اتفزعت والدم نشف في جسمي وفتحت الستارة بسرعة ملقيتش أي حد.
طلعت أجري في الشقة من غير هدومي زي المجنونة بس الحمد لله مكانش في حد في البيت ولبست بسرعة.
احببتها اثناء انتقامي (الجزء35)
المحامي العبقري (الجزء الاول)
نبض قلبي لأجلك (الجزء الخامس) للكاتبة لولا نور
فضلت واقفة بصه على الحمام ومش عارفة أعمل أيه دلوقتي.
هديت شوية وبدأت أفكر وساعتها قولت أكيد ده الجن مرازي اللي الساحر حضره، وأكيد بردوا الساحر ما لغاش التكليف اللي طلبه من مرازى.
ساعتها فكرت إن ممكن أخلي ميرازي ده يساعدني لأن الوقت اللي أداهوني الوسيط كان قرب يخلص وكنت محتاجة أخرج من الورطة دي بأي طريقة.
قررت أني خلاص هقابل الجن ده ولازم أمشي أهلي من البيت بأي طريقة وأقعد لوحدي عشان أعرف اتكلم معاه.
فعلًا طلعت لأمي وعملت نفسي تعبانة ومش قادرة أتحرك وطلبت منها تروح هي وأخواتي لوحدهم لبيت العمدة وأنا هستناهم هنا لأني مش قادرة أمشي.
فعلًا بعد إلحاح كتير أوي أمي وافقت أخيرًا ومشيوا كلهم وقدرت أني أقعد لوحدي في البيت.
أنا الصراحة كنت مرعوبة أوي بس من المواقف اللي شوفتها قلبي بدأ يجمد شوية.
دخلت أوضتي وقعدت على السرير وخدت نفس عميق وقولت: أظهر يا مرازي.
مسمعتش إجابة من أي حد وقولت: أكيد مش هيرد أيه العبط ده.
بعد ما قولت كده علطول لقيت نفس الصوت اللي سمعته من شوية بيقول: اؤمُريني.
قومت من مكاني بسرعة وكان لازم طبعًا اتخض لأن دي أول مرة ليا اتكلم مع جن مش ظاهر قدامي.
حاولت أهدي نفسي ورجعت قعدت تاني وقولت: أنا عارفة إنك مرازي وعارفة كمان إن أنت اللي أنقذتني أنا وأخواتي وطفيت الحريقة اللي كانت في البيت.
بجد شكرًا ليك على مساعدتك أنت شكلك طيب أوي.
مرازى: شكرًا، بس عايز أعرف بردوا أنتِ ليه مستدعياني.
داليا: أنا مستدعياك عشان عايزة أشوفك أظهرلي دلوقتي.
مرازي مردش عليا.
داليا: أيه مبتردش ليه؟ بقولك عايزاك تظهر قدامي دلوقتي.
مرازي: أنا مبظهرش قدام البشر ومش هينفع أظهر قدامك عشان هتخافي مني وهتترعبي وشكلي مش هيعجبك وممكن تخافي تتكلمي معايا تاني الأفضل ليكى إنك متشوفينيش.
داليا: لا معلش أنا مصرة، أنت شكلك طيب أكيد زي أفعالك مش أنت أنقذتي أنا وأخواتي من الموت يبقى أكيد شكلك طيب.
لازم تظهر قدامي دلوقتي عشان أقولك أيه اللي أنا عايزاه منك.
ميرازي فضل ساكت شوية وكنت خلاص يأست أنه هيظهر وبعدها بحوالي دقيقة لقيته ظهر.
مرازي ظهر قدامي على هيئة كلب أو حاجة شبه السلعوة بس كانت مشوهة وشكلها مرعب.
طبعًا اتخضيت من المشهد اللي أنا شوفته وبان عليا أوي أني كنت خايفة منه وأول ما عملت كده مرازاى اختفى تاني.
داليا: الصراحة كنت عايزاك تحللي مشكلة كبيرة.
أنا في جن مهددني بالقتل ومحتاجة مساعدتك.
مرازي: مين الجن ده.
داليا: جن اسمه الوسيط وعايز يقتلني أنا وأخواتي.
مرازي: أيه السبب اللي خلاه يعمل كده.
بدأت أحكيله القصة من أولها لأخرها وسمعني للأخر.
