قولولي انتم لو مكاني هتحسوا بايه ؟
وتعرفوا رغم كل ده برده حبيته.
ليلة العمر الذهبية ( الجزء 3)
أحببتها أثناء انتقامي (الجزء الثالث والعشرون) للكاتبة عليا حمدي
مطرقة الرعد (الجزء 4 والأخير) للكاتب عمار عبد البديع
ايوه حبيته رغم كل العيوب اللي فيه ومع انه ما عملش معايا اي حاجه حلوه حبيت قسوته وجفاءه عليا ومعاملته السيئه ليا طول الوقت وكسره لخواطري طول الوقت.
فاكره يا اروى؟
فاكره ساعه لما سالتيني وقلتي لي انت بتحبي ادم ولا لا قبل الجواز وانا ساعتها قلت لك ان انا متعلقه بيه دلوقتي لكن ما حبيتوش الحب الحقيقي هحبه لما اتعامل معاه واعرف مميزاته وعيوبه.
اهو انا ده بقى دلوقتي بقول لك ان انا حبيت رغم العيوب اللي كانت فيه دي كلها رغم ان كان شديد عليا وما كانش بيقول لي اي كلمه حلوه وكان دايما بيكسر بخاطري وبيقول لي كلام ما ينفعش راجل يقوله لمراته ابدا ورغم ان اول يوم سابني ورماني فيه في البيت لوحدي وفضل سايبني خمس شهور الى ان انا فضلت صيناه وحبيته وقعدت ربنا ووعدت نفسي ان انا مش هغزل وهفضل احبه لحد اما ربنا يجبر بخاطري ويخليه يحبني هو كمان.
لكن في المقابل لقيت منه معامله سيئه جدا وكلام ما ينفعش واحده تسمعه من جوزها وما فيش مره كنت بقرب منه الا لما لازم يقول لي كلام يكسر بيه نفسي ويكسر قلبي وبرغم كل اللي بيحصل لي ده الى ان انا كنت بنسى كل حاجه اول ما بيبتسم في وشي.
طب تعرفي يا اروى رغم كل اللي حصل ده وكل اللي عمله معايا برضو كنت عايزه اديله فرصه ثانيه ولما اجيه هنا معايا المستشفى ولقيت ابويا في اوضه العمليات خفت جدا ومسكت ايده وطلبت منه انه يفضل جنبي ويطمني.
بس تعرفي عمل ايه يا اروى؟
هقول لك انا.
سحب ايده من ايدي وبص لي بصه وحشه جدا وكسر قلبي وسابني ومشي يا اروى.
سابني وانا بعيط وقلبي مكسور ومذلوله وحاسه بالضعف وانا لوحدي حتى ما طمنيش ولا فضل جنبي الفتره دي.
لا سابني ولا كاني اتقل شخص على قلبه في العالم.
طب ازاي عايزينى اديله فرصه ثانيه يا جماعه ؟
ازاي بعد الوجع ده كله هنسى بالسهوله دي وهسامحه؟
ده وجعني قوي ووجعني جدا وكسر حته في قلبي عمرها ما هتتصلح.
تعالت صرخات يارا في المستشفى كلها وفضلت تعيط بحرقه شديده وكل اللي في الاوضه مش مصدقين اللي شايفينه قدامهم.
واروى كانت عماله تعيط بحرقه على صاحبتها وعينيها اتملت دموع وقعت من طولها من كتر التعب ومش مصدقه ان صاحبه عمرها حصل فيها كل ده واستحملته لوحدها .
ويوسف بيحاول يقوم مراته من على الارض وهو عمال يعيط وعينيه مليانه دموع على مرات صاحبه وما كانش مصدق ان ادم عمل فيها كل ده هل ده صاحبه فعلا اللي واكل معاه عيش وملح ولا ده شيطان متجسد في جسم ادم!!
وسميه وقعت على الكنبه ميته على نفسها من العياط وبتحاول تحط ايديها على بقها علشان تسد الصوت وعنيها حمراء جدا من كتر العياط والوجع على بنتها اللي اتحملت وشافت العذاب لوحدها ومحدش سال فيها.
وسميه واروى كانوا مرعوبين جدا ان يارا تعرف انهم كانوا عارفين باللي بيحصل لها وساكتين وما حدش قال لها..
وفي نفس الوقت احمد برده حاله ما كانش افضل حلو لانه كان عمال يعيط بحرقه على ورده عمره اللي ضيع فيها كل امله وهو شايفها بتذبل قدامه.
ورافت قاعد مش مصدق اللي بيحصل قدامه وان ابنه عمل كل ده في افضل بنت شافها في حياته.
البنت اللي كانت بتمبض بالحياه وكانت روحها حلوه وبتضحك طول الوقت وادم موتها تماما.
وفي نفس الوقت برده ادم ما كانش مستوعب اللي هو عمله كان فاكر ان هو لما يبعد عن يارا هيرحمها من الاذى بتاعه لكن اكتشف ان هو لما بعد عنها تعبها اكتر واذى كل حاجه حلوه جواها وقتل روح الطفل اللي جواها.
ادم حس بذنب فظيع وحس انو ما يستحقش حب الملاك دي لانه طلع واطي جدا واذاها اكثر ما الشيطان كان هياذيه وقرر انه ما يستاهلش كل الحب دا.
ادم اتنهد بالم وقام من على الكرسي ووطى على الارض علشان يجيب يارا وبص في عينيها لقاها واسعه جدا معنى كده ان هي لسه مصدومه من الموقف ومش مستوعبه وعينيها كلها وجع والم وامسكها من ايديها ووقفها.
يارا بصيت له وهي اصلا مش شايفه اي حاجه والرؤيه بقت مشوشه من كتر الدموع اللي نزلت من عينيها وغير ان هي مجهده جدا وطبعا ما بتاكلش وحاسه باغماء .
وفجاه بتقول بصوت كله استعطاف: طب ليه!؟
