خالد: هو الواد ده معندوش كرامة! وعلى كده اللي في أمريكا كلهم زيه كده! عيل مستفز.
خالد دخل جوه تاني ولقاهم بيتكلموا وبيهزروا وبيضحكوا.
ليلة العمر الذهبية (الجزء 4)
البطل المُنتظر ( الجزء 2) للكاتب عمار عبد البديع
ليلة العمر الذهبية (الجزء 9) للكاتبة حنان حسن
أبو خالد: عندك شقة يا ريان؟
ريان: عندي بيت في كندا وكمان ممكن اقعد في الفيلا بتاعت أبويا.
أبو خالد: طب مع احتمال بنتي مترضاش تعيش في كندا وتبقى عايزة تعيش في مصر.
ريان: مفيش أي مشكلة اللي هي عايزاه، أنا بردوا عندي فيلا هنا في مصر جنبكم كمان.
أبو خالد: وإنت موافق تسيب بلدك كندا وتعيش في مصر علطول؟
ريان: أيوه موافق لو هي موافقة.
أبو خالد: وهتسيب شغلك؟
ريان: لا طبعًا أنا ممكن اشتغل في مصر عادي، أنا مش شايل هم الشغل أبدًا عشان أنا بفكر في مشروع لو نجح هتبقى مشاكلي كلها اتحلت من الناحية دي.
أبو خالد: وإيه هو بقى المشروع؟
ريان: بعتذرلك يا عمي، أنا بس عايز أخلي الموضوع سر شوية ومش عايز أعرف حد لحد ما ينجح.
أبو خالد: طب لو منجحتش؟
ريان: أنا ضامن إنه ينجح بنسبة كبيرة عشان أنا شغال عليه بقالي فترة طويلة وإن شاء الله هبلغك أول ما ينجح، وإنت مش هتستنى كتير إسبوعين بالكتير وهقول لحضرتك على المشروع وهبلغك نجح أو فشل.
أبو خالد: طيب لو قعدت في مصر هنا للأبد ممكن أهلك يتضايقوا أو يقفوا ضدك؟
ريان: مستحيل، ثقافتنا هناك في كندا اللي يتم سن 18 يكون واصي على نفسه ومش مرتبط بأهله، وأنا من ساعة ما تميت 18 سنة مش قاعد في كندا طول الوقت ودايمًا من دولة لدولة عشان أتعلم تقاليد وعادات الدول التانية واكتسب خبرات.
أبو خالد: طيب أنا لو إديتك بنتي مش هسيبها تروح معاك أنا عاوز بنتي جنبي، إحنا هنا عندنا في مصر كده ولو إنت بتحب السفر والرحلات فده مش مناسب مع بنتي.
ريان: اتفقنا يا عمي، إن شاء الله مش هسافر غير في الأجازات عشان أزور أهلي وطبعًا هي هتبقى معايا عشان لازم نكون هناك سوا ولا إيه رأي حضرتك؟
أبو خالد: إذا كان كده ماشي.
خالد: أنا مش موافق على الجوازة دي.
أبو خالد: ليه إن شاء الله؟
خالد: عشان هو مسيحي ومينفعش نجوز بنتنا لواحد مسيحي.
ريان: بس أنا مسلم.
خالد: إيه اللي يأكدلي إنك مسلم.
ريان: إنت عاوزني اثبتلك إزاي؟
خالد: إنت أصلًا حاطط الساعة مكان الصليب عشان ما نشوفهوش مش كده.
ريان: لا مش حقيقي دي صدفة، أنا أصلًا مسلم صليب إيه اللي بتتكلم عنه.
خالد: طب شيل الساعة ووريني إيديك.
ريان: أهو مفيش حاجة مسلم.
خالد: الصلاة كام فرض؟
ريان: خمسة.
خالد: طب السنة اللي بنصليها قبل أو بعد الفرض اسمها إيه؟
ريان: نوافل.
خالد: طب القرآن فيه كام سورة؟
ريان: 114 سورة.
خالد: طب التراويح كام ركعة؟
ريان: 8 من غير الشفع والوتر.
خالد: طب في كام سورة مدنية في القرآن؟
ريان: 29.
أبو خالد: كفاية اللي إنت بتعمله ده يا خالد.
خالد بإحراج: أنا بس كنت بطمن هو بيكدب ولا صادق.
أبو خالد: اديك اطمنت، ده ريان مسلم أكتر منك وعنده معلومات كتير ما شاء الله ، إنت مولود مسلم يا ريان؟
ريان: لا للأسف أنا اتولدت مسيحي لكن أسلمت.
أبو خالد: إزاي؟
ريان: زي ما حضرتك عارف أنا بعرف ثقافات جديدة وببحث كتير عشان يبقى عندي معلومات أكبر، وعرفت دين الإسلام وبحثت عنه واتكلمت مع مشايخ ودخلت في مناظرات لحد ما أسلمت والكلام ده بقاله 10 سنين.
أبو خالد: جميل أوي اللهم بارك طيب أهلك متضايقوش لما أسلمت وعارضوك وحاولوا يمنعوك؟
ريان: لا طبعًا أنا تميت السن القانوني اللي مسموحلي أخد بيه قراراتي بنفسي من غير ما حد يتدخل، ومحدش اعترض لما أنا قولتلهم إن أنا أسلمت أو إن أنا عايز اتجوز واحدة مسلمة ومش من دولتي محدش اتكلم أساسًا، عيلتي جميلة جدًا وطيبين وأنا نفسي يعتنقوا الإسلام لكن مقدرش أجبرهم على حاجة عشان محدش أجبرني على حاجة.
أبو خالد: ربنا يهديهم يا ابني ويرشدهم للإسلام.
ريان: يا رب ويهدي خالد عليا.
كلهم ضحكوا ما عدا خالد اللي كان قاعد متعصب ومش طايق ريان.
أبو خالد: عندك كام سنة يا ريان؟
ريان: 29.
أبو خالد: طيب أبرار عندها 21 سنة، مش ممكن فرق السن بينكوا يسبب مشاكل أو اختلافات في وجهة النظر والآراء؟
ريان: أنا شايف إنه مناسب ومش كبير ولا حاجة على الأقل أعرف احتويها وأبقى فاهم المراحل العمرية اللي بتمر بيها لإن أنا كمان مريت بيها، ويبقى عندي وعي أكبر ومعرفة أكتر.
أبو خالد: طيب يا ولاد سيبو العرسان يقعدوا شوية مع بعض، يلا يلا يا جماعة.
كلهم قاموا خرجوا إلا خالد مكنش راضي يتحرك من مكانه، لحد ما جه محمد أخو مريم وشده بالغصب وخرجه.
