ندى شكرا بجد مش عارفه اشكرك ازاي علي ذوقك. وعلي وقوفك ليا ومساعدتي.
مازن ابتسم انا معملتش حاجه تشكريني عليها كل الحكايه مقدرتش امشي واسيبك لوحدك هناك.
عيناي لا ترى الضوء (الجزء الحادي عشر) للكاتبة هدير محمد
ليلة العمر الذهبية (الجزء 5)
أحببتها أثناء انتقامي (الجزء الحادي عشر) للكاتبة عليا حمدي
ندى لو مكنتش رجعت وانقذتني الله اعلم كان هيحصلي اي..!
مازن مش كان من الاول سمعتي الكلام وطلعتي.
ندى سكتت معرفتش ترد عليه.
مازن كمل في الطريق لحد ما وصل فلته. وهناك اتفضلي انزلي.
ندى نزلت من العربيه. وهي مصدومه مش قادره تقاوم جمال المكان. اي دا معقوله في ناس عايشه هنا. دي مساحتها تزيد عن حارتنا كلها. ماشاء الله اللهم بارك ربنا يزيده كمان.
مازن فتح باب البيت. يلا اتفضلي ادخلي.
ندى خايفه تدخل وزاد خوفها لمه شافت أنه غني جدا انه يعمل حاجه تتأذي منها. بس مكنش قدامها خيار تاني مفضلهاش غير خالتها طيب وجوزها رفضها. دخلت البيت. اول ماشافها رول جري عليها وسلم. وفرحت اوووي ندى.
كانت الغلا مكونه من دورين.
مازن شاور لها علي اوضه. دا مفتاح الاوضه علشان تطمني. ودي اوضتك من دلوقتي. ومتقلقيش انا اوضتي فوق بعيده عنك خالص. اتفضلي ارتاحي. عن اذنك.
ندى اول ما دخلت الاوضه انهارت من العياط مش قادره تكمل وتكتم ضعفها وحزنها جواها اكتر. بصت جنبها لقيت بابا لمه فتحته لقيته الحمام. قامت اتوضت . دورت كتير علي طرحه ملقيتش غير ملايه في الدولاب حطتها علي شعرها. وصلت بخشوع بعدها فضلت تدعي ربنا ياارب ارحمني من اللي انا فيه ياارب حنن قلب بابا عليا. ياحي يا قيوم برحمتك استغيث اصلح لي شأني كله. فضلت تدعي تتوسل لربنا لحد ما نامت علي سجادة الصلاة.
مازن كان واقف برا وسامع ندى وهي تتوسل لربنا أنه يرحمها. لمه سكتت فجأه قلق ومطمنش غير لمه تأكد انها نامت. طلع اوضته ينام. حاول ينام مش عارفه.
مازن هو انا شاغل بالي بكل دا ليه وحده وبساعدها خلاص. لكن هو ازاي اب يعمل كدا في بنته يرميها في الشارع. دا حتي مش خايف عليها انها تروح بيت واحد متعرفوش. دا اكيد انسان مريض مش معقوله يكون شخص طبيعي. نام مازن من كتر التفكير.
في الساعه 8 صباحا.
مازن مين البارد اللي بيرن دلوقتي. فتح الموبايل الو مين.؟!
يزيد اي ياعم نسيت انه النهارده عندنا اجتماع مع الوفد الألماني. وبعدين من امته وانت بتتأخر كدا في النوم.
مازن خضتني يابني. الغيه تعبان ومش هقدر اروح الشغل وأشوف حد.
يزيد انت بتقول اي الاجتماع دا بنحضرله من شهر وجاي دلوقتي تقولي الغيه.
مازن قولت الغيه وكلمه كمان وهرفضك. وقفل الموبايل.
يزيد الو يا مازن اي دا هو بجد قفل ولا انا…..
مروه بضحك متقلقش بجد مش بيتهيئلك ولا حاجه.
يزيد هو انتي مش السكرتاريه بتاعته ازاي متعرفيش أنه مش هيحضر الاجتماع النهارده.
مروه وانت اعز أصحابه متعرفش ليه.
يزيد اممم اي الاحراج دا. طيب يلا بقا نجهز الاجتماع.
محمد الوفد الألماني وصل يافندم.
يزيد دخلهم اوضة الاجتماعات. واحنا هنحصلك.
مازن نزل يفطر وفطر رول. اعمل اي دلوقتي اصحيها تقوم تفطر ضيفه برضو ولا اسيبها لسه الوقت بدري.
الباب فتح….
ندى عينيها ورمت من بكاء امبارح. صباح الخير.
مازن ابتسم صباح النور يلا بقا الفطار جاهز.
ندى شكرا مليش نفس.
مازن عملها ساندوتش صغير. اتفضلي دا ومش عايز شكر تاني. يلا اقعدي.
ندى اخدته منه وهي محرجه وقعدت
مازن قوليلي صح احنا متعرفناش امبارح انا اسمي مازن من بورسعيد وعايش هنا في القاهره ليا شركتي الخاصه.
ندى تشرفت بحضرتك انا ندى.
مازن عندك كام سنه..؟!
ندى 18 والمفروض ادرس السنادي ثانويه عامه.
مازن وليه المفروض..؟!
ندى إذا كان مش عارفه لحد دلوقتي هعيش فين. اكمل دراستي ازاي. وانا من غير بيت وأهل. انا مش هدايقك هما يومين بس ودبر مكان وهمشي ان شاء الله.
مازن متقوليش كدا قعدتك هنا مش مدايقاني بالعكس ان شالله تقعدي العمر كله. انا خارج محتاجه حاجه اجبهالك وانا راجع.
ندى لا شكرا ليك.
الاب مالك يا سعاد فيه اي. البنت وطردها زي ماقولتي. اعملك اي تاني.
سعاد مفيش جواز انا مكنتش اعرفك انك. بترجع البيت في مصاص اليالي مدهول كدا. دا انت ياراجل عايز اتجوز علي مراتك اللي لسه ميته من يومين وطردت بنت من البيت وهانت عليك.
الاب اومال شرطي عليا اطرد البنت بنتي من البيت ليه…………
