انت كذاب انت داخل عشان استاذ محمد الوكيل وعشان تبقى عصفور المحامين التانيين.
يوسف اتخض من كلامها وان هي عرفت ازاي وندى دخلت وسابته.
عيناي لا ترى الضوء (الجزء الخامس)_للكاتبة هدير محمد
احببتها اثناء انتقامي (الجزء 38)
أحببتها أثناء انتقامي (الجزء العشرون) للكاتبة عليا حمدي
الاجتماع بدا وخالد يقول لهم ان ده يعتبر اهم اجتماع ليهم عشان استاذه اماني هتحدد مين هيشتغل معاها الفتره اللي جايه وهتاخد اثنين بس.
الكل متحمس وخايف جدا وخالد يسألهم هو فين يوسف؟
الكل يجاوب ويقول ما يعرفش.
استاذه اماني ترن على خالد وتقول له ان الاجتماع اتأجل.
ندى بتقول لهم طب انتم يا جماعه خلاص كده قربنا ما نشوفش بعض خالص.
وعزمتهم عندها في البيت وقالت لهم هبعتلكم لوكيشن.
ندى بتاكد على نديم وتقول له لازم تيجي يا نديم انا بابي هيموت ويشوفك.
وطبعا ابوها محمد الوكيل اللي يبقى عم نديم.
نديم وقول لها ماشي هحاول اجي.
عز يطلع من الاجتماع ويمشي ورا عبير وحاول يتلزق ويقرب منها.
لكن عبير لاول مره ما تكسفوش وتحاول تفهم وتسمعه.
ويطلع فعلا عز شخص طيب بس هو واضح شويه وعبيط وتصرفاته غبيه.
في نفس اليوم استاذ اماني تروح تقابل يوسف العصفوره وتساله هو ليه عمل كده وان هي قادره ممكن تأذيه جامد بس يوسف يعتذر لها ويعيط ويقول لها ان هو ما كانش بسببه هو كان مجبر على كده.
بس بيتمنى ان هي تسامحه وهو بيوعدها ان هي مش هتشوف وشه تاني.
وفي الناحيه الثانيه المحامين كلهم راحوا واتعزموا عند ندى ودخلوا بيت محمد الوكيل ونديم ورام الله برده راحوا.
نديم ورام الله يخشوا سوا وبعد كده يخش عليهم محمد الوكيل وسلم عليهم.
محمد الوكيل بيستاذن المحاميين وبيقول لهم ان هو هياخد نديم خمس دقائق وهيرجع لهم تاني.
محمد الوكيل يخش مكتبه هو ونديم.
ويبدا محمد الوكيل يساله ويقول له عايز ايه يا نديم؟
نديم بيقول له مش عايز حاجه.
قال له امال ايه دور البطوله والشهامه اللي انت عملته مع بنتي.
قال له صله رحم.
محمد الوكيل بيضحك وبيقول له صله رحم؟
عايز كام يا نديم من الاخر وتمشي وما اشوفش وشك تاني ولا بنتي تشوف وشك.
نديم ضحك وقال له ماما كان عندها حق.
الناس اللي زيك بيبقوا دايما محتاجين يحسوا ان الناس محتاجاهم عشان يحسوا بالامان.
ولو لقوا ان ما حدش محتاجهم بيخافوا وحضرتك خايف دلوقتي يا استاذ محمد.
بس انا فعلا مش عايز منك حاجه انا بس عملت بوصيه امي واثبتلك ان انا شخص ناجح واقدر اعيش من غيرك.
ويقوم نديم يمشي ويقول لرام الله ان هو مش هيقعد هنا تاني لو عايزه تيجي معايا تعالي.
وفعلا رام الله تقوم معاه ويمشوا هم الاثنين وتساله مالك في ايه بقى؟
نديم يقول لها ان هو مبسوط وانه هو حقق وصيه امه ورام الله تضحك وتشغل مزيكا وروحوا البيت.
ولما يروحوا تبدا تقول له ان هي مبسوطه معاه ونديم يقول لها بس انا خايف.
تقول له خايف من ايه؟
يقول لها خايف ان عم جميل يموت وانت تسافري وتمشي.
قالت له ما تقلقش انا مش همشي انا خلاص عملت تجديد الاقامه.
ولو انت عايزنا نتطلق نقدر نعمل كده دلوقتي نديم يتوهها في الكلام وباين عليه ان هو مش عايز يطلق.
