يوسف مناخيره اتكسرت وفضل مرمي على الارض شويه لانه عارف كويس القبضه دي بتاعه مين هو مبصش حتى ناحيه الشخص اللي ضربه.
يوسف مسح بقه وقام وبيتفاجئ بلكمه تانيه بيليها العديد من اللكمات وبيتضرب في جميع انحاء جسمه.
راكض المتاهة (الجزء الثالث)
ليلة العمر الذهبية (الجزء 9) للكاتبة حنان حسن
أحببتها أثناء انتقامي (الجزء السادس) للكاتبة عليا حمدي
لكن يوسف مخدش اللكمات هو كمان فضل يضرب ويرد اللكمات رغم انها ما كانتش بنفس قوه او سرعه اللكمات اللي خدها.
الاثنين من كتر الضرب هم الاتنين وقعوا على الارض وما كانوش قادرين ياخدوا نفسهم ويوسف كانت حالته بايظه خالص ووشه متدمر.
يوسف بهدوء وهو مش قادر ياخد نفسه: صبرت ليه كل الفتره دي ومسكت نفسك.
ادم بهدوء مماثل: كان عندي حاجات اهم منك اعملها وما كنتش فاضيلك.
يوسف وهو متعصب: حاجات اهم من مراتك ومن صاحب عمرك!
يوسف بصوت عالي وصراخ: يا ابني هتفضل بالبرود ده لحد امتى ما تخليش مخك واقف انا مقلتلكش حاجه غلط.
ادم قام من على الارض بسرعه وقعد فوق يوسف ولكمه في وشه واداله لكمه في بطنه ويوسف صرخ بشده: ااااااه.
ادم مسك يوسف من لياقه قميصه واتكلم بنبره مميته : يارا سواء على ذمتي او مطلقه مني ما حدش ليه دعوه بيها وما حدش هيعرف يقرب منها مفهوم وقلتلك قبل كده ما تنطقش اسمها على لسانك.
يوسف ضحك بصوت عالي ولكنه كان بيتالم وما قدرش يكمل ضحك وادم زقو ورماه على الكنبه وخرج بدون اي كلام.
اروى خرجت من الاوضه بسرعه وقعدت جنب يوسف وهي بتعيط ومش قادره تستوعب اللي حصل في يوسف.
يوسف بكل هدوء بعد ما مسك ايديها: ما تخافيش يا حبيبتي عليا وما تقلقيش انا متعود منه على الحاجات دي مفيش اي حاجه حصلت.
اروى وهي بتعيط: ده لا يمكن يكون بني ادم ده حيوان همجي لا عنده عزيز ولا غالي ازاي يجيله قلب يعمل فيك كده وكمان في بيتك.
يوسف بعد ما سند عليها ومات على نفسه من الضحك: هو كده عمل حاجه يا بنتي! اسكتي انت ما تعرفيش حاجه.
ده كده كان بيسلم عليا بس وبعدين انا استاهل اصلا انا اللي استفزيته وطلعت منو كل الحجات دى .
اروى باستغراب: يعني ايه استفزيته وطلعت منه كل الحاجات دي.
وبعدين انت ازاي تتكلم عن يارا بالطريقه دي.
يوسف ضحك ومسك ايديها: انا عارف صاحبي كويس وعارف ايه الحاجه اللي بتوجعه اي نعم بيصعب عليا كتير جدا اني افهمه بس انا عرفت انه بيغير عليها من الهوا علشان كده قلت ادوس على الوتر ده بس هو الحمد لله ما تاثرش خالص وسابني ومشي وده اللي انا افتكرته وقلت هيسيبني ومش هيجي جنبي خلاص وانا دلوقتي ربنا رحمني بس سبحان الله لقيته جاي دلوقتي في البيت وداس على رقبتي انا فكرته هيعمل كده في الشركه بس مسك نفسه.
اروى ضحكت وقامت حضرت الاسعافات الاوليه وقعدت جنب يوسف وبدات تعالج جراحه وهو فضل يبصلها بحب وبعد كده حط ايديه على بطنها المتكوره وقالها: يا ترى اخبار حزلقوم ايه.
اروى خبطته على كتفه بلطف وقالتله: احترم نفسك ده ابني ما تقولش عليه حزلقوم.
يوسف قرب منها وهو مليان دم وجراح وخطف بوسه من شفتها ورجع بسرعه مكانه اروى اتكسفت وخدودها بقت شبه الفراوله
وبصت للارض ويوسف ابتسم مسك خدها ورفع راسها وبص في عينيها وحضنها وقال بكل حب وحنان: اهو بقى كل الضرب اللي انا اخذته والبهدله اللي انا فيها دي مجرد شوفتى ليكي بتنسيني كل وجع .
ربنا يخليكي ليا انتى والقمر اللي في بطنك وتفضلوا ماليين عليا حياتي.
