ادم دخل وشد كرسي وقعد عليه وحط رجل على رجل وساند ظهره وبص لها بصات بارده جدا بس مميته وقال بصوت هادي: نوم العوافي يا حلوه نمت كتير فقلت اصحيك علشان النوم الكتير غلط على الصحه.
يارا بصت لادم بصه استحقار ونزل جدا من نظرها لان هي كانت فاكراه هيجي يعتذر لها عن ظلمه ليها بس طبعا كالعاده عمل تصرف عكس اللي هي كانت فاكراه تماما وعينيها بدات تتملي دموع بس حست ان هي عجزه اصلا عن العياط فسكتت.
قسوة الاب
ليلة العمر الذهبية (الجزء 11) للكاتبة حنان حسن
ليلة العمر الذهبية ( الجزء 2)
ادم بنبره الشديده: ايه يا حلوه لسانك دخل جوه بقك ما تردي على العموم شكلك مهزقه وما بتجيش غير بالعين الحمراء والتهزيق بس عموما سهله غالي والطلب رخيص احنا اوامر.
يارا قاعده متعصبه جدا من ادم وبدات تحس ان هي مش قادره تشوفه ولا طايقاه.
ادم قام من على الكرسي وقرب من يارا ويارا ترعبت جدا وبدات ترجع ورا وادم قرب من وشها وقال لها بصوت في همس ويشبه الرعد وهادي جدا ومرعب في نفس الوقت وده خلى يارا تخاف جدا وصلت لاعلى مراحل الرعب.
ادم: مش ادم الشافعي اللي واحده ست تمد ايده عليه او تزعق في وشه وحوار مد الايد ده وخلصنا منه خدت حق منك ثالث ومثلث اما بقى بالنسبه للرساله اللي ضيعتيها انا هاخدها منك يا اما هاخد عينك قصادها وما ليش دعوه بقى انت ضيعتيها بمزاجك غصب عنك المهم ان انت تجيبيها لي حتى لو تحت الارض واما بالنسبه ليكي وقرب من وشها جامد ومسك خصله من شعرها برقه وبعد كده سحبها بقوه ويارا اتالمت جدا وقال بصوت هادي ومرعب: انا هخليك تكرهي اليوم اللي اتولدت فيه وهخليكي تتمني الموت في كل لحظه انا كنت رحيم معاكي وقلت ابدا معاكي صفحه جديده وابقى شخص كويس لكن باين عليك ما بتجيش يرمي التعزيق وقله القيمه عيني انا هعاملك معامله شيطانيه خمس نجوم اصبري انت بس عليا وزقها وخرج من الاوضه وقبل ما يخرج ويقفل الباب قالها: توضيح بسيط بس على فكره الصوره دي بتاعه امي والطفل اللي فيها ده انا وسابها ومشي.
