اه انا بقا الفلاحه اللي عاشت واتربة ورا البهايم وسيادتك اتجوزتها مش دا اللي بتقولو في الرايحه والجايه…
مسحت دموعها وبكل قوة، ولعلمك انا مش هتغير وهتشوف الفلاحه دي هتعمل اي.
التكبر: رحلة صوفيا من الغطرسة إلى التواضع… كن من تكن فأنت من تراب
“عائلة الضحكات” مغامرات مضحكة ومشوقة في سبيل السعادة
الدمية الغامضة ولعنة الظلام
انا اسمي مي عبدالله زيدان، عندي ٢١ سنه، بدرس في الجامعه الامريكيه.
ومش بس كدا انا كمان عندي موهبة الكتابه عندي اكتر من كتاب ولكن بنزلهم بأسمي وهمي.
اخدت هويتي من بابا الله يرحمه، وكمان شبه ماما اخدت منها الجمال كلو الله يرحمها.
اه انا يتيمة الاب والام وكان عندي اخ كبير حسام، حياتي كلها اتغيرت.
كنا في الطريق راجعين من عند جدو والد ماما، فقدت عيلتي جدو والد بابا رفض انه اعيش معاه، الغريب انه كان عايز يرميني في الملجأ، الاغرب من دا انه اهل بابا كانوا موافقين جدو.
جدو المهدي رفض بشده، وقرر انه ياخدني يربيني وقالهم بالحرف كدا، دي عوض ربنا ليا عن بنتي اللي خسرتها ومش هقبل اخسرها مرتين بس يكون عندك علم انه طول ما انا عايش علي وش الدنيا مش هخليك تلمح خيالها.
اخدني وعشت معاه ومن وقتها جدو وتيته هما اهلي بابا وماما اللي انحرمت منهم، اول ما وصلت ١٥ سنه حصل…
مي صباح الورد والفل يا احلى جدو.
الجد المهدي اه كلتي بعقلي حلاوة خلاص وضحك، يلا افطري علشان نقعد نتكلم عايزك في موضوع مهم جدا.
احسان هو انا مليش في الحب جانب ولا اي، فين صباح الخير ياتيته.
مي هو انا اقدر ياست الكل، دا انتوعوض ربنا ليا بعد بابا وماما، مش عارفه كنت هعمل اي من غير وجودكم في حياتي قدرتو بحبكم واهتمامكم ليا تاخدو مكان بابا وماما في قلبي.
احسان نزلت الدموع كالمطر، متقوليش كدا دا انتي اللي ماليتي علينا دنيتنا وعوضتينا عن غياب بنتنا الوحيده.
الجد المهدي حب يغير الموضوع، يلا يا مي حصليني علي المكتب.
مي خير ياجدو في اي قلقتيني..؟!
الجد المهدي بصي يابنتي وبكل وضوح، انتي كبرتي خلاص ومبقاش طريقة لبسك تناسب سنك الناس وحشه يابنتي.
مي هو لبسي مالو ياجدو.
الجد المهدي الحجاب يابنتي ستر للبنت.
مي بس ياجدو….
الجد المهدي مفيش بس يابنتي دا امر مش باخد رائيك.
مي اللي تشوفو ياجدو، (بأمانه كنت مدايقه ومكنتش حابه خالص الخطوه دي في السن دا ولكن اللي حصل انه حبيت الحجاب وبقا لبسي كلو شرعي وفعلا ستر)
وبعد مرور ٥ سنوات…
مي وفي يوم كنت وقافه في المطبخ مع تيته والباب خبط…
احسان مي اجري يابنتي شوفي مين..؟! و افتحي الباب يلا.
مي حاضر ياتيته، وفتحت الباب واللي شوفتو خلاني واقفه مش عارفه انطق ولا اتكلم كلمه وحده….
محسن بسرعه يابنتي اوضت جدك فين.
مي شاورت وانا مصدومه جدو مش بينطق وعمي محسن والناس اللي بتشتغل عنده شايلينو ودخلو الاوضه.
احسان مين يامي..؟!
مي دا!!! عمي محسن!!!
احسان طلعت من المطبخ محسن!!! هو جدك نسي ورق ولا اي.؟! وفجأة بتبص شافت جوزها نايم علي السرير والدكتور بيقولهم “البقاء لله ” وقعت …..
محسن بسرعه ارفعوها علي السرير.
الدكتور انا مش عارف اقول اي والله بس المدام” تعيشوا انتو”
مي واقفه مصدومه منطقتش ولا كلمه، جدها وجدتها اللي كانو كل حياتها فجأه مشيو وسابوها لوحدها في الدنيا.
محسن بصي يابنتي اليوم النهرده كان متعب بالنسبالك، هسيبك ترتاحي النهرده ومن بكرا الصبح هجيب المحامي وهاجي اطمن عليكي.
مي دخلت اوضتها تفكر هو انا ازاي هكمل حياتي لوحدي هعمل اي؟! سبتوني ليه بادري اوي ياجدو انت وتيته؟! ليه كل اللي بحبهم بيمشو ويسبوني لوحدي.
وفي صباح اليوم التالي…
محسن عامله اي يابنتي النهرده كويسه؟!..
مي بكل حزن ويأس الحمدلله..
محسن دا استاذ عبدالغني المحامي، جدك كان كاتب وصيه ووصى انها تتفتح اول مايقابل وجه كريم.
عبدالغني المحامي بصي يابنتي جدك كان سايب الورقه دي ووصى انك تقريها.
مي مسكت الورقه وفتحتها ( بسم الله الرحمن الرحيم
مش عايزك يابنتي تزعلي انا دلوقتي في مكان احسن بكتير، انا عارف انه انا وجدتك كل حاجه في حياتك، زي ما انتي كل حاجه في حياتنا بصي يابنتي انا عايز اكون مطمن عليكي وانا هنا، عايزك ترجعي وتعيشي مع اهل ابوكي الله يرحمه، اهلك مكنوش وحشين زي ما انتي فاكره جدك حاول كتير يشوفك وانا رفضت، دا حتي عمك عمل كل اللي يقدر عليه وزياده لكن انا منعتهم من انهم يقربو ليكي، الضفر عمره مايطلع من لحمه، انا كتبت كتابك علي ابن عمك هو اولى بيكي من الغريب، وكتبت كل املاكي ليكي بيع وشرا اشوفك دايما بخير يابنتي، وخليكي بالك من نفسك)
