يارا: تعرفي يا مريم انا بدات اطمن للبيت دا وحسيته بقى بيتي خلاص لما ارجع هبدا صفحه جديده معاكي ويا رب يا مريم ما تخزلينيش انتى كمان وتبقي انتى العوض اللي ربنا بعتهولي.
مريم بشكر: والله يا يارا انا حسيتك اكتر من اختي ويكفي ادبك واخلاقك انا من زمان كان نفسي في اخت متدينه ومحترمه زيك ورغم اني ما اعرفش حاجات عنك كثير وانك ما حكيتليش القصه بتاعتك وايه اللي وصلك للمرحله دي من عدم الثقه بالناس بس لسه بحبك وعارفه انك انسانه كويسه ومش هاممني حاجه غير انك تبقي مبسوطه.
احببتها اثناء انتقامي( الجزء34)
حق رحيم ( الجزء الثالث ) للكاتب عمار عبد البديع
الحاسده والجميله
يارا حضنت مريم وقالت: اوعدك هحكيلك كل حاجه النهارده لما ارجع وسابتها يارا ومشيت.
مريم بترجي: ربنا يريح قلبك ويسعدك يا حبيبتي.
يوسف وصل المستشفى واول ما وصل رن على يوسف ويوسف كلمه ووصف له الاوضه اللي هو فيها وادم طلع حضن يوسف ودخلوا الاوضه سوا وادم بيتفاجئ برافت واحمد وسميه وطبعا اروى ومعاها الطفل الجديد.
ادم بيحضن ابوه واللي عاتبه على سفره المفاجئ وتاخيره بس بيتغاضى عن الامر علشان حاله الولاده وبعد كده سلم على يوسف وحضنه وبارك له وبعد كده بص لاحمد وفضل موجه نظراته ناحيته شويه فقام احمد من مكانه وحضنه وقعد يعيط وادم بادله الحضن وادم حضنه بنيه ان هو عايز اي حاجه من يارا الفتره اللي جايه.
احمد: احمد لله على سلامتك يا استاذ ادم.
ادم: الله يسلمك يا عمى.
احمد: لسه قلبك شايل مني يا ادم.
ادم: يا عم كلنا غلطنا انا وانتم ومحدش ليه حق يلوم التاني كلنا اذيناها وكلنا غلطانين.
سميه عيطت فؤاده مقرب منها وقالت له: نفسي اطمن عليها بس اعرف مكانها واكتر حاجه مضايقاني اني برن عليها وما بتردش عليا ما اعرفش عنها حاجه خالص وقلبي واجعني عليها قوي للاسف ما حدش هيحس منكم بيا.
ادم: ان شاء الله يارا كويسه اطمني.
وفجاه بيقطعهم كلهم صوت صراخ الطفل وكلهم بيلفوا وبيوجهوا نظرهم ناحيته.
وادم بيقرب وبيشيل الطفل بكل حنان وبيبص له بنظرات بريئه ورغم توتره لانه لاول مره يشيل طفل في حياته ويحس بالحنان ده الى انه كان مبسوط جدا.
يوسف بيقرب من ادم وبيحط ايده على كتفه والايد الثانيه على مناخير الطفل وبيلعب معاه وبيقول: زياد يوسف..
ادم ابتسم بهدوء وباس الطفل من دماغه وفضل اللي يمسك ايده الصغيره ويلعب فيها وقال: ايه الاسم الجميل ده اكيد ده مش اختيار يوسف.
يوسف: احلى حاجه انك هارشني كده دايما وفاهم دماغي فعلا الاسم مش اختياري.
