتي لازم نقفل الحسابات كلها واطلع عينه الاول وبعد كده نشوف هنعمل ايه.
مريم: انا خايفه عليكى انتى داخله لعبه كبيره وما اظنش ان ادم بتاعك ده سهل.
يارا: ما تقلقيش ده انا دكتوره قد الدنيا هو انا مش سهله برضو.
مريم: والله انتم الاتنين مجانين شبه بعض فعلا الطيور على اشكالها تقع.
يارا: بس بقولك ايه رغم ان عنده انفصام ومجنون بس بحبه حب يا اختي ما تقوليش مرايه الحب عاميه.
فضلو هما الاتنين يضحكوا ويهزروا لحد اما قطع عليهم ضحكتهم اتصال من الرقم الغريب اللي كان عمال يرن على يارا في الحفل.
يارا اتضايقت وقالت لمريم: الرقم ده بقاله كتير عمال يرن عليا وانا مش عارفه بتاع مين.
مريم :طب ما تردي يا بنتي ممكن يكون ادم .
يارا: لا ما اظنش ان ادم زنان بالطريقه دي انا هرد وامري لله.
يارا بعد ما ردت على التليفون: السلام عليكم مين معايا؟
الرقم المجهول: اخيرا يا استاذه يارا الادهم رديتي.
يارا باستغراب: مين حضرتك؟
الرقم المجهول: بصي من غير مقدمات انا عارف انك عايزه تطلقي منه وانا هعرف اخلصك منه ها قلتى ايه.
يارا بعد ما اتخضت: انت مين وبتقول كده ليه ومالك بجوزي.
الرقم المجهول بعد اما ضحك ضحكه شريره ومخيفه: جوزك!!!
يا ريت بقى تبعدي عنه الفتره اللي جايه علشان ما يترحموش عليكوا انتوا الاتنين سوا.
وضحك وقفل الخط.
يارا اتخضت وما بقتش عارفه تتلم على نفسها وكانت مرعوبه ومستغربه مين الشخص اللي بيهددها.
خافت جدا وقامت تصلي وفضلت تدعي ربنا وهي ساجده انه يحمي ادم ويهلك اعدائه ويجعل تدبيرهم تدميرهم.
فضلت تدعي لادم وهي ساجده لحد اما نامت في مكانها ونامت وهي خايفه ومرعوبه على جوزها وحب حياتها.
ادم وصل الشركه وراح لقى يوسف هناك مستنيه.
يوسف: ها يا استاذ قررت هتعمل ايه في حوار السفر.
ادم: اه مسافر.
يوسف: طب ليه عايز تسافر الفتره دي مش ورانا شغل.
ادم: بيبو عماله تزن وزعلانه مني وانا لازم انزل اراضيها.
وغير ان حازم لسه نازل القاهره.
يوسف بفرحه: حازم اخيرا صاحبك اللي انا بغير منه واللي شبهك مش في كل حاجه يعني بس شبهك.
طب ويا ترى بقى كلمته في المصايب اللي انت عملتها؟
ادم: ما حكيتلوش بالتفصيل يعني بس اتكلمت معايا شويه.
يوسف بابتسامه: ما حكيتلوش بالتفصيل اه انت هتقولي.
ده انت اكيد حكيتله الموضوع من اوله لاخره بالتفصيل.
طب ويا ترى بقى اداك عقاد نافع.
ادم: خير ان شاء الله.
يوسف: بس والعه يا عم حازم اللي بيشاركك في تمرين الملاكمه واللي بيعرف يغلبك احيانا واللي بيركب معاك الخير واللي شاطر في الرمايه زيك رجع اهو يا عم والعه معاك.
انا مش غيران ولا حاجه مين قالك ان انا غيران ربنا ياخذكم يا حبيب قلبي.
ادم بعد ما ضحك: ايوه فعلا انت مش غيران خالص.
يوسف: بس تعرف رغم انه شبهك في حاجات كتير الا انه بيعرف يهزر مع الناس ويعاكس ده وينكش ده .
اما انت بقى بتخاف تضحك لحسن وشك يشقق.
ادم: بتقول حاجه؟
يوسف: عيب عليك ده انت اخويا كوميديان مصر.
طمني بقى عملت ايه في الصفقه الجديده.
ادم: هشوفها اهو.
يوسف: انت لسه ما شفتهاش؟
الفيلا هتتسلم في خلال سنه زي النهارده لازم تنجز بسرعه وتعمل التصاميم في خلال شهر علشان العمال يبداوا يشتغلوا وانا عارف انك قدها.
