ادم بابتسامه: لا انا تمام وزي الفل ما تقلقيش خالص عليا انا عمري ما كنت كويس زي النهارده.
ابتسمت يارا: ربنا يفرح قلبك دايما يا غالي يلا بقى استاذنك عشان اشوف الاكل.
أحببتها أثناء انتقامي (الجزء الأول) للكاتبة عليا حمدي
نعيمي وجحيمها (الجزء العاشر) للكاتبة أمل نصر
احببتها اثناء انتقامي( الجزء 43)
وجريت يارا وكانت ماشيه مشيه اطفال وادم بص لها وهو مبتسم وسعيد.
قبل العصر بقليل.
يارا طلعت اوضتها علشان تجهز وتخلي نفسها حلوه زي ما ادم قالها وترفع راسه قدام الضيوف ولبسه فستان لونه احمر متداخل مع الكحلي وحجاب لونه احمر وكان شكلها جميل جدا ولبسه كوتش ارضي لونه اسود ونزلت تحت علشان تقابل الضيوف لكن الصدمه سيطرت عليها.
يا رب صدمه: بابا ماما وجريت ناحيتهم بسرعه واترمت على ابوها في حضنه ومن شده الدفع ابوها رجع لورا من غير ما يقصد وفضلت متشعلقه فيه وعينيها بدات تنزل الدموع: بابا حبيب قلبي وحشتني قوي قوي قوي.
فضلت كده لمده دقائق تبكي وتعيط في حضن باباها وبعد كده سابته واترمت في حضن امها: سوسو حبيبتي وحشتيني قوي قوي قوي انت كمان.
ومن كتر ما يارا كانت محتضنه امها جامد امها قالت لها: يا بنتي بالراحه هتكسري ضلوعي.
يارا ب فرحه ودموع نازله على وشها: مش مهم بس المهم ان انا مرميه في حضنك دلوقتي يا اغلى ام في الدنيا انا مبسوطه قوي اني شفتك.
ضحكت سميه وحضنت بنتها جامد هي كمان.
وفجاه بتسمع صوت بيقولها: يارا.
يارا عارفه الصوت ده كويس وبتحبه جدا لفت بسرعه ولقت يوسف واروى واقفين جريت يارا ناحيه اروى لكن بتقف قدامها بسرعه لان هي بتدرك ان بطنها بقت متر قدام وهي حامل لسه.
بدات يارا تحضن اروى ببطء وهم الاثنين طولوا في الحضن وفضلوا يعيطوا سوا وبعد كده بعدت عنها سنه وقالت لها وحشتيني يا روح قلبي ومسكت ايديها وبسيتها وبعد كده نزلت على ركبتها وباست بطن اروى وبدات تتكلم وبتقول: بص بقى يا سيدي انا اول مره اشوفك بس عموما عايزاك تعرف اني بحبك جدا من قبل ما تيجي وان شاء الله لما تيجي تنورنا وتنور الدنيا كلها يا قمر اعرفك بنفسي انا خالتك الهبله معلش استحمل هبلى شويه بس هدلعك وهلعب معاك وهبقى طفله اكتر منك وضحكت وقامت.
يوسف: اهلا اهلا يا دكتوره حمد لله على السلامه اسكندريه كلها نورت عامله ايه.
يوسف عمل كده وقال الكلام ده علشان كان متعمد انه يغيظ ادم وفعلا ادم بصله بصه حارقه.
يارا: الله يسلمك يا باشمهندس ده من كرم اخلاقك.
وبعد كده بصت لابوها: كده يا حاج بتعمل فيا المقلب ده مش تقول انكم جايين في حد يخطف قلب حد كده.
احمد بابتسامه: ادم مكلمنا النهارده وحب يعملها لك مفاجاه حجز التذاكر وبلغنا ننزل على طول.
بصت يارا لادم بصه مليئه بالحب والحنان كانها بتشكره.
وادم بص لها نفس البصه وبادلها نفس المشاعر والحب.
يارا بصت لابوها وقالتله :عموما يا بابا شكلك مرهق جدا ومحتاج تريح شويه.
احمد: لا ما تقلقيش عليا خالص يا حبيبتي ده ارهاق سفر بس لكن انا زي الفل ما تقلقيش ابوك ما كبرش قوي وعجز انا لسه بصحتي.
ضحكو كلهم ودخلوا الصالون يقعدوا لكن يارا بتبص لادم وبتقوله:معلش يا ادم عايزاك ثواني.
مسكت يارا ادم من ايديه وخدته ودخلت المطبخ وادم مستغرب جدا ومش عارف هي عملت كده ليه وبعد كده قالها: خير في حاجه يا يارا؟
