يارا بصراخ: انتوا عمالين تقولوا لي اعملي واعملي واعملي يا ترى انتم عارفين ايه عن حياتي عشان تقولوا لي اعملي وسوي.
طب بصو انا موافقه اعمل اللي انتو تقولو عليه بس بشرط.
المره دي هو مالك كل الاراضي الزراعيه وهم شغالين عنده ….. الدنيا دواره
البطل المُنتظر (الجزء 4 والأخير) للكاتب عمار عبد البديع
أحببتها أثناء انتقامي (الجزء الواحد والعشرون) للكاتبة عليا حمدي
بقولك يا اروى: ايه اكله جوزك المفضله.
اروى باستغراب شديد: انت بتقولي ايه!؟
ادم عصر على ايديه جامد لانو عارف كويس يارا عايزه تقول ايه وهل يا ترى فعلا هتقول الحقيقه والسر اللي بينا.
يارا بتسال اروى تاني: انطقي يا اروى ايه اكله جوزك المفضله؟
اروى: المكرونه بانواعها.
بس ارجوكي ردي عليا ايه لازمه السؤال ده.
يارا بعصبيه شديده: جاوبيني وخلاص ما لكيش دعوه.
يا ترى يا اروى ايه لون جوزك المفضل؟
اروى: الازرق.
يارا: طب مين اللي لبسك الدبله دي في ايدك؟
اروى: يوسف.
يارا: طب ايه برنامج جوزك المفضل ومين المقرئ بتاعه اللي بيحب يسمعه؟
اروى: الشيخ سعد الغامدي.
فضلت يارا تسالها شويه.
وفجاه بتسمع صوت ادم. يارااااااا وكل اللى فى الاوضه اتفزعو.
يارا ما اهتمتش وزعقت لاروى وقالت لها: قولي لي يا اروى يا ترى عرفتى كل الحاجات دي عن جوزك ازاي؟
اروى والتعجب كان خلاص هيخرج من دماغها: يارا انتى بتقولي ايه انا مش فاهمه حاجه ليه بتسالي الاسئله دي؟
وبعدين جوزي يبقى يوسف يعني لازم اعرف عنه الحاجات دي كلها لانو معايا دايما وجنبه بشوف كل الحاجات اللي بحبها واللي بيكرهها وبعرفها بس انت ليه بتسالي الاسئله دي يا يارا!؟
يارا بهدوء: طب جربي تساليني انت الاسئله دي يا اروى.
اروى: انا مش ف…..
يارا بتقاطعها بصرخها ودموعها بتنزل بشده وصوتها اتخنق: اساليني كده اروى اكله جوزي المفضله ايه هقول لك ما اعرفش.
بيحب ايه هقول لك ما اعرفش.
بيكره ايه هقول لك ما اعرفش.
الوان المفضله ما اعرفهاش.
ايه اكل المفضل برده ما اعرفش.
الدبله اللي في ايدي دي انا اللي اخترتها لوحدي وانا اللي نقلتها الايد الشمال لان جوزي اللي قدامكم ده جوزي على الورق بس وعمره ما قرب مني ولا لمسني وبيعاملني كاني جاريه عندو.
جوزي اللي قدامكم ده انا من ساعه ما اتجوزته ما شفتوش غير شهر واحد وفضل ست شهور ولا انا بشوفه ولا هو بيشوفنى فاهمه يعني ايه جوزي يسيبني ست شهور لوحدي.
اقول لك انا يعني ايه يعني انا بالنسبه له مجرد وسيله هم خدوها لاسبابهم جوزي علشان ينتقم من بابايا وبابايا علشان ينفذ وعده كنت مجرد لعبه بيحركوها مكان ما هم عايزين.
ما كانش ليا قيمه عند حد فيهم.
يا ترى تعرفوا ايه انتو عن حياتي؟
حياتي اللي انتم ما تعرفوش عنها اي حاجه وبتقولوا لي اعملي وسوى!
تعرفوا ايه عني عشان تتكلموا عن سعادتي؟
سعاده ايه انا واحده اتسابت يوم فرحها واترمت في البيت زي الكلاب.
عارفين يعني ايه يوم فرحها يعني اليوم الاسعد في حياتها.
جوزها رماها ورا الباب بفستان فرحها وقال لها بكرهك!
انا مجرد واحده عايشه لوحدها بقالها خمس شهور ما فيش حد معبرها كانها واحده منبوذه محدش عايزها!
انا مجرد واحده اتكسرت بدل المره 1000 واتوجعت بدل المره 100 وقلت اصبر لعل وعسى ربنا يصلح حالنا فيما بعد ويجبر بخاطرى.
انا مجرد واحده اتكسرت واتهانت كرامتها وتهانت انوثتها وبقت شبه الورده الدبلانه!
يتبع……
