بس للأسف الشيخ مقدرش يستحمل المشهد ده وقال: خلاص هنفذلك اللي إنت عايزه.
أرشميدس: شفت قلتلك من الأول يا شيخ خلصنا واعمل اللي نؤمرك بيه عشان كده كده هتعمله بس إنت أصريت تتعبنا.
عيناي لا ترى الضوء (الجزء الأول) _للكاتبة هدير محمد
نعيمي وجحيمها (الجزء السابع) للكاتبة أمل نصر
عيناي لا ترى الضوء (الجزء الرابع) _للكاتبة هدير محمد
الشيخ دخل المعبد وفتح تابوت وطلع من جواه كورة منورة باللون الأزرق وطالع منها شعاع قوي.
أرشميدس راح على الشيخ وهو مبسوط أوي ومبتسم وباصص للكورة المنورة كإنها الجنة.
أرشميدس: أخيرًا لقيت الحجر الأزرق، وفضل يضحك بطريقة هستيريه وأمر جنوده إنهم يدمروا المعبد والبلد كلها.
وبمجرد ما مسك الحجر الأزرق قتل شيخ المعبد وقتل الام وابنها وأكلهم للأسد.
أرشميدس كان عبارة عن شر متجسد في صورة إنسان، وكان عنده قوة ونفوز يخلوه يقدر يدمر العالم.
أرشميدس خد الحجر الأزرق وطلع على المعمل بتاعه وكان موجود في المعمل دكتور اسمه (باتريك).
الدكتور باتريك هو الدراع اليمين لأرشميدس وكان بيصنعوا الأسلحة والقنابل وأي حاجة كانت تخص الحرب والدمار.
أرشميدس: ههههههه قلي رأيك بقى يا دكتور في التحفة الفنية اللي معايا دي.
دكتور باتريك: شكلها يخلي الواحد يحس إنه يقدر يعمل أي حاجة على الكوكب.
الحجر ده هيغير حياتنا 180 درجة وهيخلينا نحكم العالم، بس لازم نستخدمه صح.
أرشميدس وهو بيضحك: لا نستخدمه صح إزاي أنا جايبك عشان نستخدمه غلط.
وفعلًا مسك الحجر الأزرق وحطه في سلاح كان مجهزه للحجر من زمان وكان صانعه مخصوص عشان اللحظة دي.
الحجر أول ما اتحط في السلاح السلاح كله بقى لونه أزرق وبيشع بطريقة غريبة.
واحد من الجنود دخل على أرشميدس وكان لسه هيتكلم بس أرشميدس ما صدق لقى فار تجارب عشان يجرب سلاحه العظيم.
وفعلا وجه سلاحه ناحية الجندي وداس على زرار معين، وبعدها السلاح طلع شعاع أزرق وأول ما الشعاع لمس الجندي الجندي اختفى تمامًا.
أرشميدس ضحك بهسترية وقال: أخيرًا الحلم بيتحقق والسلاح اللي كنت بتمناه من زمان بقى بيشتغل وأحسن ما أنا كنت متوقع وخلاص هنقدر نقضي على أي حد يقف في طريقنا.
الدكتور باتريك: مبروك عليك يا سيد أرشميدس سيبلي الحجر الأزرق ده وأنا هعملك أسلحة زي السلاح اللي أنت ماسكه في إيدك تكفي إن هي تقضي على كوكب كامل.
إنت عليك بس تجهزلي المعدات وأنا عليا إني أصنعلك الأسلحه اللي إنت عايزها.
أرشميدس: حلم تدمير أمريكا أخيرًا هيتحقق وهقدر أنتقم من الكل وهسيطر على العالم كله أخيرًا.
بس أول حاجة لازم أعملها أقضي على أكتر شخص بكرهه، الدكتور مايك.
كان في ماضي بين أرشميدس والدكتور مايك، وده اللي مخليه كارهه وعايز يقضي عليه.
الدكتور مايك كان بيصنع مصل زمان عشان يقوي الإنسان ويخليه عنده قدرات خارقة.
أرشميدس كان جندي من الجنود الأمريكيين وكان معروف بقوته في الحروب، وكان جندي مميز والكل عاوز يكون زيه.
الدكتور مايك شاف في أرشميدس الجندي القوي اللي كان عايزه عشان يجرب فيه المصل اللي كان بيصنعه.
وفعلًا الدكتور مايك جاب أرشميدس وعرض عليه إنه يديله المصل كمكافأة ليه على مجهوده كجندي أمريكي قوي.
وفعلًا الدكتور إداله المصل وأرشميدس بقى أقوى من الأول بكتير.
بس حصل حاجة مش متوقعة.
الدكتور مايك كان عارف إن المصل بيزود قوة جسم الإنسان العضلية وبيغير جيناته وبيخليه أقوى من الأول بكتير.
بس طلع في حاجة ميعرفهاش موجودة في المصل.
المصل طلع بيزود قوة الإنسان الروحية وبيقوي مشاعره.
يعني لو الإنسان طيب وروحه طيبة وبيحب الخير المصل هيخليه يحب الخير أكتر ويزود قوته الخيرية ده بالإضافة لقوته الجسدية.
أما لو الإنسان روحه شريرة وبيحب الشر فهيزود جواه القوة الشيطانية والشر هيزيد وهيبقى شيطان متجسد في شكل إنسان.
وفعلا أرشميدس لما الدكتور مايك إداله المصل أرشميدس انقلب على أمريكا كلها وبقى شر ماشي على الأرض.
بس مش ده السبب اللي مخلي أرشميدس كاره مايك للدرجة دي.
أرشميدس بيكره مايك بسبب إن المصل ده ليه أعراض جانبية تانية.
يعني زي ما قلنا لما الإنسان بيبقى شرير المصل بيزود شره وبيحوله لشيطان.
وفعلًا أرشميدس بقى شيطان بمعنى الكلمة لإن جلده وقع وطلعله جلد جديد باللون الأحمر، وده خلى شكله مرعب ومخيف جدًا.
واتسمى بأرشميدس الشيطان الأحمر.
يتبع……
لمشاهدة الجزء الثاني من القصة “اضغط هنا“.
