بعد مرور شهرين ونص.
ادم خلاص كان راجع اسكندريه ولما تليفونه رن لقى يوسف بيكلمه.
قسوة الأب (الجزء الثاني)
عيناي لا ترى الضوء ( الجزء الثاني)_للكاتبة هدير محمد
نعيمي وجحيمها (الجزء الأول) للكاتبة أمل نصر
يوسف: ايه يا استاذ هي الاجازه حليتلك دلوقتي مش ناوي ترجع ولا ايه.
ادم: يا ابني هو انت ما عندكش دم مش انا مكسر لك وشك قبل ما امشي المفروض تخلي عندك دم وما تتصلش بيا وتبقى زعلان مني.
يوسف بضحكه: هو في حد يزعل من ادم الكينج برضو .
عموما يا معلم انا رانن عليك علشان اقولك اخبار حلوه.
ادم: ابهرني.
يوسف: اموت في كاريزمتك يا عم وتقلك بس اهم حاجه انت مستعد للمفاجاه ولا لا.
يوسف مبيكملش كلامه لانه بيلاقي الخط فصل وادم وادم قفل السكه في وشه.
يوسف بعد ما شتم في سره ورجع رن على ادم كذا مره وبعد كده ادم رد.
يوسف: في ايه يا عم بالراحه علينا مش كده.
ادم: انجز عايز ايه.
يوسف: انا عايزك حالا ضروري.
ادم: طيب انا في الطريق اهو.
يوسف بعد ما بعد التليفون عن وشه وشتم ادم في سره.
يوسف: طب وما قلتليش ليه يا حبيبي علشان افرش لك الارض ورد.
ادم: فكك من الشويتين دول انا عارف انك شتمتني في سرك.
يوسف بضحكه عاليه: دايما افيشني انت كده يا نجم.
ادم: طب هتقول عايز ايه ولا اقفل.
يوسف: خلاص بالراحه يا عم ما تزقش.
باركلي يلا انت بقيت عم.
ادم بفرحه لا توصف: بجد؟
يوسف: ايوه كده افرح يا اخي.
ادم: احم احم طيب اقفل وانا جاي اهو.
يوسف: ما خلاص يا عم عرفنا انك تقيل قل لي اي حاجه قل لي الف مبروك. ربنا يتمم لكم على خير. ربنا يفرحكو بى .
اي حاجه ما تبقاش دبش كده.
ادم: دبش!؟؟ طب انا جايلك اهو ونشوف الموضوع ده.
يوسف: خلاص يا عم بنهزر معاك يلا مستنيك.
ادم ساق العربيه بسرعه جنونيه ومش قادر يداري فرحته وجري فى اتجاه المستشفى.
في مكان اخر.
يارا كانت قاعده في المطبخ وبتعمل اكل وكانت سرحانه لحد ما دخلت مريم: صباح القمر على عيونك عامله ايه يا قشطه.
يارا بابتسامه: صباح الفل يا حبيبتي.
مريم: برده واقفه في المطبخ وبتعملي اكل لوحدك.
يارا: خلاص بقى يا مريومه سيبيني براحتي مش انت قلتي اعتبري البيت بيتك وبعدين انا هخلص وامشي.
مريم وهي متضايقه: برضو اللي في دماغك لسه في دماغك يا بنتي انت بقالك اكتر من شهر عماله تروحي تسالي عليهم عامله زي المخبرين حرام عليك اللي بتعمليه في نفسك.
يا رب تذمر: مهما حصل اروى هتفضل اعز صحباتي ولازم اشوف البيبي بتاعها لانه ابن اختي الوحيده وانا هبقى خالتو يعني في مقام امه ولاني مش قادره اكلمها اسالها على صحتها ولادتها امتى بضطر اروح اسال عليها بنفسي مش هطمن ولا اهدى الا لما تولد واشوف البيبي بتاعها واطمن عليها واطمن عليه هو كمان.
مريم بعقلانيه: طب يلا روحي اطمني عليها بسرعه وتعالي وما تتاخريش عليا ربنا يهديك ويريح قلبك ويطمنك عليهم ويطمني عليك علشان ما تعصبش.
