كله دخل واتلم حوالين احمد واحمد كان مبسوط جدا لما شاف قلق بنته عليه وطلب منها تجيب كرسي وتقعد قدامه ويارا عملت زي ما هو طلب منها.
بعد ما كله دخل الغرفه كان احمد نايم على السرير ورافت واقف جنبه وسميه قاعده على كنبه جنب سرير احمد وادم ويوسف واقفين قدام الباب واروى قاعده جنب يوسف على الكرسي.
احببتها اثناء انتقامي( الجزء44)
ليلة العمر الذهبية (الجزء 4)
أحببتها أثناء انتقامي (الجزء الثاني) للكاتبة عليا حمدي
يارا كانت قاعده قدام ابوها زي ما طلب منها وبعد كده فجاه بينده ادم وبيقول له: بعد اذنك يا ادم يا ابني تعالى خد كرسي واقعد جنب يارا عايزك في حاجه مهمه.
ادم استغرب جدا من طلب احمد لكنه فعلا بيجيب كرسي وبيقعد جنب يارا وهم الاثنين بقوا قاعدين قدام احمد مباشره.
الاوضه كانت فيها اجواء موتره جدا وكله كان مستغرب وفاجاه احمد بيقول: ادم ويارا عايز اقول لكم على حاجه مهمه ولازم تعرفوها.
ادم ويار استغربوا جدا بس يارا بتعارض وبتقول لابوها: يا بابا مش عايزين نعرف اي حاجه غير انك تقوم بالسلامه وترجع البيت وبعد كده نتكلم في اللي انت عايزه استريح انت دلوقتي وحاول ما تبزلش مجهود.
احمد بيعارض بنته وبيقولها: لا طالما كلكم مجتمعين دلوقتي لازم اقول لكم على حاجه مهمه جدا.
ازداد توتر الكل وادم ويارا اتعجبو جدا لكن ادم بيتكلم وبيقول: اتفضل يا عم عايز تقول ايه.
احمد: سامحوني يا ولاد بس انا كذبت عليكم.
يارا برقت بقوه وما كانتش مصدقه اللي سمعته من ابوها لان هي اكتر حاجه بتكرهها الكذب وغير ان هي اتكذب عليها من ابوها واقرب الناس ليها وغير ان هي في حياتها كلها كانت بتبعد عن اغلب اصحابها واغلب قرايبها بسبب عاده الكذب عندهم.
احمد بيكمل: انا في خلال الشهور اللي فاتت ما كنتش مسافر عند ناس قريبنا ولا حاجه انا كنت مسافر بره مصر علشان كنت بعمل عمليه في القلب وما رضيتش اقولكم واقلقكم عليا.
يارا اتصدمت وقامت وقفت من كتر التوتر والصدمه وادم كان لسه قاعد في مكانه وما اتحركش ولا حركه وكان في قمه.
احمد: اقعدي يا يارا لسه في كلام كتير عايز يتقال.
يارا قعدت وهي لسه مصدومه ومندهشه جدا من كلام ابوها.
ادم: وبيتهيا لي يوسف واروى كانوا عارفين من قبلنا مش كده.
يارا بصت لادم بندهاش وبعد كده بصت لاروى لقيتها بصه في الارض وبتلعب في ايديها من التوتر وعرفت من حركاتها ان هي كانت عارفه فعلا وبعد كده رجعت تبص لابوها تاني.
رافت: اصبري يا يارا وانا هفهمك كل حاجه وهقول لك على كل الحقيقه.
وبعد كده وجه حديثه لادم: قل لها يلا يا ادم انت اتجوزتها ليه.
يارا فتحت عينيها جامد وبرقت وما كانتش مصدقه الكلام اللي بتسمعه وهل رافت يعرف سبب اللي ادم بيعمله في يارا وايه علاقه جواز يارا من ادم بعمليه ابوها وهل ليه علاقه بكذب ابوها عليها!؟
وفي الناحيه الثانيه ادم كان مصدوم جدا ومكانش مصدق هل فعلا ابوه يعرف بحقيقه الامر ولا هو بيتكلم في موضوع ثاني وبعد كده قعد لمده خمس ثواني يفكر وبعد كده برق وفتح عينيه جامد وبص ناحيه يوسف وما جاش في باله غير يوسف لان هو الوحيد اللي ممكن يكون عمل كده وقال لابوه بص ليوسف ولقاه متوتر وباصص في الارض فعارف ان هو.
رجع بص لابوه ما تكلمش.
رافت: طبعا انا عارف ابني الكاريزما هتنقح عليه ومش هيتكلم وهيكابر ما هو ادم اللي ما لوش كبير بقى.
وقفت يارا وصوتت: ما كفايه لعب باعصابي بقى ممكن حد يفهمني ايه اللي بيحصل.
رافت: اهدي يا يارا واقعدي وانا هفهمك كل حاجه.
رافت: بصى يا يارا ادم اتجوزك علشان يحرق قلب ابوكى عليكى وينتقم منه فيكى ويعذبك ويخلي ابوكى يحس بالندم.
يارا فاتحه عينيها وبقها على الاخر ومش مستوعبه الكلام اللي رافت بيقوله وبصت في الارض ومش فاهمه وبتحاول تكذب ودنها وبعد كده بتبص لابوها تلاقيه حاطط ايديه على وشه وبعد كده بصت لادم لقيته قاعد بكل هدوء وبرود وكله جبروت ومش فارق معاه حاجه.
يارا حست ان قلبها بيتكسر قدام الكل وما حدش حاسس بيها وقالت بصوت مهزوز: طب ليه.
احمد بعد ما شال ايده من على وشه كان حاسس بالذنب جدا وقلبه بيتقطع على بنته: علشان ينتقم لامه يا بنتي.
ادم رفع عينيه في عين احمد وبصله بطريقه تقتل ولو كانت النظرات بتقتل احمد كان زمانه مات.
ادم: ده الكل عارف بقى.
رد رافت: لان احنا السبب.
