انا عملت لكم ايه عشان تعملوا فيا كل ده؟!
والله العظيم انا حبيتك اكتر من اي حد في الدنيا. ليه عملت معايا كل ده!؟
احببتها اثناء انتقامي( الجزء 45)
عيناي لا ترى الضوء (الجزء الخامس عشر والأخير) للكاتبة هدير محمد
ليلة العمر الذهبية (الجزء7)
بس تعرف يا حبيبي انا فرحانه لك جدا.
اه مش مصدقني!؟
فرحانه لك جدا علشان اللي بيحب حد بيحب له النجاح.
وانت ما شاء الله عليك نجحت في خطتك نجاح باهر.
انتقمت من ابويا وعملت اللي عليك ورجعتني جسد من غير روح ورميتني زي الكلبه قدامو اهو وانا بعيط ومذلوله.
مش ده اللي انت كنت عايزه؟
مبروك عليك يا عم.
بس تعرف انت برضو عملت حاجات تانيه كتير.
زي مثلا انك كسرت قلبي وكرهتني في الحب ولاني ما لقيتش منه غير الوجع والالم فعمري ما هحب تاني.
نجحت انك تكسر جوايا حاجات كتير حلوه وعمرها ما هترجع ابدا.
نجحت في انك تحول قلبي لقطعه حجر زيك بالظبط.
نجحت في انك تصنع مني نسخه جديده طبق الاصل من نسخه مامتك بس زود عليها شويه وجع وكسره قلب واضافه ان الوجع مش من حبيبها بس ده من ابوها وحماها وجوزها.
مبروك يا جوزي يا حبيب قلبي خدت حق امك تالت ومتلت .
واكيد هي فخوره بيك جدا دلوقتي وهي في قبرها ومبسوطه بابنها اللي خد لها حقها من كل اللي اذوها.
فعلا يا ادم اللي خلف ما ماتش يا بخت مامتك بيك.
ادم حاول يقرب منها شويه وبعد كده قال بصوت هادي: يارا انا…..
يارا بتقاطعوا وبتقوله بصوت كله اصرار وعزيمه: انا مش عايز اسمع صوتك تاني ولا عايزاك تقول اي كلمه ولا عايز اشوف وشك طول حياتي: وقربت منه وقالت له الجمله بتاعته كنوع من انواع الانتقام: اصل انا عايز اخلص من القرف ده.
وبعدت عنه شويه وفضلت ترجع ناحيه امها وهي بصه في عينيه.
وبعد كده قربت من امها وباست ايديها وقالت لها بصوت كله حزن: انتى حبيبتي وانتى اللي خايفه عليا استاذنك ان انا هبعد شويه لان انا محتاجه اريح اعصابي ومش هينفع اقعد مع با..
قصدي الاستاذ احمد في بيت واحد لان ما بقتش معترفه ان هو ابويا ولا طايق اشوفه هو كمان.
ومعلش بقى يا ماما هبعد عن الناس اللي اذتني جامد دي لاني محتاجه اهتم بنفسي وابطل عبط شويه.
وما تقلقيش عليا انا هروح في مكان اعتزل فيه الناس ورايح اعصابي شويه وهرجع لك في اقرب وقت علشان عايز اشوفك واقعد معاكى انتى واروى تاني عشان انتو الاتنين خلاص الوحيدين اللي في الدنيا اللي يهمهم امري وانا مهتمه بيهم انا كمان.
ومعلش ان انا قلت كل الكلام ده كله قدامك انا ما كنتش عايز اشيلك هم بس كان لازم تعرفوا الحقيقه علشان تعذروني.
يارا حضنت امها جامد وحاولت تحس بالحضن بتاعها لان هي كانت مفتقده الحنان لفتره كبيره جدا.
ولان سميه كانت عارفه وحاسه بذنب شديد ما عرفتش تبادلها الحضن وكانت بتعيط بحرقه.
يارا بعدت عنها ببطء وبصت في عينيها وبلعت ريقها وقالتلها وهى مرعوبه بصوت كله كسره نفس وخوف: انت….ى …كمان كنتى . عا..رف..ه.
وكانت بتقول كده على امل ان امها تنكر كلامها: لكن سميه ما تقدرش تكذب وبتفضل تعيط بحرقه شديده جدا.
يارا لفت وشها ناحيه اروى على امل ان هي تكون ما تعرفش الموضوع وبتقولها بصوت كله وجع قلب: ارجوكي قولي انك ما كنتيش تعرفي وكانت بتعيط بطريقه كله قلبه اتقطع عليها.
اروى بتبص في الارض وما بتقدرش تبص في عين يارا وبتعيط بحرقه هي كمان.
يتبع…….
