وبعد كده لفت وشها وبصت ليوسف وقالتله: متشكره ليك يا باشمهندس على كل حاجه عملتها حلوه شكرا انك وقفت جنب صاحب عمرك وساعدته ينفذ انتقامه ووقفت جنب ابوه يا بخته بيك الصراحه وخلي بالك من مراتك اروى هي اه باعت صاحبه عمرها وذليتها وحسستها بالكسره عمرها ما حست بيها وخذلتها بس مش مهم اهتموا ببعضيكم وحبوا بعض اروى انسانه ما تتعوضش ولما تخلفوا ابنكم ربوه كويس وحافظوا عليه ولما يكبر اوعوا تعمله معاه حاجه تزعله او تكسرله نفسيته زي ما عملتو معايا.
وبعد كده لفت وشها لادم وقالتله: انت بقى مسك الختام خلي بالك من نفسك بجد كنت زوج رائع وابن صالح جدا خدت حق امك وانتقمت بذمه ما شاء الله عليك يا بخت امك بيك اكيد هي مبسوطه بيك دلوقتي بالنجاح الرهيب اللي انت حققته وبهنيك على ذكائك اللي يوصلك لاكثر الطرق اللي تقتل بيها قلب المراه وبهنيك برضو على برودك اللي انت عايش بيه ومخليك مش فارق معاك اي حاجه في الدنيا ومموت قلبك فعلا زي ما المثل بيقول( عيش بارد تموت بصحتك)
البطل المُنتظر (الجزء 4 والأخير) للكاتب عمار عبد البديع
أحببتها أثناء انتقامي (الجزء الحادي عشر) للكاتبة عليا حمدي
احببتها اثناء انتقامي (الجزء33)
وانت ما شاء الله تاخد جائزه اوسكار في البرود.
وعلى فكره ما بقاش في في قلبي ذره حب واحده ليك والحب ده اتحول لكراهيه كبيره جدا ده معناه ان انا مش طايقه اشوف وشك ولا طايقه اسمع صوتك.
وبالهداوه كده عايزه ورقه طلاقه توصلني في اسرع وقت مفهوم!
وخدت شنطتها ومشيت ناحيه باب الاوضه ولفت وشها وقالت لهم: انا همشي دلوقتي ومحدش يسالني انا رايحه فين وما تخافوش عليا قوي لو انتوا حاسين ان انا لسه بنتكم انا بقيت بعرف اتصرف لوحدي لان ما شاء الله جوزي عودني على الغربه والوحده في الخمس شهور اللي فاتت فانا هعرف اتاقلم واتعايش في اي مكان وارض الله واسعه وما تحاولوش توصلوا لي علشان انا خلاص بجد قررت ان انا مش عايز اشوفكم ثاني ورافه بيكوا هسيب لكم التليفون بتاعي مفتوح بس برضو مش هرد عليكم لان مش طايقه اسمع صوتكم ولفت وشها لادم وقالت له قبل ما تخرج: يا ريت في اسرع وقت توصلني رساله ان الرابط اللي بيني وبينك انتهى لان مش عايز ابقى محسوبه وعلى ذمه واحد زيك.
