نسيم صباح الخير. اي دا طه هنا.
طه انا همشي دلوقتي وهجيلكم في وقت تاني عن اذنكم
ملوك الجدعنة (1)
رحلة سارة مع حماتها
شجاعة وصداقة…رحلة استكشاف سارة وعلي نحو السعادة
نسيم هو في اي ياماما.
امنيه بيدور في الماضي بس انا واثقه انه طه هيقدر يوصل للحقيقه.
طه اول ما دخل البيت كلهم نايمين. دخل اوضته وبعد شويه طلع. كانت مامته صحيت. حاول يتظاهر انه لسه صاحي.
طه صباح الخير ياماما.
مني صباح النور ياروح ماما. يلا خمس دقايق والفطار يكون جهز لحد ماتدخل تاخد شارو.
مني اي يابت مجهزتيش الفطار ليه.
وردة جهز اهو.
مني هو اي اللي جهز مش شايفه غير طعميه وفول واكل بلدي.
وردة اصلي استاذ طه هو اللي طلب مني يفطر كدا.
مني ابني بقاله ١٠سنين متغرب ومتعود علي الاكل الغالي بتاع البشوات اجري حضري فطار عدل وبطلي كدب.
وردة شالت الاكل وعملت زي ماطلبت منها مني.
مني يلا ياحبيبي افطر. البنت دي قال مجهزالك فطار بلدى وبتكدب وبتقول انك طلبت منها تعملو كل دا علشان ماتتعبش. بقا ابني انا اللي متربي علي الغالي ياكل الاكل دا.
طه انا طلبت منك الفطار دا.
وردة حست انه زيهم. انا اسفه يابيه. والدموع نزلت منها ومشيت.
طه بس انا ياماما طلبت منها كدا فعلا.
مني اتصدمت وسكتت.
طه ممكن تعمليلي شاي ياوردة ودخليها ورايا الاوضه.
تسنيم هو في اي ياماما. طه بيتعامل كدا ليه.؟!
مني دا ابني وانا عارفاه بيحاول يوصل لحاجه بخصوص وردة.
وردة خبطت علي الباب.
طه اتفضلي.
وردة حطت الشاي وهي وطالعه.
طه استني لحظه هو انتي اسم باباكي اي.
وردة توترت وبصت للارض. يمكن ميعرفش انا ابقا مين وبيسال عادي اسمي وردة محمد عبدالله محسن.
طه بس انا عايز اعرف انتي تقربيلي اي؟!
وردة بس انا مقربش لحضرتك. وطلعت من الاوضه.
مني اول ما طلعت اخدتها اوضتها كان بيقولك اي كل دا.
وردة بيسأل انا اقربله اي.
مني وانتي رديتي عليه بأيه يابت.
وردة مقلتلوش حاجه. وطلعت من عنده.
مني انتي مش لازم تقعدي هنا ولا ثانيه كمان.
وردة بدموع زي المطر بالله عليكي مترمنيش في الشارع انا مصدقت اقعد عندكم كل اللي تؤمري بيه يحصل وانا مش هخليه يعرف حاجه.
مني طيب يلا روحي شوفي وراكي اي في البيت وخلصيه.
وردة مسحت دموعها. حاضر.
تسنيم وهنعمل اي ياماما دلوقتي.؟!
مني البنت دي مينفعش تقعد تاني. كفايا لحد كدا.
تسنيم بس انتي ياماما قولتيلها اقعدي. وبعدين هي هتخاف تتكلم خليها واهو بتشوف حاجاتنا وبتخدمنا.
مني هي مش بتتكلم علشان قاعده هنا انما اول ماتطلع برا البيت هتفضحنا. اخوكي لو عرف مش هيسكت.
تسنيم طيب وهنعمل اي ياماما.
مني اول ماينزل اخوكي هنطلعها برا بالعافيه. هو احنا نقصين مشاكل معاه. عايزاكي تعرفيني اول ماينزل.
تسنيم حاضر ياماما.
وبعد مرور ساعتين نزل طه…
تسنيم طه نزل ياماما.
مني دخلت المطبخ. سيبي اللي في ايدك دا واطلعي لمي كل حاجه ليكي من هنا وماشوفش وشك تاني.
وردة ليه يامرات خالي انا عملت اي. والله مافتحت بقي بكلمه.
مني بقولك اي مش عايزه رغي كتير بقولك برا. ومسكتها وخرجتها برا البيت.
وردة قعدت علي الرصيف مش عارفه تروح فين ولا تعمل اي.
طه اول مارجع البيت شاف وردة علي الرصيف وبتعيط. مالك في اي؟! وليه قاعده كدا في الشارع.؟!
وردة انت مش كنت عايز تعرف انا ابقا مين. انا بنت عمتك نهى الله يرحمها اللي اتبهدلت من بعدها واترميت في الشارع.
طه انتي مش كنت عايشه مع عمك؟! لمه حصل كدا وخسرتي والدك و والدتك سالت عليكي كتير قالولي انه عمك اخدك.
وردة هو اخدني فعلا وبعد ما الحمل زاد عليه رماني في الشارع. ما لقيتش مكان اروح عليه اللي عند خالي.وزي ما انت شايف رجعت دلوقتي اترميت من تاني في الشارع.
طه انا مش هسمح بده تقبلي تتجوزيني.؟!
وفي الجانب الاخر…
نيسم ما تعرفيش يا ماما اخبار عن شروق ومامتها.
امنيه ابدا والله يا ابني كل اللي اعرفه انهم رجعوا البيت من تاني واتكسفت اروح لهم. بتسال عنهم ليه؟!
نسيم بصراحه يا ماما انا عايزه اتجوز شروق. ويهمني اكيد ان حضرتك تكوني موافقه.
امينه اكيد يا ابني دي حاجه تفرحني وشروق بنتي محترمه وبنت ناس. انا نفسي افرح بيك من زمان. اخيرا حققت امنيتي وهشوفك احلى عريس في الدنيا.
نسيم تقدم وطلب ايد شروق من مامتها مامتها وافقت واتجوزوا وكانت حياتهم سعيده.
اما بالنسبه ل وردة وطه وافقت وردة انها تتجوز طه وخلفت ولدين زياد و معاذ وعاشوا حياه في منتهى السعاده والرخاء. بالنسبه لمنى فهي ما كانتش موافقه من جواز ابنها الوحيد من ورده اللي هي بتعتبرها انها الخدامه بتاعتهم ولكن لما شافت احفادها كل دا اتغير وشافتهم عايشين حياه سعيده ومستقره قلبها حن وكانت هي كمان مبسوطه
ربنا سبحانه وتعالى انعم على وردة بعد التعب والبهدله اللي هي شفتها في حياتها واكرمها بزوج صالح قدر ان هو يحافظ عليها. ويكرمها اكيد بعد الصبر اللي هي شافته والعذاب قدر ان ربنا يعوضها عن كل ده لذلك فان بعد الصبر جبر. لازم نصبر على قضاء ربنا ونعرف ان ربنا اكيد ليه حكمه في كل اللي حصل ولسه بيحصل لنا ثقو تمام الثقه ان ربنا معانا في كل دقيقه في حياتنا وانه مش هيسيبنا ابدا هي بس المساله مساله وقت اختبار من ربنا سبحانه وتعالى لينا وعن مدى تحملنا لقضاء ربنا سبحانه وتعالى.
