فضلت تدعي ربنا يرشدها للصواب ويهديها ويهدي زوجها اللي هي مش عارفه لحد الان ازاي لسه جوزها.
يارا خلصت الصلاه وقامت وخرجت وراحت المطبخ ولقت مريم بتعمل الغداء ووقفت معاها لحد اما اخلصه هم الاثنين وقعدوا ياكلوا سوا.
نبض قلبي لأجلك (الجزء الرابع) للكاتبةلولا نور
حكايات من القرية القديمة
عيناي لا ترى الضوء (الجزء الأول) _للكاتبة هدير محمد
يارا اكلت اكله بسيطه جدا وقامت ومريم اتضايقت وزعقت لها وقالت لها تاكل كويس علشان هي بدات تخس جامد.
لكن مريم عارفه كويس ان يارا مش هتسمع كلامها وهتعند.
مريم قررت تقوم تقعد جنب يارا وتبدا تسمع حكايتها.
مريم: ها بقى يا روح القلب احكيلي ايه اللي مضايقك.
يارا بعد ما تنهدت وخدت نفس عميقه بدات تحكي لمريم قصتها من ساعه ما قبله ادم قدام الجامعه الى اللحظه اللي هم قاعدين فيها مع بعض.
وبدات تحكيلها ازاي بداوا يحبوا بعض وازاي اتجوزوا وازاي عرفت الحقيقه وازاي اتطلقوا.
مريم ادركت كميه الوجع والجرح العميق اللي موجود في قلب يارا.
وادركت تماما ازاي وصلت المرحله اللي هي فيها رغم انها كانت بنت رقيقه جدا الى انها بطله لانها استحملت كل ده علشان ما فيش اي بنت تستحمل اللي حصل لها.
وادركت كميه المعاناه اللي بتعانيها لانها اقرب الناس اللي بتحبهم وبتامن لهم هم الناس اللي خانوها وغدروا بيها ودي حاجه صعبه على اي بنت خصوصا بنت رقيقه زي يارا.
مريم: بصي الصراحه انا مش عارف اقولك ايه علشان انا ما جربتش اللي حصل لك ده قبل كده وحاسه انك مكسوره جامد ومحدش هيحس بيكي غير ربنا.
بس عندي سؤال؟
الكلام ده حصل من فتره كبيره وقلنا ماشي ايه بقى اللي مضايقك النهارده؟
يارا: شفته فى المستشفى .
مريم: جوزك؟
يارا بصراخ: ما تقوليش جوزي اسمه طليقي.
مريم: طيب يا ستي حقك عليا طليقك.
برضو عايز افهم ايه اللي خلاك متضايقه انك شفتى طليقك.
يارا بعصبيه: اتضايقت علشان قال لي اني لسه مراته ومسك ايدي واتجرا وبا…
يارا سكتت بسرعه بعد ما ادركت ان هي كانت لسه هتفضح نفسها وشها كله بقا احمر واتكسفت واتوترت لما افتكرت البوسه اللي ادم اديهلها.
مريم بتقاطع تفكيرها وبتقول بخبث: ها كملي اتجرا وعمل ايه!؟
يارا ب احراج وتوتر: ااااا يع مش…. بص.
مريم ضحكت وادركت الامر وحاولت ما تحرجش يارا وقالت لها: طيب خلاص اهدي انا برضو عايزه افهم ايه اللي مضايقك انه لسه بيقولك ان انتى لسه مراته.
يارا ببرطمه: انت هتجننيني بقولك قال لي انى لسه مراته ومراته ازاي يعني مش هو لسه مطلقني قدام كل الناس وكان كله موجود وسمع؟
مريم بهدوء: بصى يا يارا احنا فى دينا لو الراجل رمى يمين الطلاق بدون ارادته او في حاله عصبيه مثلا او بدون ما يقصد لو حتى يقصد ممكن يرجع زوجته لعصمته طالما ما طلقش الطلقه الثالثه.
وطبعا الزوج يقدر يرجع مراته لعصمته قبل انتهاء شهور العده لو شهور العده انتهت ما ينفعش يرجعها.
وعارفه انت بتفكري في ايه ايوه فعلا الزوج يقدر يرجع مراته لعصمته من غير ما الزوجه تعرف.
وطبعا قبل ما تنتهي شهور العده بتاعتها فهو ممكن يكون رجعك لعصمته وبالتالي انتى لسه مراته.
يارا سكتت حبه صغيرين وبعد كده قالت بحزن: بس انا مش عايزه ابقى مراته.
مريم مسكت ايديها ورفعت وشها في عينيها وبصتلها وقالتلها: متاكده يا يارا متاكده انك لسه مش بتحبيه؟؟
متاكده انك مش عايزاه؟ متاكده انك اول ما شفتيه ما حسيتيش بحاجه؟ متاكده انه لو جراله حاجه مش هتزعلي عليه؟
متاكده ان صوته مش بيسبب رعشه وتوتر لقلبك؟ متاكده اني لمسته لايدك النهارده ما حسستكيش بالامان والاشتياق؟
متاكده ان انتى وانتى معاه ما بتحسيش باي خوف او قلق ومشاعرك بتبقى متزنه ومبسوطه ها قوليلي بقى يا يارا هل بتكرهيه فعلا؟؟؟
يارا سكتت ودموعها فضلت تنزل بغزاره وكانت عارفه ان مريم عندها حق في كل كلمه قالتها.
يارا وهي بتعيط: لا مش متاكده بس اللي متاكده منه ان عمري ما هنسى خوفي كل اما يبعد عني وعمري ما هنسى ضربه ليا وعمري ما هنسى جرحه ليا سواء بالفعل او الكلام.
عمري ما هنسى بعده عني في كل مره كاني حشره وكاني مسواش عنده اي حاجه.
ادم كسر قلبي جامد يا مريم والحاجات اللي عملها هتفضل حاجز بيني وبينه لحد ما اموت.
نفسي بجد اديله فرصه تانيه بس غصب عني مش هقدر حياتنا مش هتنفع خالص مع بعض تاني.
