نسيم مش معقوله كدا ياماما كل يوم الراجل دا يعمل كدا صوتهم عالي حرام عليه بجد من اللي بيعمله كل يوم فيهم.
امنيه واحنا بأيدينا نعمل اي يابني. لسه مخلصتش كلامها خبط الباب. فتحت الباب.
المعلم الصادق… قصة تأثير الإلهام والتغيير في حياة الطلاب
غرفة 110
عبده الفكاهي: نكت مصرية مضحكة ستجعلك تضحك حتى البكاء
شروق ماما ياطنط الحقونا.
نسيم جري علي البيت وحصل مشده بينه وبين جوزها واخد الست سندها لحد بيته. اتفضلي هنا ياطنط انتي وشروق ارتاحو شويه.
شروق بس انا خايفه من بابا يجي ورانا هنا.
نسيم متخافيش هو مشي ومش هيرجع تاني دلوقتي. عن اذنكم خدو راحتكم انا نازل. لو حصل اي حاجه رني عليا ياماما تلاقيني في اسرع وقت عندكم.
طه رن علي نسيم اي فينك يابني.
نسيم انا لسه خارج من البيت نازل رايح اقعد علي كافتريا شويه.
طه ابعتلي لوكيشن المكان جايلك. لبس وهو وطالع من اوضته شاف المطبخ مفتوح. والبنت نايمه علي الارض والجو برد. يا وردة اصحي.
وردة صحيت من النوم. طه بيه اوامر حضرتك.
طه هو اي طه بيه دا اسمي طه. وبعدين انتي اي اللي نومك في الارض كدا وفي المطبخ كمان ملكيش اوضه تقعدي فيها.
وردة بصراحه عندي فرشه بس انا من كتر التعب نمت وماحستش بنفسي.
طه طيب لمه تيجي تنامي مره تانيه تقفلي عليكي الباب متنميش كدا.
وردة مقدرش دي كانت الست تسنيم تبهدلني.
طه اولا اسمها تسنيم وانا اسمي طه بلاش كلمة بيه وهانم والست والكلام دا. ثانيا انتي مين طلب منك تقولي له كدا.
وردة الست هانم طلبت انده حضراتكم بكدا.
طه برضو الست هانم. وسابها ونزل. وصل للمكان اللي بعتهولو نسيم. قاعد لوحدك ليه.
نسيم اصلو الست اللي قصادنا اتخنقت مع جوزها. وهي وبنتها شروق عندنا في الشقه. قولت اسيبهم ياخدو راحتهم.
طه اومال ياعم الله يسهلو بقا.
نسيم طول ما اللي زيك بصلي في حاجه مش هفلح خالص.
طه بص انا في حاجه من وقت ما وصلت مش فاهمها خالص.
نسيم هي اي سامعك.
طه في بنت عندنا في البيت بيقولوا انها الشغاله. ماما طول الوقت بتعملها وحش. مش عارف ليه وبتكدبها في كل حاجه. بس انا مقدر انه في ناس كتير مش بتدى وش للناس اللي شغاله عندهم بس مش بالطريقه دي. تبص في وش البنت بريئه وتقول مش بتكدب ودايما بتعيط. تبص ل ماما تحسها بتكرها متعرفش ليه. اللي مش قادر افهمه لمه هي وحشه وبتسرق وكدابه ليه شغاله لحد دلوقتي عندنا.
نسيم انت اسال خالتي. او اقولك انت حاول تشوف الاتنين وتوقعهم وساعتها هتحس وتعرف مين بيكدب ومين صادق.
طه طيب انت متعرفش مين البنت دي.
نسيم لا والله انا يوم ما جت عندكم البيت يومها حصلت مشكله كبيره اوي بين امك وامي ومن وقتها مش بيكلمو بعض ووقتها كان عندها ١٣ سنه وانا كنت في ثانوي مش فاكر بالظبط حصل اي.
نسيم اي دا ماما بترن. شكلهم مشيو. تصبح علي خير.
طه وانت من اهله مشي وراح ينام. تاني يوم الصبح…
نزل وراح بيت نسيم خبط علي الباب.
امنيه اي دا طه ازيك يابني وحشتني والله.
طه وانتي كمان ياخالتو طمنيني عنك.
امنيه بخير ياحبيبي وانت.
طه الحمدلله ياخالتو. هو نسيم موجود.
امنيه اه يابني نايم جوه. اتفضل ياحبيبي.
طه احسن برضو ياخالتو انا كنت عايزك في حاجه كدا قبل مايقوم من النوم نسيم.
امنيه حاجت اي يابني قلقتني.
طه كنت عايز اعرف اي حكاية الشغاله اللي عندنا في البيت. وليه ماما بتعملها بالقسوه دي ومش بتحبها.
امنيه بص يابني علشان اخلص ضميري قدام ربنا كل اللي اقدر اقوله البنت دي قريبه منك اوي وبنت ناس وناس محترمه وكويسه. بس الزمن جه عليهم. انا مش عايزه مشاكل مع والدتك اكتر من كدا مش هقولك. بس انا واثقه انك هتقدر تعرف كل حاجه لوحدك.
