ادم بص قدامه بحزن شديد جدا على قبر امه حاسس بوجع كبير وبيفتكر كلمات صاحبه: فوق يا صاحبي قبل ما يفوت الاوان فوق يا ادم قبل ما تخسر كل حاجه وتندم على كل غلط عملتها.
بيفتكر كلمات يارا ليه في المستشفى: ارجوك ما تسيبنيش انا محتاجاك وعايزاك تبقى عارف ان انا بستمد قوتي منك وبحس بالامان وانا جنبك.
أحببتها أثناء انتقامي (الجزء الثامن والعشرون) للكاتبة عليا حمدي
الفصل الثاني( الأفعى والعقرب)
مطرقة الرعد (الجزء 4 والأخير) للكاتب عمار عبد البديع
ادم فضل يفتكر ذكرياته مع يارا والحاجات الحلوه الكثيره اللي كانت بتعملها معاه.
بيفتكر لما كانت بتصحى بالليل وتفضل تدعيله وهي ساجده رغم انه اذاها كتير وظلمها .
بيفتكر صدى صوتها في ودانه لما كانت تفضل تقول له في ودنه وهو نايم: بحبك بحبك بحبك.
بيفتكر لما كانت بتحضنه في المطبخ وازاي فرحتها كانت كبيره جدا ان هو رضي عنها بيفتكر لما شكرته على لطفه ومعاملته الكويسه ليها ولما اتعلقت في حضنه زي العيال الصغيره بيفتكر لما كانت سهرانه جنبه طول الليل ولما تعب كانت هي اول واحده جنبه وبتخلي بالها منه فضلت سهرانه وما اشتكتش ابدا.
بيفتكر ضحكتها الجميله وروحها الحلوه وجمالها الخلاب بيفتكر نظراتها الهادئه لما كانت بتبقى راضيه عنه.
افتكر لما اتفقوا انهم هيعيشوا حياه جميله سوا في العربيه ولما باسته في خده كان احساسه لا يوصف من الفرح.
بيفتكر لما كانت في المطبخ واتبهدلت بالدقيق على وشها وازاي كان شكلها لطيف جدا وشفايفها كانت شبه الفراوله.
افتكر لما كان واقف في البلكونه وشاف يارا وهي بتكتب على الرمله : ليتك تحبني كما احبك.
وفضل يفتكر لحظاتهم السعيده كلها.
ادم عينيه بدات تحمر بشده وبدا يضغط على فك لحد ما عضلات فكه ظهرت وبدا يتكلم مع والدته: انا من اول مره شفتها وانا متعلق بيها كنت خايف تضيع مني.
انا عارف ان وانا متعصب ما ببقاش شايف قدامي وخصوصا لما الموضوع يبقى يخصك انت وحد يغلط فيك وانت عارفه اني متعلق بيكي ما بقدرش اسمع كلمه غلط عليكى .
انا كنت خايف ااذيها علشان كده بعدت عنها وقلت هي هتروح وتسيب الفيلا بس رجعت ولقيتها مستنياني يا امي.
انا كنت فاكر ان هي هترتاح في بعدي وانا كمان هرتاح لما ماشوفهاش بس انا وجعتها قوي يا امي.
وجعتها لدرجه اني ما اقدرش جروحها انا اذيتها جامد وكسرت جواها حاجات حلوه كتير.
انا ما اقدرش ازعل منها ولا اعتبرها لان احنا فعلا السبب في كل اللي حصل لها كلنا كنا انا نيين وفكرنا في خططنا احنا بس وفي مصلحتنا وما حدش فكر هي هتحس بايه او ايه اللي هيجرالها لما تعرف الحقيقه انا عمري ما هزعل منها يا ماما وعمري ما هعتب عليها لان هي ما غلطتش وحقها تعمل اكتر من كده.
بس انتى عارفه انا تعلقت بيها قد ايه يا ماما اتعلقت بيها قوي وحبيتها.
عارفه كم الوجع اللي جوايا دلوقتي وانا مش شايفها جنبي وحاسس بالذنب من ناحيتها.
يا ريتك كنت جنبي يا امي كان نفسي اترمي في حضنك واشكيلك همي.
انا عارف انك لو كنتى جنبي دلوقتي كنتى هتزعلي مني جدا بس احنا عملنا كده علشان خاطرك.
انا بعترف فعلا ان احنا اتصرفنا بطريقه غلط جدا وما ينفعش رد الغلط بغلط.
